الكاسكو ياكل الخشب ؟

[قناص]

ياجماعه help
اذاني الكاسكو اللي عندي يموت على شي اسمه خشب تقريبا كل شهرين ابدل العصا اللي يوقف عليها بالقفص

اللي صارت له هالمشكلة من قبل وعنده الحل جان زين يفيدني !! :confused:

تحياتي . . .

[بوفهد]

اخوي قناص انا اقول لاتحطله عصايه يوقف عليها (( حطله لوح خشب معاكس وخله ياكله واتحداك اذا خلصه )) .... غشمره

اخوي قناص الصراحه اعتقد انه الحيوانات اذا قاموا ياكلون خشب او رمل مثلا ، اكبر الظن انهم بحاجه حق بعض الاملاح او الفيتامينات فيحاول يعوضها بهالخشب او مرات يصير في بطن الطير دوود او حشرات فيحاول يعالج نفسه بنفسه ....... والله اعلم


وانشا الله اصحاب الخبره مايبخلون علينا بالردود الشافيه الوافيه

تحياتي

[قناص]

والله يا بوفهد سمعت من هالكلام وايد
واحد يقولي فيه نقص كالسيوم وواحد يقولي أهو أصلا الكاسكو ياكل خشب وهذا شي طبيعي فيه
وواحد يقولي يمكن حاله نفسية مثل اللي ياكل أظافره . .

وممكن كلهم صح أو واحد منهم صح . . والله العالم

[الاربش]

يمكن قاعد يبرد منقاره ويحكه بالخشب عشان ما يطول

انا الي اعرفه ان منقار الكاسكو يطول ويصير حاد ويمكن يأذي الطير

[الاستاذ]

وانا اؤيد كلام اخي الاربش وعلى مااعتقد انه يبرد منقاره علشان يقصره وعلى فكره منقار الكاسكو يطول مثل اظافر الانسان

[قناص]

والله على ما يبدو ان كلامكم صح
لأن أنا كان عندي كناري طال منقاره الى أن وصل مرحله ما يقدر ياكل ، فقلت ماكو الا أوديه البيطري
لكن الحمدلله توفى . . لالالا ماتوفى ، أقصد أن اهو تصرف وكسر الجزء الزائد والحمدلله رد مثل ماكان
فبالتالي يبدو ان الطيور كلها نفس الشي . .

شاكر لكم . .

[fr3on]

شى عادى انه ياكل خشب عشان يحافظ على توازن السوائل بالمعده . يفضل وضع بعض الالعاب الخشبيه المعلقه داخل القفص عشان احط حرته فيها.

[قناص]

والله اتحفني برايك يا فرعون

بس يقولون لا اتحط للكاسكو العاب داخل القفص لأن راح يأخر من كلامه نوعا ما . . والله العالم

شاكر لك . .

[الليث]

اخوي قناص انا اقول لاتحطله عصايه يوقف عليها (( حطله لوح خشب معاكس وخله ياكله واتحداك اذا خلصه )) .... غشمره

اخوي قناص الصراحه اعتقد انه الحيوانات اذا قاموا ياكلون خشب او رمل مثلا ، اكبر الظن انهم بحاجه حق بعض الاملاح او الفيتامينات فيحاول يعوضها بهالخشب او مرات يصير في بطن الطير دوود او حشرات فيحاول يعالج نفسه بنفسه ....... والله اعلم


وانشا الله اصحاب الخبره مايبخلون علينا بالردود الشافيه الوافيه

تحياتي

شكراً

[لحن الخلود]

والله استفدنا من موضوعكم الكثير الكثير يعطيكم العافيه ولصاحب الموضوع
اخي قناص.





,
تحياتي

[diver092]

نصيحة مجرب حطله غصن من شجرة السمر تكون ناشفة وتشيل منه القشرة وتكون نظيفة وليش شجرة السمر لأنه صلبة جدا ومتوفرة عندنا في الخليج وإذا ما حصلت عليه روح عند الجماعة اللي يبيعون الفحم بتحصل عندهم وعلى فكره أجود أنواع الفحم من خشب السمر
وإسمحولي على الإطالة :)

[رياني]

اخوي ممكن تركبله العصا المصنوعة من (الحديد) او (البلاستيك) بس مب الخشب

[كاسكو البحرين]

في البحرين عدنا مقولة انقولها

اللي ماعنده شغل يختن سنانير

أي الذي لا يملك شيئ يلهيه او شيئ يستفيد منه يقوم بتختين القطط :D

وأنا اتوقع إن أكل الكاسكو للخشب اللي عندك اعتقد هذا شيئ طبيعي

مجرد محتاج إنك تاخذه معك وتلعب معاه اهو من الملل يقوم بهذا الشي

الحل:

كل ماجوف طيرك يأكل الخشب طلعه من قفصة والعب معاه هذا إذا كان مروض واليف

ترى بعوض الخشب بلحمك :D

والله يخليه لك يارب بألف صحه وعافيه

كاسكو البحرين

[BRAZIL BUDGIE]

هلا اخوي هذا عادي عند كل الببغانات
عندهم طاقه وين يفرغونها
وانا انصحك انك تحط ماصوره 1 انش

كويسسسسسسسسسسه مره
ابنه امه الببغا ياكلها