الله يخليييييكم ساعدوووووني

[دلع بحريني]

السلام عليكم والرحمه



عزيزااااااااااااااااااان الكاسيكو مالي مريض صادته برووووده لانه الجو متغير ...

صاير ما يتحرك وايد ولا يلعب ولا يصفر مثل قبل ..

كله نافش ريشه وراقد


اول ما لااحظت عليه هالاعراض من اول يوم وديته البيطري يوم الاربعاء وديته

وعطاني مضاد

لكن احس ماكو تحسن صارت حالته اسؤ من قبل


واليوم الجمعه اتصلت حق اكثر من بيطري وماحصلت احد مايبفتحون اليوم...


كل االي ابي منكم لو بس تعطوني اجراءات اولية اقدر اسويها حق فرخي عشات اخفف عليه لي يوم السبت اوديه البيطري


او لو تعرفون بيطري فاتح اليوم دلوني عليه ويزاكم الله خير


والله العظيم يالسه اكتب الموضوع ودمعتي على خدي خااااايفه على عزيزان يروووح مني وانا يالسه اشوفه

الله يخليكم اللي يدش الموضوع يدعي انه الله يشفيه ويخليه لي واشوفع يلعب ويصفر مثل قبل

[دلع بحريني]

هذي صور حق عزيزان


موبي منكم شي بس على الاقل تدعووووون الله يشفيه :(


http://www5.0zz0.com/thumbs/2007/12/28/09/85346307.jpg


http://www5.0zz0.com/thumbs/2007/12/28/09/96430906.jpg

[*عالم الحيوان*]

هلا اختي..

والله انتي حطيه في مكان دافئ.. ومايكون برد.. ولافيه تيارات هوائية ونوعي له من الاكل..

ع مابال مايروح لم الـ طبيب..

والله يشفيه...

*عالم الحيوان*

[kingofbirds]

اخي انا طيري الدرة الله يرحمه كان مثل طيرك ... اخي وده للبيطري وقول له يعطي ابرة .. واغصب الدكتور ان يعطيه ابرة ... لان الدرة مالتي كانت بنفسه وصارت لآخر يوم جدي وبعدها عطاني مضادات لكن ما نفع .. الابرة هي الحل الوحيد .. عندك في محل اسمه مركز جاسم البيطري عند صيدلية ناصر الماحوز .. روح هناك وبيعطيك .. وعند واحد في البديع بس ماادلع بالضبط وين ولا اعرف اسمه .. الحق عليه بسرعة .. اعطه ليمون مع ثوم وماء .. وعاود مداواته ..شكرا

[kh200063]

الله يشفية انشاء الله ولا يوريه شر
المهم اعطيله الفول السوداني لانه يخلية يشعر بالدفئ

[دلع بحريني]

*عالم الحيوان*

مشكور اخوي على ردك واانا مسويه هلون حاطته في مكان دافي ومشغله عليه الدفايه وملحفه القفص

لكن نفس الشي ...



kingofbirds


اخوي مشكووووووووور على النصايح والله ان شااءلله اول ماروح البيطري بقول له يعطيني ابره

انا ادله ذي مركز جاسم للطيور اذكر ساعات اروح له اخذ دوا

بس كل مره اروح اسال عن بيطري ولا شي يقولون لي ماكو بيطري بس تاخذين دوا !!

متاكد اخوي انه هناك في بيطري وشنو اسمه عشان اذا رحت المحل اسال على البيطري

ويزاك الله خير

اسعدني ردك والله :)



kh200063

تسلم لي اخوي على الدعوه الطيبه .. الله يسمع منك ان شاءالله

وبحاول اعطيه فول سوداني لانه مادري شفيه صاير ما ياكل الا قلييييييييييييل




وكل اللي دش ولا رد مشكورين ويزاكم الله الف خير

[دلع بحريني]

امس الفجر مات فرخي عزيزان ... الله يرحمه ان شاءالله :(

بس حبيت انصح البحرينين واللي يربون طيور او حيوانات اليفه لا يروحون عياده الدكتور احمد امير للبيطره

لانه طبيب فاشل ولا يعرف شي في البيطره


واهوه السبب في موت فرخي عزيزان


انا بلغت وزارة الصحه عنه وان شاءالله يطبقون عليه الاجراءات الازمه

عشان يوقفون مثل هالاشكال من ممارسه الطب والبيطره...

لانهم اصلا همهم الاول والخير الربح والفلوس مو اكثر

وليس لغرض شريف ونبيل مثل الطب والعلاج..

اصلاه مهنه الطبيب لازم تكون بامانه وذمه اكثر من ما اهي تكون مجرد ربح وفلوس


حسبى الله والنعم الوكيل على كل ظالم

[kingofbirds]

اخي شنو عمل لك ؟؟ كيف قتل طيرك ؟؟؟ فيدني انا من البحرين ...

[دلع بحريني]

اخوي kingofbirds

انا يوم ديته حق البيطري >>>>> كلمه اصلا ما تليق عليه ... حددددددي حاقده عليه وبقوة بعد

كان يتعامل مع الطير بطريقه متخلفه وحشيه صراحه

انا اقوله الطير اليف مافي داعي العنف وياه اهوه يقول انا خبير دكتور بيطري خليني اشوف شغلي !!

المهم خليته ياخذ راحته


اول حركه بايخه سواها حق الطير انه زنطه من بلعومه عن الرقبه بقفاز متين >>>> هذا كله بس عشااان يحمل الطير !!!


اقول الطير اليف عادي حمله بيدك ماله داعي قفاز خمام بلديه اللي لابسة>>> والله شكله قفاز خمام بلديه ما جذبت في الوصف والله فوقي على كل كلمه اقولها

المهم انه طيري يوم خنقه من بلعومه حسيته ما قدر يتنفس ويطلع لسانه على برع يعني مخنووووووق


اقوله شيل يدك عن الطير لا تيوده هلون هذي مب اسلوب تبيني ايود لك الطير بيوده انا بروحي


يقولي لا انا اتصرف بروحي انتي خلج بعيد !!!


المهم فتح منقاره بمقص عشان يازعم يشوف بلاعيمه من داخل >>> يعني مجرد بس بطله بمقص... ما جرحه ولا شي لا يروح فكركم بعيد

وعقب قالي انفه مسدود وقطر داخل انفه قطرتين مادري اربع ماذكر جم صراحه

وبعدين قالي لازم اضربه ابرتين !!!!

قلت له الابره اكيد مفعولها مب خطيره على الطير


يقول لا انا خبير في الطير ياتني حالات جذي هلون العلاج مالهم

المهم انا في البدايه متردده من سالفه الابر

لكن عقب توكلت على الله ضربه بس ابره وحده وقالي نسبه نجاحها 70%

وعطاني دوه بودره في قرشه وصخه مالت عينات دم .... اللي ياخذون فيها تحاليل


قلت له شنو ذي !!!! عطني اسم الدوا انا بروح اشتري

قالي انا فاهم شغلي عدل وعطي الدواه وبيشفى !!!

وعلى ذي كله خذ على العلاج الخره 16 دينار !!!

انا ماتهمني البيزات قلت له اهم شي صحه الطير


قالي لا ان شاءالله ما فيه الا العافيه


وفي نفس اليوم باليل ماااااااات والسبب الابره اللي ضربه والدوا اللي عطاني اياه


طيري قام يرجع لين مات ......



حسبي الله والنعم الوكيل فيه


راااااااااااااااااااااااح الغالي :(


الله يرحمه... يمكن الموت له راحه :(

[حمود 999]

الله يصبرك على فقدك الطير ويرزق بطير غيرة وعوضك فية بنسبة لدكتور مصري هو او بحريني

[عسوله جدة]

حسبي الله ونعمالوكيل بجد اختي الدكاتره مايهمهن غير الفلوس انا كان كذا عندي ببغا وديته عند دكتور اعطااااااااااه ابر وبعد فتره ماااااااااااااات اللي يجازيهم اللي ياخذوه هدي الخبره عشان فلوووووووووس الرحمه قبل كل شي

والله يعوضك انشاءالله اختي