زعلان

[loka]

تحياتي للجميع :


بصراحة انا مرة زعلان لأسباب واتمنى يكون في حل عندكم طبعا اشتريت بسة صغيرة من جدة يقولي الرجال عمرها شهرين ونص ودوبها ماالها عندي اسبوع صرت اشوف وسخ في اذنها وما تاكل ولا تلعب ولا شي وديتها للدكتور نظف اذنها واداها ابرة مضاد ودواء من فمها وقطرات وبس , وطبعا التشخيص قال انو التهاب في الاذن من الفطر وسار يسبب زي النزيف وقالي خد الادوية دي وكلو تمام المشكلة انو البسة مابتاكل ابدا ولا تتحرك ابا اعرف لو في فاتح شهية من الصيدليات البشرية او اي شي لأنو في مكة مافي صيدليات بيطرية تمام , وكمان بالنسبة للأكل انا ااكلها زي البسكوت لون الكيس بينكي وبس .

واذا مافي تعب عليكم تشوفولي حل ومنها تقولولي ايش نوعها .

[الماهر]

أنا ما واجهتني هالمشكلة
بس أخي العزيزي أنا في احدى المرات أول ما بدلت نوع الأكل لقططي ما كان يعجبهم فصرت أعطيهم أكل مخلوط نوع قديم وجديد
بس أنت بما أنه لسى جديد عندك أقترح تجرب تعطيه لحم أو دجاج يمكن أنه يحبه وضع له بعض الحليب بس تخليه معاه فترة طويلة علشان لا يخرب ويشربه.


اتمنى باقي الأخوان يفيدونك

تحاتي

[حسن أحمد]

السلام عليكم اخي في العيدة البيطرية في حبوب فاتحة للشهية بس عشان القطوة مريضة عشان كدا ما تاكل اعطيها الدواء الي موجود في العيادات الكبيرة موجود في الصيدليات الصغيرة وارخص كمان انتا انتظم علي الدواء وكمان نظف الاذن بستمرار استخدم عطر اليمون او الكولنيا وقطنة ونظف الاذن وانشااللة بتكون بخير

[SleepyMiracle]

تحياتي للجميع :


بصراحة انا مرة زعلان لأسباب واتمنى يكون في حل عندكم طبعا اشتريت بسة صغيرة من جدة يقولي الرجال عمرها شهرين ونص ودوبها ماالها عندي اسبوع صرت اشوف وسخ في اذنها وما تاكل ولا تلعب ولا شي وديتها للدكتور نظف اذنها واداها ابرة مضاد ودواء من فمها وقطرات وبس , وطبعا التشخيص قال انو التهاب في الاذن من الفطر وسار يسبب زي النزيف وقالي خد الادوية دي وكلو تمام المشكلة انو البسة مابتاكل ابدا ولا تتحرك ابا اعرف لو في فاتح شهية من الصيدليات البشرية او اي شي لأنو في مكة مافي صيدليات بيطرية تمام , وكمان بالنسبة للأكل انا ااكلها زي البسكوت لون الكيس بينكي وبس .

واذا مافي تعب عليكم تشوفولي حل ومنها تقولولي ايش نوعها .



شوف اخوي ... التهاب الأذن شي بسيط وحله سهل وغالبية القطط تتعرض له اذا ما اهتمينا بنظاقة اذنها ... نصيحتي لك اشتري لها قطرة اذن من الصيديلة البشرية اسمها دينتامايسين
نظف اذنها وحط لها نقطة في كل اذن مرتين يوميا ... اهم شيء تتأكد ان القطرة تدخل لداخل اذنها علشان تستفيد من العلاج ... والنزيف عادي لا تخاف منه هذا بسبب تكتل الاوساخ في اذونها ..

وبالنسبه للأكل انتظر عليها شوي ان شاءالله تنفتح نفسيتها وتآكل وتصير تمام .. اعتقد انك تقصد رويال كينن لأن هو كيسه وردي .. هذا تمااااااااام الاكل والكل ينصح فيه .. جرب تعطيها اكل ثاني من البيت .. دجاج مسلوق من غير اضافات مثلا .. وبما انها صغيره عطيها حليب قليل الدسم .. ولو طولت ما تآكل عطيها فيتامين ...

[حسن أحمد]

السلام عليكم اخي في العيدة البيطرية في حبوب فاتحة للشهية بس عشان القطوة مريضة عشان كدا ما تاكل اعطيها الدواء الي موجود في العيادات الكبيرة موجود في الصيدليات الصغيرة وارخص كمان انتا انتظم علي الدواء وكمان نظف الاذن بستمرار استخدم عطر اليمون او الكولنيا وقطنة ونظف الاذن وانشااللة بتكون بخير

[loka]

بستي الجديدة للأسف ماتت اليوم وديتها جدة عيادة الفيفا بس قيدو انتهى كل شي
ولا اعرف ايش السبب وصدقوني اهتميت فيها اكثر من نفسي لكن ايش اقول وانا حاقد على شي واحد (مافي عيادة بيطرية في مكة كلها صيدليات رديئة معفنة واصحابها استغلاليين )


من جد مشكور يا اخوان سويتو اللي عليكم

[SleepyMiracle]

انا لله و انا اليه راجعون

الله يعوضك خير :(

[Moz3ej]

لا حول ولا قوة الا بالله

الله يعوضــك

[عاشق البدجيات]

الله يعوضك انشاء الله

[nightdrive9]

الله يعوضك ان شاء الله

ونصيحه اذا راح تاخذ غيرها .........لا تاخذ اقل من 3 شهور ...نصحيه عشان تكون خلصت الرضاعه وصارت تقدر تاكل لحالها.....