مشكلتي عووده بليز ساعدوني اللي عنده خبره

[ba7rinia_0o0]

مشكلة قطوتي اني خليتها بيت صديقتي
جم يوم لضروف معينه والقطوه مالتي صغيره عمرها 3 شهور ونص
بعد كم يوم اتصلت فيني صاحبتي وقالت لي انه لقطوه ما تاكل ومن احد يلمسها تصارخ
في نفس اليوم وديتها حق طبيب بيطري
اول ما قاس حرارتها جاف 41 درجه يعني مصخنه القطوه
قال اكيد عاضينها
جيك في ريشها جاف عضه المهم نضفها وضرب القطوه تقريبا 5 أبر وغير الرش على الجرح

تمت القطوه يومين الحمدلله تشافت وصارت زينه

من عقب هاليومين ردت ما تاكل وكله راقده ما تقوم من الرقاد

الحين صار لها 3 ايام على هالحاله
رديت وديتها امس البيطري قال لي اكيد من العضه و بعد ضربها ابرتين


وقامت ترجع مسكينه واهي مو ماكله شي حتى زوعتها صفره

ورجعتها البيت قال لي بتاكل

نفس الحاله ما كلت شي وكله راقده

اليوم الصبح وديتها حق بيطري ثاني قاس حرارتها قال لي اوكي
وعطاني مرهم حق الجرح و ضربها ابره وبعد قامت ترجع

بعد ما كلت شي

انفذوني شاسوي الدكاتره مو عارفين شنو فيها

اتمنى انكم تساعدوني

القطوه ثلاثة اشهر ونص بالضبط
شيرازيه


:(

اتمنى ما تموت

[Withered Rose]

السلام عليكم

اختي المفروض تخلينها عند بيطري واحد يتابع حالتها لأن جذي يمكن الثاني مو عارف شنو الاول عطاها من أدويه أو إبر ..
القطط الصغار و خصوصاً الشيرازيين يتأثرون بسرعه لأنهم حساسين .. الحين حاولي تحطينها بغرفة دافيه لأن يمكن مرضت من تغيرات الجو .. حطي لها الأكل المناسب لعمرها و حاولي تنوعين أكثر من نكهة (معلبات و جاف) لها عشان تنفتح شهيتها للأكل ..

انشالله مافيها إلا الخير بس انتبهي لها هاليومين عدل لحد ما ترد أحسن من أول انشالله :)

[sisi_moon]

يـــــــــــه -_-

عمرها ثلاث شهور وثمااااااااااااااان إبر

حراااام ماتتحمل

والمفروض تخليها عند بيطري وااحد مو اكثر من بيطري زي ماقالت اختي فووق

عطها فيتامين فتح الشهيه وان شاءالله تتحسن

[ba7rinia_0o0]

ويسلموو على الردود

انا ما كان ودي اغير البيطري

بس اول واحد رحت له مرتين

الله يهديه اتصلت عليه وقلت له بايب القطوه لك قال لا سمحي لي ما اقدر اجوف قطوتج شكله مو عارف شنو فيها

من جذيه اضطريت اوديها جق بيطري ثاني


وع العموم اليوم عطاني الدكتور حبوب عن الدود قال لي احتمال يكون فيها دود
هل ابتدي فيه من الحين وله انطر لين ما تصير احسن


القطوه مو راضيه تاكل شي شلون اخلطه لها

اليوم انا قصبتها تاكل زبادي بنصيحة احد الاخوان في منتدى اخر
بالموت لحست قاعده ادعسه في بوزها الله يستر

اللي جاته حاله مثل حالتي يقول لا يبخل علي في الرد
لاني بأمس الحاجه الى اي معلومه


انا قلت يمكن القطو من تعب الابر كله راقد
لين راح مفعولهم بيصحصح

الله يستر


الله يقومها بلسلامه
دعواتكم يا اعضاء

اختكم في الله
بحرينيه

[Dominique]

حبوبة هدي حالج

اولا منتجات الالبان ماتنفع للقطط اللي قاعدة تتقيا لأنها تهيج المعدة زيادة

لا تعطينها زبادي ولا حليب ولا جبن



حطي يمها صحن الماي وتأكدي من انه نظيف ومليان على الآخر

حطي يمها صحن دراي فود يناسب عمرها وريحته تكون قوية ونفاذة ( يعني بنكهة اللحم او السمج او الدياي ) وبعدي عنها المعلبات لأ،ها يمكن تسبب اسهال في حالة قطوتج

ولو مااكلت سلقي بيضة ووكليها الصفار بس
او خضار مسلوقة مثل الذرة او البازيلا او الجزر
او هرسي بطاطا ووكليها بيدج


ثانيا حطيها بغرفة دافية ولا تعرضينها للبرد او الهوا
يعني سكري الدرايش والبيبان عليها
وخليج يمها لعبي معاها بيدج او دلكيها شوي شوي
المهم تحس بالامان يمج



ثالثا غيري تراب حمامها او نظفيه علشان لو فيها دود ما يرجع يصيبها لو كانت طلعته مع البراز

وانشالله تتعافى


ميرسي
.
.
.

[ba7rinia_0o0]

حبيبتي القطوه تزوع من الابر

اخر دكتور عطاني حبوب مال الدود وقال لي خلطيه مع الاكل

امس عطيتها زبادي خالي انا طعمتها ما زاعت

اليوم الصبح عطيتها زبادي مخلوط مع الحبوب اهنيه قامت ترجع


الحين اعطيها الحبوب مره ثانيه او خلاص لين صارت زينه اعطيها

وشنو الاكلات اللي تنصحوني فيها

انا اليوم راح اجرب البطاطس المهروس


ابي اكلات غير للتنويع

[Dominique]

عطيها الحبوب لما تنتهي المدة اللي حددها الطبيب لأن الحبوب اهيا اللي بتخليها تتحسن

اما الاكلات

فعندج البطاط المهروس او صفار البيض او دجاج مسلوق بدون العظم

حاولي توخرين عن الدهون ومنتجات الحليب

.
.
.

[ba7rinia_0o0]

اخر تطورات قطوتي تشرب بس الماي
حطيت لها نوع البسكويت مال القطاوه ما تاكل
بس ماااي

و فيها اسهال ساعدوني شاسوي

[SleepyMiracle]

اخر تطورات قطوتي تشرب بس الماي
حطيت لها نوع البسكويت مال القطاوه ما تاكل
بس ماااي

و فيها اسهال ساعدوني شاسوي

ما تشوف شر و ان شاءالله فترة وتعدي بس يمكن تتعبين معاها شوي

بما ان فيها اسهال لازم تغيرين الرمل كل يوم ... ولا تعطينها ماي ... حطي لها بدال الماي سائل علشان الجفاف تلقينه في الصيدليات البشرية دايما يستخدمونه للأطفال اذا صابهم اسهال..

ثاني شي ... قطو كويتي علمنا نعطي قطاوتنا ثلاث قطرات زيت زيتون كل يوم ترى مفعولها عجيب جربيها ..

ثالثا ... الزبادي قليل الدسم مع العسل مررررة كويس ... عطيها اياه بالغصب مو مشكلة حتى لو رجعت .. استخدمي ابرة فاضيه وحطيه في فمها ...

واستخدمي بيتا موكس المضاد الحيوي تراااااه ممتاز ... وبعد عطيها فيتامين يعوضها عن الأكل بما انها ما تآكل ... قطوتي صابتها الحاله هذي من فترة والحمدلله صارت زينه بس اهم شي خليك معاها واهتمي فيها وبترجع مثل اول واحسن ان شاءالله ...

[ba7rinia_0o0]

هلاوالله
مشكوره حبيبتي بس ابي اسأل عن الدوى اللي حق الجفاف
شلون احطه لها وجم مره

ابي الطريقه لو سمحتي

يعني اخلطه مع الماي واحطه لها تشربه بدال الماي

يعني ابي بالتفصيل
وجم مره اخليا تشرب منه

لانه لاعت جبدي من الاسهال

وتسلمين على التفاعل

[SleepyMiracle]

هلاوالله
مشكوره حبيبتي بس ابي اسأل عن الدوى اللي حق الجفاف
شلون احطه لها وجم مره

ابي الطريقه لو سمحتي

يعني اخلطه مع الماي واحطه لها تشربه بدال الماي

يعني ابي بالتفصيل
وجم مره اخليا تشرب منه

لانه لاعت جبدي من الاسهال

وتسلمين على التفاعل

شوفي انا مو متأكده بالضبط بس اعتقد تحطينه من غير اضافات كبديل عن الماي
وانتي لما تشترينه اسألي الصيدلي ... وعطيها مثل ما قالت دومينيك بطاطا مسلوقه .. وما عليها شر ان شاءالله ...

طولي بالك عارفه ان الاسهال يرفع الضغط بس طولي بالك عليها شوي
وترى فجاة بتلقينها رجعت مثل اول و احسن ... القطاوة حساسه ترى ...

[ba7rinia_0o0]

فديتهم والله القطاوه
دعواتكم :) :) :)

[SleepyMiracle]

فديتهم والله القطاوه
دعواتكم :) :) :)

كيفها قطوتك الحين ... صارت احسن ؟