محتاجه مساعدتكم....بشتري قطه ولأول مره

[وحيدة العاشق]

الســـــــــلام عليكم

انا ان شاء الله يومين واشتري قطــــوه ...وماعندي فكره عن القطط قرأت اشياء عنها ...بس ابغى نصائحكم لي واكون ممنــــــونه ..لاني ما ابغى اشتريها وانسى شي وتموت لا سمح الله او تمرض....

يعني شنو يلزمني اسوي اول ما اشتريها......؟ :o

وكيف ادربها على انها تقضي حاجتها بمكن واحد عزكم الله؟؟

وشنو التطعيمات يلي لازم تاخذها؟

اخذ ذكر او انثى..؟ وكم عمرها؟ :think:

يصير اخليها داخل البيت .......؟؟ لان اخاف اذا طلعتها الحوش تنط وتروح عن البيت ؟

وشنو الجو يلي لازم تكون فيه اقصد درجة الحراره ؟

اتمنى تساعدوني بلأشياء يللي تفيدني ولكم الاجر ان شاء الله ........

تحيــــــــــــــــــــــاتي وحيدة العاشق :bdaysmile

[مياومياو]

عليكم السلام ورحمة الله وبركاته
شوفي اول شيء تختارين وش النوع الي تبينه
وكل نوع له مميزاته لازم تكونين عارفه يعني تبين قطو شعره طويل ولاعادي ولا متوسط بعدين اللون ولون العيون والعمر اشياء كثيره تفرق
بس اهم شيء انه يعجبك شكله ومايكون في ظربات او مخوش وتشفينها وتتلمسينه بيدك وتفحصين عليه
واشترطي عليه انك تودينها لبيطري تفحصي عليه
اظمن لك وبالنسبه الفرق بين الذكر ولالانثى الانثى ترى احسن لان الذكر يبي يطلع يتمشى مايحب البيت واذا شريتي اعلمك الباقي.

[قطقوطه]

لووووووووووووووووول ذكرتيني بنفسي لما جبت اول قطوه لي

عموما اختي

اول شي لاتخافين ترى ما يبي لها كل هالخوف

وعموما اول شي
اختاري المحل المناسب الكويس مو من اي محل(لو انا اعرف انتي من وين دليتك على محلات)

ثاني شي حددي عمر القطوه اللي تبينها ونوعها وتبينها طويله الشعر ولا قصيره(قصيره الشعر يفضل للي عندهم امراض صدر ربو مثلا)
واهم شي يكون معها شهادت التطعيمات




ثالث شي اغراض القطه
صندوق رمل
صحن اكل
رمل (يفضل اللي ينباع بالسوبرماركت)
اكل القطه وهذا على حسب عمرها
بودره وعطر
شامبو استحمام خاص بالقطط


رابعا تعويدها على استعمال صندوق الرمل
اول شي غريزه بالقطط انها تقضي حاجتها بالرمل بس اهم شي تعودينها على مكانه بالبيت
لازم تحطين مكان واحد وماتغيرنه ابد ويفضل انه يكون داخل حمام(وانت بكرامه) اول ما تجيبينها حطيها فوق الرمل وخليها تشمه وحاولي انك تمسكين رجولها وتحفرين فيهم علشان تعرف اكثر


وبالنسبه لانك تطلعينها برى البيت او جوى يفضل انك ما تطلعينها الا وانتي معها بس الاحسن انها ماتطلع لانها ممكن تتوسخ وهاذي قطط بيوت يعني مو مهم انك تطلعينها برى




وعموما لو حابه اي شي ثاني

ممكن انك تضيفيني بالماسنجر واساعدك اكثر


تحياتي

[قطو_Q8te]

يعني شنو يلزمني اسوي اول ما اشتريها......؟

اول ماتروحين وتشوفين القطه تأكدي من

خشم القطه ان كان لونه مثلا" ( وردي ) وعلى اطراف فتحات التنفس شي لونه اسود او بني لاتشترينها لانها مريضه

شوفي عيونها ان امدمعه حيل هم لاتشترينها

حطيها عالارض شوفي تمشي ماتمشي او يمكن تعرج .

وتاكدي انه ماينزل من خشمها سناسين ;)


وكيف ادربها على انها تقضي حاجتها بمكن واحد عزكم الله؟؟

كل ماكانت القطه صغيره بلعمر سهل تدريبها
انتي ماعليج الا تاخذينها وتحطينها على الرمل اهي راح اتشمه وان كانت حصرانه بتقضي حاجتها
ويفضل استخدام انواع معينه من التراب
مثل :
نشار الخشب
حبيبات سيلكا
او ماركة " كات سان "
قولي للبياع عندك تراب ماركة كات سان اذا فيه فانا انصحج فيه لانه وايد من مربين القطط يستخدمونه لانه فيه خاصيه تمنع انه الريحه تنتشر
" قابض للرائحه + احتواءه على عطر + يمكن التخلص منه بالقائه بالمراحيض دون التسبب بالانسداد "


وشنو التطعيمات يلي لازم تاخذها؟


انصحج اول ماتشترينها تاخذينها يكشف عليها عموما" ان كانت اقل من 5 اشهر مرح يطعملج ياها بس رح يعطيج فيتامينات وابر منشطه ..الخ


اخذ ذكر او انثى..؟ وكم عمرها؟

الاثنين نفس شي


يصير اخليها داخل البيت .......؟؟ لان اخاف اذا طلعتها الحوش تنط وتروح عن البيت ؟

اي يصير
اذا صغيره ماتقدر تنط



اتمنى تساعدوني بلأشياء يللي تفيدني ولكم الاجر ان شاء الله ........

[وحيدة العاشق]

مشكوووووووورين.......

والله فدتوني وانا راح اضل بتواصل معاكم.........

قطقوطه بضيفك عندي علشان استشريك ببعض الشغلات اذا ماعليك كلافه..

طيب انا بدمام شنو الأماكن الي تعرفونها لبيع القطط؟

[قهوه مره]

بالدمااااااااااااااااااااام
عندكم سوق الخميس على ما اعتقد تلاقين اشكال كثيييييييييره وانواع والوان واللللللللللللللللي تبينه
بس عندنا في الخبر داخل العزيزيه بنده في محل اسمه الكروان وفي قبال نادي القادسيه الي في العقربيه
واذا تبين نصيحه من اختك قهوه
اطلبيها حسب المواصفات الي تبينها
و اشرطي على المحل انك بتودينها البيطري اذا فيها اييييييييييي عله راح ترجعينها له

[fmfm]

برضو اشتري قطه صغيره لانو كل ما كانت اصغر بالعمر تربيها على ايدك :)

[jojo]

يسلمو اخوي