تسجيل الدخول

مشاهدة النسخة كاملة : ياريت تساعدوني

فتاة الادغال
25-12-2007, 04:27 AM
السلام عليكم

شلونكم اعضاء ومشرفين منتديات تو زوو

انا قبل كان عندي هامستر زوج

الصراحه ماعرف نوعهم ولا شي واختي شرت اثنين وحطينهم ويا بعض ملوت اختي كلوا ملوتي

قلت يمكن متوحشين الحين مو هذي مشكلتي


انا ابي اروح اشتري هامستر بس ماني عارفه بالضبط اي نوع زين وشدراني اذا صاحب المحل مايقص علي ويقولي اي اسم او اي نوع ؟
Withered Rose
25-12-2007, 04:43 AM
هلا اختي " فتاة الأدغال" .. :)

بالمحلات الباعين كلهم عليميه ما يعرفون أنواعهم و يمكن يعطونج اسم النوع غير و ساعات اهم يألفون له إسم على حسب المحل .. :D
راح تلقين نوعين موجودين بالكويت :
الهامستر السوري (يسونه الذهبي بعضهم) .. تقدرين تسوين بحث بالصور بهالاسم syrian hamster
الهامستر القزم او الروسي .. russian hamster - dwarf hamster
و القزم فيه منه نوعين (كامبلس- ونتر وايت)


الهامستر السوري اهوا الكبير و ساعات يصير فروه طويل و في منه ألوان أكثر و حركاته كيوت .. سلبياته : غير اجتماعي لازم كل هامستر كبير بروح الا وقت التزاوج أو الام مع عيالها ..

الهامستر القزم : صغير و شكله حلو لأنه يصير مدور و نظيييف حيل نادر ما يطلع ريحة و سهل التكاثر و اجتماعي و تقدرين تحطين اكثر من عائلة من الصغر مع بعض .. سلبياته : يمكن تحصلين هامسترات هجينه بين الكامبلس و الونتروايت .. و المهجنين ما يصلحون اذا تبين تكاثرينهم ..

اذا رحتي شوفي شنو اللي يناسبج اكثر و ترتاجين له اخذيه كل الهامسترات تربيتهم ممتعه بس حاولي تاخذينه بعمر صغير لأن الكبير يمكن يكون مثل ما قلتي متوحش ..


تربية موفقة :)
فتاة الادغال
25-12-2007, 04:52 AM
مشكوره اختي يعطيج الف عافيه على هالمعلومات
وانشالله اليوم بروح او باجر وبطبق الي قلتيه وايبهم عندي
وعرض صورهم عشان اعرف انا يبت الي ابيه صح
وفاهمه ولا لاء انا ابي القزم عاجبني الي قلتي عنه
يعطيج الف الف عافيه على مرورج

مع خالص احترامي
فتاة الادغال
25-12-2007, 05:25 AM
بس نسيت نقطه انا شلون اعرفه عمره مثلا اخاف الهندي الي بالمحل مايكون يعرف العمر ويقولي اي عمر على كيفه؟
Withered Rose
25-12-2007, 09:47 PM
العفو لا شكر على واجب :)

يمكن تلقين الهامسترات محطوطين بمجموعات .. كل مجموعه بحوض سمج أو قفص .. و أحيانا تلقين كل صغار مع امهم تكون كبيرة .. هذيل اللي موثوق فيهم و عمرهم يكون معروف ..
موفقة انشالله
فتاة الادغال
27-12-2007, 01:57 AM
تسلمين اختي ماقصرتي يعطيج العافيه

على مررورج

نورتي