ببغاء كاسيكو [الأرشيف] - منتديات تو زوو

مشاهدة النسخة كاملة : ببغاء كاسيكو

ولد الشارجة

25-01-2008, 08:24 AM

بسم الله الرحمن الرحيم

وصلى الله على سيدنا محمد وآله الطاهرين ومن سار على دربه إلى يوم الدين واللعن الدائم على أعدائهم اجمعين إلى قيام يوم الدين

السلام عليكم يا اخوتي في الله ورحمة الله وبركاته

انا شاب من الإمارات وبالتحديد من الشارقة اريد اشتري ببغاء كاسيكو

اريدكم تعطوني اسعار انواع جميع ببغوات الكاسيكو

وانا اول ما شفت المنتدى حبيته وإن شاء الله اكون من الأعضاء الفعالين

ارجوكم لا تردوني لأني من هواة الببغوات

اخوكم في الله ولد الشارجه

LiLi

25-01-2008, 10:04 AM

و لد الشارجة

http://www.pusup.com/uploads/b4f59bdfca.gif (http://www.pusup.com)

مرحبا بكم في منتدى توزو و إن شاء الله تنال كل ما تريد

من معلومات مختلفة عن الحيوانات و الطيور

و أن تكون معنا من الأعضاء النشيطين و الباحثين عن المعلومة و نشرها

بالنسبة لأسعار ببغاوات الكاسكو ( الرمادي الأفريقي )

يختلف على حسب النوعية أو المحل

أو على حسب إذا كان أليف .. يتكلم .. آخره

و لكن أكثر الأسعار تجدها في حدود 1300 - 1500 - 2500 ريال

و إن شاء الله باقي الأخوة يفيدوك في الأسعار أحسن مني :p

عالم الامارات

25-01-2008, 10:14 AM

شوف اناا بنت اهل الشارجه عاد خلي بالك من سوق الشارجه اغلبهم يقصون عليك انااا شريت كاسكووو ب 2000 وعاد هو مب اليف لاني انخدعت قالي اليف لانه حط يدته عنده ما عضه وانا من يوم اخذته كل شوي يجعر مع انه قالي ما يجعر وينفخ ريشه ويبغي يعضني مع اني كل يوم انا اعطيه ماي واحط له الاكل ناكر الجميل ههه حاولت اربيه مافي فايده الحين طاف شهر ونص وهو كل شوي يعضني مع انه لو محد عداله يصفر ويغرد من بعيد بس ما يتكلم سويت كل مكتوب في المنتدى بعد ما في فايده رجعته ببيعه قالو ما يسوى الا 800 درهم من 2000 صار 800 قلت خساره ابيعه بهذا المبلغ

والحين قلت مب مهم اشيله خله في القفص المهم يتكلم ههههههه

احسن شي تدور على فرخ تربيه

فلاش قطر

25-01-2008, 10:33 AM

شوف اخوي اذا كنت تحب التعب وتبي كل شي على يدك :) ممكن تشتري واحد غير مدرب خير شر

يعني بالعربي صحراوي ههههههههه سعرة تقريباً 600 او 700

وعاد انت شد حيلك معاه اما اذا كنت تفكر تاخذ واحد جاهز اعتقد ماقصر معاك الاخ LiLi

عالم الامارات : اختي صدقيني لما ترفعينه على يدك الوضع غيرررررر شي حلو :)

اذا انتي ماتقدرين ( مثلي ههههههه ) اخذيه على اي محل او الاستعانه بصديق هم مثلي ههههه

انا صاحبي هو اللي روضه والحين 100% على اليد وعلى يد بناتي ولله الحمد

اخذيه على محل طيور واطلبي منه الترويض وشوفي بكم اعتقد لا يتعدى 300

والتوفيق ان اشاءالله

عالم الامارات

25-01-2008, 10:45 AM

فلاش قطر اخوي اصلا مافي فايده اصلا كان مروضنه صاحب المحل بس من يوم انتقل الى بيتنا تغيرررررر ما يخلي احد يتقرب صوبه نهائي واي محاوله مصيره عض وانت تعرف شو عضة كاسكووو هههه حاولت اتقرب بس شوف كملت شهر ونص وانا دوم معه بعد ما في فايده ههه

ولد الشارجة

25-01-2008, 11:21 AM

شكرا يا جماعه

ما تقصورن انا اباه تقريبا عمره 6 شهور ومو مدرب

يكون بحدود اكرر اني من الإمارات بالشارجة

very smart

25-01-2008, 01:10 PM

السلام عليكم ورحمة الله وبركاته
اهلا فيك اخي العزيز في هذا المنتدى الأكثر من رائع
وبالنسبه لأستفسارك راح اوضح لك
فيه كاسكو بري اللي طبعا يصطاد في الغابات ويأتي شرس جدا واغلبها تكون صحتها تعبانه شوي وبحاجه الا عنايه مكثفه وراح تتعبك في عملية التوليف وتكون اغلب احجامها صغيره شوي ويجب عليك التفرقه بين الأفريقي والغيني وسعره تقريبا من 700 _ 1100 ريال

والنوع الأخر هو الهولندي اللي تمت تربيته في مزارع وتم تطعيمه ضد الأمراض وتجد صحته ممتازه وحجمه ممتاز (( جامبو )) وبالطبع يكون اليف جدا وتتحكم فيه مثل ماتبغا وهذا سعره من 2000 _2500