المساعد الشخصي الرقمي

مشاهدة النسخة كاملة : شنو آخرة هالزوج ماادري !! المساعدة يااخوان !!

kingofbirds
11-12-2007, 06:54 PM
السلام عليكم .. يازعم ان طيوري الزيبرا باضت بيضتين .. رحت بعد يومين ما لقيت الثانية .. رحت اليوم الا الزوج بنى له عش فوق العش نفسه ونام فيه في الليل .. شنو الموضوع يااخوان انا وصلت حدي وشكلي بشتري زوج ثالث !! شنو الموضوع .. هالبيضة مو مخصبة اغلب الظن لانهم هاملينها وما يعطونها اهتمام .. شنو السالفة .. توقفت الانثى عن وضع البيض يااخوان ؟؟ ارجو منكم المساعدة .. شكراً ..
الاربش
11-12-2007, 07:34 PM
من الواضح انك عجول
انا اقول انطر اشوي خل النثيه تجمع البيض وبعدين ترك عليه
وشيل كل خيوط متوفره للطيور انها تبني عش فيها
kingofbirds
11-12-2007, 07:37 PM
اخوي الاربش الانثى من يوم السبت باضت ولحد الحين ولا بيضة .. وبصراحة لان عشهم ظلام وما شفت الا بيضة .. هل يمكن خشت البيض ؟؟ ثاني شيء مااقدر اشيل مواد التعشيش لان زوج آخر عشه في طور البناء ولم ينتهي من البناء بعد ... وانشاءالله بكرة بشيل العش الا فوق العش الاصلي وبشيل جميع مواد التعشيش .. لكنها ما باضت الا وحدة بس !!! جكل كم يوم تجيب بيض ؟؟ شكراً ..
الاربش
11-12-2007, 07:41 PM
طيب مو ممكن ان البيضه الثانيه نزلت الي قاع العش بين الخيوط

لذالك يفضل وضع قطن لتسكير الفتحات في ارضيه بالعش
kingofbirds
11-12-2007, 08:59 PM
والله هذا احتمال قوي جداً .. لكن بصراحة بتركهم يولون يتصرفون لاني سأزيل الامان عنهم .. خلهم والعش لن ازيحه خلهم يتصرفون كيفهم لاني يأست من المراقبة . وبصراحة مااقدر اجزم انها طاحت لان الي يبين قليييل والعش مسكر بالخيوط ومااقدر اشوف شيء .. والعش الا بنوه خلهم يتصرفون بروحهم ... شكراً
kingofbirds
11-12-2007, 09:43 PM
ماهو الحل مع العش الذي تم بناءه حديثاً ؟؟ هل ازيله ؟آآآآآآآآآآآآآآآآآآآآآه لو كنت معانا يااخ مسمار كنت جاوبت علي .؟ شكراً
mishary
11-12-2007, 11:27 PM
اخي العزيز
من الطبيعي بالطيور ان تتوتر بالمكان الجديد يكون البيض غير مخصب او مثل حالتك هذه
اسمحلي بهلكلمه المشكله فيك انت لا تزعل انا مثل اخوك حرصك الزايد عليهم والدقه فوق المطلوب تسبب هذا الشي
اتركهم واعتبرهم ما باضو ولا تزيل مواد التعشيش ولا تحرك اي شي بالعش خلهم على طبيعتهم
واذا خلصو مواد التعشيش حطلهم زود والزوج ايعرف اشكثر يحتاج من مواد واشلون ايحافض على البيض والعش وعليك بالصبر اشوي
انا عندي زوج بنقليز 3 شهور يبيض على الارض ومخرب للعش ودايم بيضهم خربان واقطه بعد 20 يوم وانا ماخذ الزوج منتج ومشروط والحمدلله انتجو وانتاجهم غزير وحتى اعيالهم انتجو
اصبر اشوي والخير يايك ان شاء الله

تحياتي ....
kingofbirds
12-12-2007, 08:22 PM
السلام عليكم ... مشكورين جميعاً .. لقد جاءني احد كبار المربين الى البيت وازال البيضة ووضعها في عش الزوج الآخر .. وازال مواد التعشيش لان التعشيش فوق العش له مضار كثيرة واخطرها سقوط الفراخ والبيض .. وطبعاً شال العش الاصلي ووضع عش آخر وقال لي بان اضع مواد تعشيش جديدة .. انشاءالله خير .. وشكله هذي البيضة نهايتها القمامة !!
mishary
12-12-2007, 09:08 PM
اهاااا انا ما فهمت ان الزوج حط مواد التعشيش فوق العش
انا اخطات بالفهم اسف