اقروا سالفتي... وشرط تضحكون

[kuwaitia]

السلام عليكم


يبت لكم سالفه تموت من الضحك صارت لنا انا واختي:D

طبعا قطوتنا بيكي الدلوعه غنيه عن التعريف ههههه...واختي دايما مناشبتني عليها

قبل جم يوم وديتها الدهماء عشان تطعيمها... واختي قعدت تفتر بسوق الحمام مع ابوي... عاد لقت قطوه عجبتها وايد خاصه وان لونها لون اختي المفضل >>> رمادي :p

ومع المكاسر عطاها اياها بسعر لقطه... وحلف لها ان قيمتها اكبر من جذي وانها مو مريضه وانها خوش قطوة ...الخ:rolleyes:...

وطبعا اختي ما شاء الله عليها محد يغلبها بالحنه:D تفخت راس ابوي الا ابي هالقطوة.. وابوي ما كان عاجبه ياخذها لان اللي يبيعونها صغار وشكلهم مومهتمين فيها ((شكلها قطوة شوارع )).. وخذاها فره تشوف المحلات عشان تغير رايها بس صممت الا تبيها:).. ومن الحنه واللويه >> ابوي بيفتك منها خذاها من غير فحص:p بس بيفتك من حنه اختي... حتى ما شيك عليها ولا طلعها من القفص

المهم صار لهم جم يوم مع بعض مو متوالمين ولا متفاهمين .. بيكي تنحاش والقطوة اليديده (( سميناها اوبرا)) تلاحقها وتجابلها وبيكي كله خايفه منها ومنخشه وكله تبخ بويها من تقرب منها

عاد اليوم وديتها الدهماء عشان اطلع لها كرت ولا المفاجاه العظمى


:confused:


:confused:


:confused:


:confused:


عطيتها الدكتور قلتله افحصها لي.. جان يقولي قصدج افحصه

ولا طلعت القطوة ذكر :eek:خخخخخخخ

و بعد الفحص طلع مريض وعليه :(... قمل باذونه وفطريات بجلده تخلي شعره يحت ويحتاج على الاقل شهر علاج و يبيله عزل طول فترة العلاج .. وفوق كل هذا قيمه ادويته تساوي سعره تقريبا خخخخ :D... والباط جبدي انه قال تبون تعالجونه ولا تسرحونه... صراحه انا خفت فاتصت على ابوي وقلتله وحط حرته باختي مسيجينه:p ..فكسرت خاطري اختي مع دموعها وقررت اني اعالجه

عاد حطيته بالسرداب مع ادويته والليتر بوكس ماله .. ادعوله الله يشفيه:( >> نسيت اقولكم صار اسمه زعتر :cool:... فديته زعتور


لا تروحون سالفتنا ما خلصت خخخخ:D


الحين بيكي تدور على زعتر وتطلع اصوات تبيه :eek:... بعد ما قعدت يومين تبخ بويهه... عاد ما حبته الا بعد ما طلع مريض هههه

وردت اختي تناجرني على بيكي مرة ثانية :p

شرايكم مو قصه كوميديه :D

[الوسم]

هههههههههه:D
والله فرق بين اوبرا :) وزعتر:eek:
والله مسكينة اختك مالها حظ بالقطاوة:p
واتوقع بستكم تصيح مو لانها تبية لااااااااااااااااااااا شكلها شمتانه:D
عالعموم مايشوف شر زعتر افندي ويقوم بالسلامة:D

[kuwaitia]

الوسم

لوووووووووووووووووووول

شفت شلون :D

كثر من هالدعوات الطيبة

و تسلم عالمشاركة الحلوة

[lola]

هههههههههههههههه حلوه القصه
قول لاختك انا عندي قطه رماديه

[-= pink =-]

لووول يحليلها بيكي :)

وهم يحليلها اختج .. شكلها اخر العنقود

عاد احلـى شي ان طلع القطو ذكــر
يالله وناسه عشان تشوفون عيالهم ^_^

عالعموم ترى انا قبل فتره قطوتي صار فيها فطريات وعالجتها الحمدلله وصارت زينه

شوفي اذا بغيتي تودين زعتر :p مره ثانيه الطبيب وديه عند دكتور اسمه جوزيف

هذا خوش واحد اهو اللي عالج لاكــي ( قطوتي )

وخذت تقريبا 3 اسبيع وصارت زينه ..

بس سؤال :
اهو عطاج شامبو حقه ؟
لان هذا وايد زين للفطريات

واخر شي لا تنسين اذا جستي زعتر تغسلون ايدكم عدل عشان لا تتعادون منه ..

والله يشافي زعتر ان شاء الله ويتربى بعزج :rolleyes:


وسوري عالاطاله

[Dominique]

اما اختج هذي

لوووووووووووووووووووول

انزين جان فحصتوها جان شرطتوا على اللي باعكم اياها انكم تشترونها بشرط الفحص


المهم انشالله بتتشافى دامكم مهتمين فيها

قصدي فيه :p

.
.
.

[kuwaitia]

هههههههههههههههه حلوه القصه
قول لاختك انا عندي قطه رماديه

لووووول

ليش النحاسه يعني:p

الله يخلي لج قطوتج حبيبتي ... ويشافي زعترنا الرمادي ;)



لووول يحليلها بيكي :)

وهم يحليلها اختج .. شكلها اخر العنقود

عاد احلـى شي ان طلع القطو ذكــر
يالله وناسه عشان تشوفون عيالهم ^_^

عالعموم ترى انا قبل فتره قطوتي صار فيها فطريات وعالجتها الحمدلله وصارت زينه

شوفي اذا بغيتي تودين زعتر :p مره ثانيه الطبيب وديه عند دكتور اسمه جوزيف

هذا خوش واحد اهو اللي عالج لاكــي ( قطوتي )

وخذت تقريبا 3 اسبيع وصارت زينه ..

بس سؤال :
اهو عطاج شامبو حقه ؟
لان هذا وايد زين للفطريات

واخر شي لا تنسين اذا جستي زعتر تغسلون ايدكم عدل عشان لا تتعادون منه ..

والله يشافي زعتر ان شاء الله ويتربى بعزج :rolleyes:


وسوري عالاطاله



هلالالا ووغلا

اي صاجه اختي اخر العنقود

وسكتي بيكي تافخه راسنا .. ما نمت عدل من حنتها والاصوات اللي تطلعها..:(

اي عطوني حقه حبوب تنخلط مع الاكل وقطره حق اذونه وشامبو اسبحه فيه كل اسسبوع مره... صراحه ماعرف اسم الدكتور بس اهو الفلبيني العريض اللي غرفته اول غرفه
وعطاني موعد له بعد 3 اسابيع.. والله كريم
ميرسي حياتي على النصايح .. ومشكووره :D

اما اختج هذي

لوووووووووووووووووووول

انزين جان فحصتوها جان شرطتوا على اللي باعكم اياها انكم تشترونها بشرط الفحص


المهم انشالله بتتشافى دامكم مهتمين فيها

قصدي فيه :p

.
.
.

هههههه
صاجه كان المفروض يكون شرط الفحص.. بس ابوي مسكين بيفتك من حنه اختي وهذا اللي صار
ومرسي على الدعوه الحلوة وكثري منها ;)

[The black knight]

ههههههههههههههههههههه
قصة جميلة......................

[kuwaitia]

لوووول

اشوه انها عجبتكم
وشكرا للمرور

[GaRfIeLd]

ماقدامه إلا العافيه زعتور افندي
اما بالنسبه لبيكي
فا في مثل يقول مامحبه إلا بعد عدوه ,, وماضربك الإ الي حبك
لول

[kuwaitia]

هههههه
ثانكس للدعاء

وبيكي الدلوعه صايره خالف تعرف...

بس اشوه ما صار بينهم شي واهو مريض

هههههههه

[GaRfIeLd]

على قولتك
لول
بس الظاهر عنده نظر زعتور افندي
شافها حلوه قام يغزال
لووووول

[shai6o0ona]

هههههه و الله اني ضحكت من كل خاطري...
وقطو اختج المسكين المفروض اتسمونه مقرووود>>>(معناها منحوس) بدال زعتور ...:)
عقبال ما يتشافى ان شاء الله و ترد له صحته و تشوفين عيال عياله ..^_^

[النمر الجليدي]

قصة ياسلام







....

[الماهر]

أن شاء الله يصير زين في القريب العاجل

بس خوش مقلب لما طلع ذكر

تحياتي

[kuwaitia]

على قولتك
لول
بس الظاهر عنده نظر زعتور افندي
شافها حلوه قام يغزال
لووووول

لووووول.. اي بس الحمدالله عدت على خير

هههههه و الله اني ضحكت من كل خاطري...
وقطو اختج المسكين المفروض اتسمونه مقرووود>>>(معناها منحوس) بدال زعتور ...:)
عقبال ما يتشافى ان شاء الله و ترد له صحته و تشوفين عيال عياله ..^_^

عليج بالعافيه حبيبتي .. وان شاء الله تضحكين دوم

وصج الاسم راكب عليه... فديته... صاير شيطان وما ياكل دواه هاليومين الظاهر عاجبه المرض هههههه

ومشكوووره حبيبتي على الدعوه ما تقصرين :D

قصة ياسلام







....









الحمدالله انها عجبتك

أن شاء الله يصير زين في القريب العاجل

بس خوش مقلب لما طلع ذكر

تحياتي

مشكوور على هالدعوه... واي والله طلع صج مقلب.. هههه

[قلب القمر]

[/COLOR][/COLOR]
انا حصل معايا نفس الموقف كنت بجيب قطة عشان تتربى مع قطتى واقعدت حوالى 5شهور وبنادبها بمادلى
وبعدين الصدمة فوجئت بانة قطة بس كان متعلق بيا موووووووووووووووووووووووت
ما احلى المواقف الغريبة

[kuwaitia]

لوووول ...يعني في احد عاش قصتي

[fannie+bossy]

حبيبتي كويتيه ودي قطوتج الطبيب لأن يمكن تناوي وايد لأنها مريضه هذا المرض معدي
وانتي خليتيهم يومين مع بعض وديها الطبيب جيكي عليها احسن
انا اخوي جاته قطوتين ذكر ونثيه هديه على طول وديتهم الطبيب نفسه الدهماء اسم الدكتور دون قالي ما تخلينهم داخل البيت وعطاني نفس الادويه حبوب وقطره للاذن والشامبو فودي قطوتج من اول شي احسن

[kuwaitia]

مشكوووره حبيبتي على النصيحه

ولا تحاتين انا من قالي فيه فطريات طرت ببيكي وديتها الدهماء.. وكشفت عليها الدكتورة (( لان من زمان تعالجها)) والحمدالله طمنتني عليها :)

والله يشافي قطاوتج يا رب

[pinky]

بصرااحه اختك نكته........

[Withered Rose]

مسكيــــــــنه اختج وعليه مالها حظ ..
ترا اغلب قطاوة سوق الحمام جذي ولا قطو شريناه منهم إلا و فيه عله لووووووول ما يخافون من ربهم هالمحلات ..
بس الحمدلله فطريات و قمل الاذن تهون .. علاجها سهل :)
يارب يتشافى زعتوور بأسرع وقت و تفرح فيه اختج و تخليلج قطوتج :D

[kuwaitia]

looool
thanx

[i love cats]

لوووووووووووووول من جد قصة كوميديه :D:D

الله يشفي زعتوور يارب ............

يسلموو:)

[قطو_Q8te]

سوق الحمام طاح سوقه ، الي بيروحله خل يشتري دياي وبط وسمج وبس
لاجلاب ولا قطاوه !
واذا قطاوه شوفو اوادم ايون بيبعون
المحلات ماتوكلهم عشان لايكبرون ويطيحون بجبدهم والنتيجه دود واضطرابات بالجهاز الهضمي ونشله وقمل وفطريات.
عاللعموم الله يشفيلكم اياه وطمنينا.

[kuwaitia]

اي لوف كات.. مشكووره حبيبتي وتسلمين على الدهوه

اخوي قطو كويتي...كلامك صح مليون بالميه.. اصلا عقب ما شريت بيكي والامراض اللي فيها لاعت جبدي منهم من نصبهم.. بس قطوتنا ما شريناها من المحلات.. شريناها من واحد كان عارض قطوته هناك

بس طلع زعتر حاله حال اللي ينباعون بهالمحلات

والحمدالله على كل حال ومشكور على الدعوه
وانا ما شيه على العلاج وان شاء الله ما يصير فيه الا الخير... بس انا ضايق خلقي لاني توني سمعت ان الفطريات ما تروح من القطاوة.. ومو عارفه الحل !!!!

[Withered Rose]

لا لا تتحبطين .. راح يتشافى بإذن الله ترا العلاج يسرع الشفاء ..
الفطريات مع الوقت تروح بروحها حتى بدون علاج لأنه القطو يكوِّن أجسام مضادة مع أغلب الأمراض الجلديه (باستثناء القطط المريضة بنقص المناعه).. و إن شاء الله راح يروح ولا جنه كان صاير فيه شي.. :)

[kuwaitia]

مشكوووره يا قلبي طمنتيني عليه ... عاد يا حلاته اليوم كنت ملبسته فيونكه ومزهبه عشان كنت بصعده غرفتي.. بس سوا عمله شينه فعقاب حقه بيظل بالسرداب لين يتربى خخخخخخ

[قطوطة]

هههههههههههههههههه .
حرام نفس الشيء صار حق أولي ( لما كان عندي ) بس كنت أدري إنه ولبد مو بنت ولما كنا نبي نفحصه قال لنا إن الطبيب مقفل إلحين و ما يفتح إلا الساعة أربع و كانت الساعة ثنتين بعدين عرفنا أنه يفتح الساعة وحدة .
و ظغن شاء الله يشفي زعتر .



شوفي اذا بغيتي تودين زعتر :p مره ثانيه الطبيب وديه عند دكتور اسمه جوزيف

هذا خوش واحد اهو اللي عالج لاكــي ( قطوتي )

وخذت تقريبا 3 اسبيع وصارت زينه ..

بس سؤال :
اهو عطاج شامبو حقه ؟
لان هذا وايد زين للفطريات

واخر شي لا تنسين اذا جستي زعتر تغسلون ايدكم عدل عشان لا تتعادون منه ..

والله يشافي زعتر ان شاء الله ويتربى بعزج :rolleyes:

وسوري عالاطاله

أنا أتفق مع بينك الدكتور جوزيف أحسن واحد فيهم لا تودينه للحرمة تراها مو زينة .
و عطتنا موعد بعدين لما جينا ما كانت موجودة فاخذينا الدكتور جوزف و عطانا الجرعات المناسبة . و نظف الفطريات و أعطاني بعض المعلومات .

[kuwaitia]

مشكوووره حبيبتي للنصايح

وان شاء الله باخذ فيها

تسلمين يا رب

[!miss 3asal!]

ههههههههههههههههههه

الله يشافي اوبرا

اقصد زعتر :P

بس بسألج سؤاال ..؟!

بجم فحصتي القطوة ..؟!

اتمنى ترسلين لي عالخاص :D

[الاسطورة]

مشكور على القصة الحلو وانشاء الله يتشافا زعتور ويصير لبنه بزعتر خخخخخخخخخخخخخخخخخخ

[papsi]

قصص القطط كتير حلوة
انا كان عندي بابسي الانثى وكيتو الذكر
بس كان كيتو ذكر فاشل وكان بابسي المسيطرة دايما
كيتو من كتر ميخاف من بابسي ضل يويمن ورى الخزانة
ووجه في الحيط ما تحرك لا يمين ولا شمال ولا حتى
راح لرمله ولا عمل شي من اصله فضينا الخزانة وزحناها
عشان يطلع مع انه كان ممكن يطلع وحده وبسهولة
وبعد هيك جرت وراه بابسي وضربته في عينيه وقعدنا
نداوي فيه وبعد كم شهر كبر كيتو وفرجى بابسي الويل
كانوا دايما يتخانئو مين يقعد جمب الدفاية في الشتا
وفي الصيف بيتخانئو على المروحة دايما عاملين
مشاكل بالبيت بصراحة قطتي البضاء بابسي مفترية
بمعنى الكلمة و دايما شارية دماغها وفي طبع شرس
بس حلوووووووووووو كتييييييييييييييييييير

[عزيزان]

هههههههههههههه
مايشوف شر زعتووور

[عاشقه الحيوان]

ههههههههههههههههههههههه
حلوه قصتك شكرا عليها

[أسومي]

ههههههههههههههههههه

الله يشفيه ويقومه بالعافيه

وتقبلي مروري


تحيــــــــــــــاتي

[كينج كونج]

ههههههههه

مبروك اخوي والله يشفيه بأسرع وقت

[بوهاجوس]

هههههههههههههههههههههههههه قصه حلوه

[Im Legend 23]

ههههههههههههههههه حلوة القصة:)
مسكينة اختك و الله يشفي القطة:(

[kuwaitia]

مشكوووورين اعزائي للمرور والتعليق
واللي سالني بجم الفحص... ترا كل مره سعر على حسب البيطري خخخخخخ