kingofbirds
19-12-2007, 06:11 PM
السلام عليكم .. طبعاً كلكم يعرف ذكري البادجي الازرق السماوي الجميل .. وبعدما باضت انثاه 4 بيضات اكتشفت انهم غير مخصبين .. وبعدها كسرت البيض وغيرت مكان العش واعطيتهم فترة راحة شهر تقريباً مع الاهتمام بالتغذية الجيدة وبالذات الجرجير .. لكني شفت منقاره عليه خط ابيض وصعب شيلانه ومنقاره وااااااجد متوسخ الظاهر من تاكيل الانثى .. المهم قررت بيعه وشراء واحد ثاني .. امس في الليل تخيلت فروخه وهو يأكلهم وتخيلت حزن زوجته على فراقه فجاء في بالي الاهتمام بالتغذية به هو وانثاه .. المهم فصلتهم في قفص لحالهم واعطيتهم جرجير ياكلون .. ونظفت منقاره اليوم وخليته يلمع !! المهم جهزت القفص ووضعت مجاثم ثابتة جداً جداً .. وهي من الخشب .. وخليته هو والانثى .. طبعاً ما تتصورون شعورهم من اول ما دخلو القفص ومحد يتحسسه ويعرفه غيري لاني حسيته فرحان من قلب !! الله يدوم الفرحة !! وبالذات ان الانثى بدات تتفحص العش من جديد .. فبغيت رايكم .. هل اعطيه فرصة ثانية حتى اشوف بيضه مخصب لو لا ؟؟ ام اشتري ذكر للانثى وابيعه ..وما رأيكم في شراء زوجين بادجي عادي ؟؟ حتى امهله فرصة .. ثاني شيء اني فكرت بجمعهم كلهم بسلاكة ؟؟ ما رأيكم ؟؟ والسلاكة متر طول في متر ارتفاع في نصف متر عرض وستوضع الاعشاش من الخارج ؟؟؟ شكراً وسامحوني على كثرة الاسئلة ..