مشربيات الحمام

[قطرررررررررررري]

بسم الله الرحمن الرحيم

السلام عليكم ورحمة الله وبركاته


(( مشربيات الحمام ))


تنقسم المشربيات الي نوعين النوع التقليدي والنوع الحديث وان شاء الله في موضوعنا هذي المره

راح نتكلم عن كل نوع وعن سلبياته وايجابياته ونفتح باب النقاش بين الاعضاء في هذا الموضوع

واتمنى من كل عضو عنده معلومه لايبخل علينا فيها ويطرح لنا وجهة نظره ونبتعد عن الردود العاديه


اول نوع راح نتكلم عنه النوع التقليدي , والنوع التقليدي ينقسم الي مشربيات للمحاكر ومشربيات

للجمعي

واول شي راح نتكم عنه مشربيات المحاكر

مشربيات الخاصه بالمحكار اشكالها متنوعه وكثيره بس اهم شي لازم يكون المشرب مغطة من

فوق علشان تحافظ على المياه نظيفه

ونشوف اول نوع من المشربيات



http://www5.0zz0.com/2007/12/24/10/10384950.jpg



هذا النوع تتوفر منه مجموعة احجام واللي يستخدم للمحاكر الصغير والوسط

هذا النوع من اهم ميزاته ان وقت التنظيف تقدر تنظفه بالكامل حتى داخل الخزان الصغير لانه

ينفتح بالكامل



http://www5.0zz0.com/2007/12/24/11/76337328.jpg



لكن من عيوبه ان الحاجز السفلي صغير ويمكن تدخل فيه بعض الاوساخ ويحتاج

للرفع في المحكر وتخلي تحته يشي يرفعه بمستوى مناسب ان الحمامه تشرب منه

ونفس الوقت الاوساخ ماتدخل فيه

-----------------------------------------------------------

ثاني نوع وهذا بالنسبه لي انا افضله اكثر



http://www5.0zz0.com/2007/12/24/11/42027656.jpg


وهذا النوع تقدر تشوف مستوى المياه بالداخل وبعد مستوى النظافه بكل سهوله

وحتى ارتفاع فتحة الشرب تكون بمستوى مناسب جدا

لكن من عيوبه وقت التنظيف ماينفتح بالكامل وماتقدر توصل للحزان الداخلي بكل سهوله

ونشوف الصوره



http://www5.0zz0.com/2007/12/24/11/66308846.jpg



لكن انا اشوفه احسن بكثير من الاول (( وان شالله نشوف ردودك وشنو تفضلون ))


-------------------------------------------------------------------


مشربيات خاصه للجمعي ومعظم هذي المشربيات متشابهه ونشوف فالصوره احد الانواع اللي

انا استخدمه عندي


http://www5.0zz0.com/2007/12/24/11/67230062.jpg



ميزة هذا النوع انه سهل التنظيف وانه يشل كمية مناسبه من المياه لكن افضل طريقه لوضعه

ان يكون متعلق بحبل ويكون مرتفع عن الارض شي بسيط علشان مايدخل فيه الرمل

واي اوساخ موجوده ونشوف الصور توضح اكثر




http://www5.0zz0.com/2007/12/24/11/23765467.jpg


---------------------------------------------------------


الانواع الحديثه : وهذي الانواع تسهل على المربي عملية تغير المياه بالشكل دائم

ونفس المشربيات السابقه في منها انواع للمحكار وانواع للجمعي باحجامه

ونشوف اول نوع للمحاكر


http://www5.0zz0.com/2007/12/24/11/71202640.jpg


وهذي تحتاج الي تمديدات بخزان المياه الخاص للحمام ونشوف ادوات التمديد


http://www5.0zz0.com/2007/12/24/11/22642943.jpg

http://www5.0zz0.com/2007/12/24/11/98589177.jpg

وهذي الطريقه مناسبه وميزاتها تختصر الوقت لكن من عيوبها

تسريب المياه بعض الحلات والغالبيه يكون التسريب اول الايام وبعدها خلاص يكون الوضع طبيعي

قد تكون تكلفتها عاليه عند بعض الاشخاص






-----------------------------------------------------------


مشربيات الجمعي نفس الطريقه تحتاج للتمديدات

وهذي صور منها

ويوجد منا 3 احجام واصغر حجم يمكن استخدامه فالمحاكر



http://www5.0zz0.com/2007/12/24/11/35062112.jpg


طبعا هذي ميزاتها تنظيفها سهل جدا لكن عيوبها بالاضافه الي عيوب الاولى ان صعب التعرف على

المياه نظيفه او لا الا اذا كشفت الغطى علشان تتاكد




------------------------------------------------------------


هذي انواع المشربيات الحديثه والتقليديه

وانا عن نفسي لحد اللحين مع التقليديه مادري احس انها افضل

لكن اتوقع لو كثر العدد بشكل كبير اكيد الحديثه بتسهل عملية التنظيف والتغير

اتمنى اشوف ردودكم ونقاشكم فالموضوع


بعض الصور من الانترنت وختمى عليها حفظ للموضوع وليس ملكيتي للصور



تحياتي

[The Spider]

ألف شكر لك اخي قطررررررررري على الموضوع القيم :)
لكن بالنسبة لي انا افضل هذا النوع:D

http://www5.0zz0.com/2007/12/24/11/42027656.jpg



مع اني استخدم صحن عادي لحمامي لاني مبتدأ في تربية الحمام :)
ما تضحكوا عليا يا شباب ههههههههههههه:) :D

[The black knight]

السلام عليكم :
وانا كمان افضل النوع الي يفضله عاشق السعي رنه احسن مع اني استخدم صحن بلاستيك لحمامي واغيره لهم كل يوم تقريبا.....................................
مشكور علي الموضوع الرائع والمهم..............................................

[قطرررررررررررري]

وانا مثلكم افضل هذا النوع لاني شفت انه مناسب اكثر

عاشق السعى ابتعد عن لصحون علشان ماتسبب الامراض اهم شي نظافة المعلف والمشرب

فالدرجه الاولى ومجرد اهتمام بسيط ان شالله نشوفك محترف

اخوى عبدالله مشكور على الرد وبصراحه ردودك منوره كل مواضيعي

[الوديع]

مشكور يالقطرى على الموضوع المهم بنسبه للنوع اللي فضلتوا أنا جربته وكانت المشكلة في
التنظيف وصعوبة الوصول الى الاجزاء الداخلية ؟؟ رجعت للنوع التقليدي بس لازم يكون على
مرتفع من الارض (( مثلا على الانترلوك )) يكون أحسن علشان مايتوصخ ,,,تحياتي

[قطرررررررررررري]

مثل ماقلت اخوي الوديع لازم شي يرفعه عن الارض

لكن النوع اللي فضلناه.........مالك الا تنظفه بفرشه خاصه بمراضيع الاطفال

وماي الحار وانشالله ينظف عدل

مشكور على الرد.......................وان شالله باقي الاعضاء يشاركون بالرد وبالصور

ونحصل حد استخدم المشربيات الاوتوماتيكيه ويقول لنا شلون تجربيه مع هذا النوع

مشكورين كلكم على الرد وعلى النقاش الاكثر من رائع..................تحياتي

[The Spider]

شكرا لك اخي قطررررري وبارك الله فيك :)

[قطرررررررررررري]

مشكور وجزاك الله خير

[hawy 7amam]

مشكور قطررررررررررري على الموضوع

[قناص]

ما شاء الله تبارك الرحمن

موضوع جميل ومفيد وقيم جدا
وترتيب الموضوع كان رائع ليساعد على جذب الاعضاء للاستفادة منه

وهذا ليس بغريب عليك اخوي قطررررررررررري

الله يعطيك الصحة والعافية

[مهدي تاون]

وعليكم السلام اخوي


موضوع رائع بصراحة ومفيد


انا في البداية ما عرفت شتقصد بالمشربيات

عالعموم انا عجبتني اللي بالطريقة الثانية .. احسها مريحة ورووعة

وانا عني استعمل الطريقة القديمة .. اللي نستعملها قبل لا تروح للطيور .. اتمر بالمطبخ والوالده محد .. تختار لك كم صحن من النوع الزين والحلو .. واتكمل طريقك خخخخ

شكرا اخوي عالمووضوع

وأنتظار جديدك