ما نوع هذه الببغاء؟؟!

[هيبة_ملك]

السلام عليكم ورحمة الله وبركاته


الرجاء منكم الافاده بخصوص نوع هذه الببغاء واية معلومات قد تتوفر لديكم من ناحية التربية والتفريخ وتمييز الجننس شاكر لكم حسن التعاون

حاولت اني اجد لها ا موضوع ففي منتداكم الموقر وما حصلت لها شي

شكرا ً

http://uaesm.maktoob.com/up/uploads/e5541e34b2.jpg

[أبو فاطمه]

السلام عليكم ,,

اخوي هذا اسمه ببغاء جاردين

وبعض الناس يعتقدون انه من انواع الامازون

ولكن الحقيقة ان أصله من افريقيا وليس امريكا الجنوبية

ويفضل تربيته وهو صغير اذا كان بغرض الكلام .

وهذه المعلومات اللي عندي وسامحني عالقصور

الاخوة الاعضاء والمشرفين ان شاء الله فيهم الخير

وماراح يقصرون .

اخوك/ ابوفاطمه .

[هيبة_ملك]

الله يبارك فيك ما قصرت الغالي

[أبو فاطمه]

انا اسف يالغالي اعتقد اني اعطيتك معلومة خطأ

بدون قصد , فمن خلال مراجعاتي للصور اتضح لى الخطأ وانه ليس ببغاء جاردين

واوعدك بأنني سأحاول معرفة معلومات عن هذا الببغاء .

اخوك/ ابوفاطمه .

[*عالم الحيوان*]

السلامـ,, عليكم,,

اخوي.. والله اممم.. اول مررهـ اشوف هالطير لاكن يمكن هجين الفيشر؟

وإلا انا غلطان؟

او نوع من الـ سنغالي..

سآبحث جاهدا.. للبحث عن معلومات عنه..^__*

*عالم الحيوان*

[هيبة_ملك]

والله يا طويل العمر ما عرف عنه اي معلومه الا انه طير بس

ولكم كل الشكر والتقدير والاخ بو فاطمة مسموح الظاهر تشابهت عليك الصور

ان شاء الله راح انزل صور اكثر علشان تكون الامور اوضح

[*عالم الحيوان*]

هلا اخوي..

والله جالس ادورلك..

الطير طيرك؟

[هيبة_ملك]

هي نعم طيري وما باقي في السوق وايد منهن وحاب شوية معلومات اذا طلعت جيده باخذ زوجين زيادة وبحاول اسوي انتاج منهن

[*عالم الحيوان*]

للاسف لم اعثر ع اي معلومات لهـ..

لا في المواقع العربية ولا الاجنبية ولا عن شخص ولا عن الكتب..

ولاكن .. اذا حاب تنتظر فأنا راح اروح السوق بعد كم يوم.. واسئل عنه وعن ...

؟

واسف..

*عالم الحيوان*

[هيبة_ملك]

السلام عليكم ورحمة الله وبركاته


شكرااخوي عالم الحيوان على مجهودك
وهذي صور اكثر للطير:

http://www.pusup.com/uploads/7f490a5876.jpg (http://www.pusup.com)

http://www.pusup.com/uploads/0b771fab90.jpg (http://www.pusup.com)

http://www.pusup.com/uploads/30fb8fd8ac.jpg (http://www.pusup.com)

http://www.pusup.com/uploads/96ac78027a.jpg (http://www.pusup.com)

http://www.pusup.com/uploads/c4b70d5a55.jpg (http://www.pusup.com)

http://www.pusup.com/uploads/19aed0be54.jpg (http://www.pusup.com)

http://www.pusup.com/uploads/216cf5deef.jpg (http://www.pusup.com)

[Mr. MeMo]

اخي الكريم


كما ذكر الفاضل ابو فاطمه هذا هو الجاردين باروت

و اصله من وسط افريقيا طائر جميل في الوانه

لعوب جدا اذا ما تم توليفه و يجيد الكلام بشكل متوسط

[كوكاتيل مشاغب]

السلام عليكم ورحمة الله وبركاته
مثل ما قال الاخ مستر ميمو هذا فعلا جاردين باروت
انا عندي واحد منه شريته وهو باقي ما كمل ريشه والحين ماشاء الله
المهم انا باعطيك كل اللي اعرفه عنه من تجربتي واللي قريته عنه طبعا في مواقع اجنبيه لاني عانيت مثلك في البدايه لعدم توافر معلومات عن هذا النوع
باختصار شديد النوع هذا لعوب بشكل كبير وميزه حلوه فيه انه لايحتاج الاهتمام الكبير حيث انه يقوم بتسيله نفسه بنفسه شخصيته قويه وقد يفرض نفسه احيانا ليس ضعيف الشخصيه مثل الافريقي اذا تركته كم يوم نتف ريشه
اذا كنت تملك اكثر من طائر وقد تعلموا الكلام قد تلاحظ انهم يتواصلون مع بعضهم بالاصوات البشريه
منقاره كبير ومخيف بعض الشيء ويفضل اعطاءه اللوز بقشره فهذا يصنع العجائب في برد منقاره والحد من طوله زياده عن اللزوم ومثل باقي الببغاوات يلزم اجراء فحص الدم لتحديد الجنس يوجد من هذا النوع ثلاث فصائل تختلف حسب الحجم والبقعه البرتقاليه في مقدمه الراس
حجم كبير وبقعه برتقاليه كبيره
حجم متوسط وبقعه برتقاليه صغيره
حجم صغير نسبيا وكم ريشه برتقاليه في مقدمه الراس واللون الاخضر غامق جدا
والفرق في الحجم لايتعدى السنتيمترات يعني فرق بسيط جدا
مثل الببغاوات الامازونيه تستطيع تحديد العمر بلون العيون يبدأبالاسود ثم البني ثم البني المحمر حتى يصل للبرتقالي
هذا الكلام اللي قريته من بعض المربين الامريكان
اما عن تجربتي
ولف معي خلال 3 ايام
وقف على يدي في يوم واحد
ياكل من يدي اي تصفيره يقلدها
يحب اللعب طبعا باب القفص مفتوح 24\24 يدخل ويخرج على كيفه ويتمشى في البيت البركه في الوالد والوالده ما يحبون يشوفونه محبوس مدلعينه مررررررررره
سميته مووودي يعني مزاجي لانه من جد مزاجي لكن انا الوحيد اللي يسمع كلامي لما اقول لأ يترك اي شي يسويه ويرفع رجل وحده يعني مستسلم واذا شاف واحد يناديه بحسب ما تعود منه مثلا اختي دايم اذا عدت من عنه تصفر له صار كل ما يشوفها يناديها بتصفيرتها
انا كل ما اعدي يطقطق ويبوس ويقول لا لا لا
وابوي كل ما شافه يقول يالله ياكريم
امي كل ماشافها قام ينادي الشغاله لان امي كل وقتها وهي تنادي الشغاله يافلانه روحي ويافلاني جيبي
اليوم بالذات اول ما صحي من النوم طلع من القفص وقام يناقز بالارض ويمشي ويصفر ويتكلم ويتدحرج على الارض وينطنط يعني ما يهجد
بالمختصر تبي وناسه خذ منه الين تشبع لكن ارجع واقول عنيييييييد ومزاجي لكن حبوب
وان شاء الله تكون استفدت

[Mr. MeMo]

كوكتيل مشاغب


ابدعت بالوصف و كم كنت اتمنى ان اسمع من شخص

قام بتربيته و ما شاء الله عليك ما قصرت


الله يعطيك الف عافيه

[هيبة_ملك]

هاوي مشاغب


لك كل الشكر والتقدير مني على هذي المعلومات القيمة والمفيدة واكرر شكري لك

[bad angel]

بسراحه اول مره بشوف هيك ببغاء

الحجم اللون شوي غريب

[كوكاتيل مشاغب]

السلام عليكم
الاخ مستر ميمو مشكور ولكن فين انا من ابداعاتك نقطه في بحرك ماشاء الله عليك
الاخ هيبه ملك
اي خدمه اخوي انا حاضر وللعلم موودي عمره الان 8 شهور بس ويسوي كل هذا وللعلم طيور الببغاء لا تتبلور شخصيتها الا بعد سن البلوغ فاي شي تبي تسوي معها يكون من الافضل انه يكون قبل البلوغ فهذه الفتره هي اللي تحدد نوع شخصيه ببغائك مهما كانت الخطوط العريضه للنوعيه مثلا الرمادي الافريقي يتميز بضعف الشخصيه والخجل لكن رايت ببغاوات رماديه انا اخجل اكثر منها هههه
والله يوفقك وتنتج منها وهذا ليس مستحيل ابدا وكل شيء بتوفيق من الله

[aiman atef]

انا اعتقد ان من فصيلة الفيشر

[كوكاتيل مشاغب]

لا ياخوي ايمن ابدا ماهو فيشر هذا اسمه ببغاء جاردين