ماهي الخطوة القادمة

[ظريف]

السلام عليكم اليوم لاحظت على عبود (الببغاء) انه صار ياكل وانا تحته لان قبل كان لازم بيني وبينه 10 امتار عشان ياكل يالوم مايجي ربع متر وانا مرة خشمي قريب من القضبان فهل هذا يدل انه اتعود على المكان وعلي واذا اتعود هل احاول وياه اني امسح هليه لاني قبل كم يوم اشتريت فقازات صار اول مايشوفه يعافس في القفص كأه مجنون قبل اسبوع حاولت اني امسح عليه وهو داخل القفص قام يصارخ ويعض لادرجة انه من كثر ماهرب مني اذا روحه بس اليوم اشوفه هادي وياكل قدامي وفي حركة ثانية اذا انا كنت بعيد عنه يسوي حركات كأنه يبي يطلع من القفص او كأنه يبي يشوف انا وش قاعد اسوي واخر شي ينزل الى ارض القفص ويروح الى الزاوية لانها وسعة شوي يحط منقاره في الزاوية كأنه يببي يطلع وبرجوله يقعد زي الى يحركها الى ورا كأنه يفحط وش تعني هذي الحركة .........وشكرا واسف على الاطالة

[تروكي10]

اذا كنت تبي تلمسه



عنديلك طريقه انجحت معي::



اول شي قرب الى الطير وقله راسك راسك وانت تصفرله وتنادي باسمه وخل اصبعك

قريب من راسه وحاول بقدر الاستطاعه انك تلمس راسه اذا لمسته قله (بطل شاطر)



ملاحضه:

اذا حاول يعضك قله خطا خطا بصوت مرتفع



واسفين على الاطاله

[ظريف]

مشكور انشاالله بكرة رجعتي من الكلية احاول هالطريقة

[فلاش قطر]

ورد علينا ايش صار معاك .... لاني تعبت معاه انا ولا هو راضي يركب على اليد

سؤال ... هل يوجد فرق بين الكاسكو و الحر في التعلم على اليد ؟؟

لانه الاسلوب المتبع مع الصقور قد تكون فيها خشونه نوعاً ما ... وانا لا احب اتبع هذا الاسلوب مع الكاسكو

[كاسكو البحرين]

ظريف

الطير يخاف من القفاز يفضل منك التروي وبالصبر ان شاء الله راح تنجح ولا انصحك
بستخدام القفاز في محاولة المسح على الطير ، وكل الطير من يدك بستمرار وأدخل
يدك الى القفص بدون قفاز وبدون لبس الخاتم او ساعة (الأشياء اللامعه ترعب الطير)
وبهذه الطريقة تدريجياً راح تجوف الطير يتقرب لك تذكر كلامي :cool:

فلاش قطر

طريقة الوقوف على العصا هناك طرق خشنه وهي طبعاً طرق عنيفه وإجبارية بالنسبة للطير
يكون في حالة يأس أو إستسلام وهذا يأثر سلباً مع مرور الأيام والتغير المستمر على نفسية الطير
طريقة العصا والتدريب عليها طريقة إحترافية وسر هذه الطريقة هي (الصبر) وهناك طريقة القفاز
وهذه طريقة جيدة ايضاً

[ظريف]

كاسكو البحرين مشكور وامقصرت على النصيحة لكن الي اشوفه منه اني مجرد بس انه يشوف يدي يجهز روحه يبي يعض هذا بدون ما ادخله او احطها على القضبان بس شوف لكن اذا نزلت يدي يصير وياي زي العسل حتى اليوم اذا اقوله تعال اكثر من مرة يجي يروح الى زاوية القفص من فوق زي الي يطلع منقاره ويعود يرجع واذا قلته شاطر زي الي يفرح ويستانس لكن بس يشوف يدي يرجع زي ماكان

وفلاش قطر انشاالله الله يعطيك الي في بالك

تروكي 10 انا جؤبت نصيحتك يمكن قعدت وياه ساعة كاملكو احاول فيه مانافع عطاني الاذن الصمخة زي ماقلت قبل اليوم اقوله تعال يجي اول شي انا فكرت انها صدفة لكن جريبت اكثر من مرة وفي مرات قعدت ساكت ماجا لكن من الح عليه انه يجي يقرب لكن ريح قلبي خالني افكر ان في امل وياه ........... واسف على الاطالة وشكرا

[ظريف]

الحمدالله صار عبود ياكل من يدي لكن المشكلة مايرضى ياكل الا من ورا القضبان

[ظريف]

اذا حطيت يدي داخل يحاول يهجم عليها او يخوفني وساعات يجعر تجعيرة خفيفة كلش كيف اخليه يتقبل اني ادخل يدي داخل القفص وكيف يتقبل اني امسح عليه بدون قفاز بحيث انه مايعض

[وعـــد الهـــوى]

السلام عليكم
زي ماقالك اخوي كاسكو البحرين انه القفاز ماينفع ولو احد قالك ينفع
بيكون بخوف البغبغاء وغصب عنه ولو ولف بالقفاز ماراح يخليك تلمسه
بيدك المقصود عوده على يدك واكله كل يوم منها
واذا جيت تمسد عليه خليه برى القفص
لانه وهو داخل القفص صعب اما برى بيكون الطير اهدء شوي
بس انت عوده على طلوعه برى القفص

والحركه الي يسويها كانه يحفر زي الدجاج
هو يحاول يطلع من القفص هذا على استنتاجي انا يعني يمكن في رئي ثاني
عند اي احد ولا تنسى انك تاكله من يدك دايم عشان يتعود عليها
وبداية توليفه شد يدك وقفلها واعطيه ظهر يدك لانه بيكون صعب عضها
وخلي حركتك بطيئه جدا لانه لسه مو متعود
ومعليش عالاطاله

[ظريف]

مشكور وماقصرت على نصيحتك