ممكن جواب اخواني :) ..

[A.AlYousifi]

السلام عليكم ...

اخواني انا قبل يومين شريت كاسكو و عمره تقريبا يبي يكمل السنة ..

اهوا الحين خايف من البيئة الجديدة .. بس عندي سؤال!!

الحين اهوا ما يصفر كلش ( يمكن مره او مرتين بس ) هل هذا طبيعي و لا في مشكلة او انه خايف و كل ما اقرب وايد من القفص يجعر على الخفيف ..؟

لانه الي باعني ياه يقوول انه يصفر و ان شاءالله يكون صادق :D

و مشكورين واايد على الاهتمام الرائع بالمنتدى الرائع ..

اخوكم علي ..

[A.AlYousifi]

9 مشاهدات و لا احد رد :(:(

[قناص]

أهلا وسهلا فيك في منتدانا

بالنسبة لأي كاسكو يجب الانتظار عليه كم يوم حتى يتعود على المكان لأنه جديد عليه
وخصوصا الكاسكو الرمادي فهو طائر حساس ويحتاج كم يوم لكي يتعود على المكان
ولا تنسى العناية بالطائر وتبديل الماء وتقديم الطعام الجيد وتنظيف القفص

---------------

وبالنسبة لعدد المشاهدات قد تكون كلها لك لأنك لو دخلت للموضوع أكثر من مرة فانها تحسب من ضمن المشاهدات

متمنين لك التوفيق

[A.AlYousifi]

مشكور اخوي على الرد ريحتني وايد :)

و الله يعطيك العافيا على المجهود الرائع ..

[عالم الامارات]

زين كاسكووو عندك يصفررر انا اللي عندي كلش لا يصفر ولا شي بس ساكت بس ينبح او يجعرر لان لما يجعر يجعز زي صوت الكلب ههههههه

[A.AlYousifi]

:) مثل ما قالو الاخوان بالمنتدى لازم نصبر عليه ..

و ثاني شي انا اول مره شفت فيديو في صوت تصفير كواسكو .. لمن خلص الكاسكو مالي صفر بعدهم ..

و اليوم نفس الحاله حطيت الفيديو مالي يصفر اكثر من امس و بروحه .. و ان شاءالله الكلام بالطريج :P

و شكرا..