تسجيل الدخول

مشاهدة النسخة كاملة : اسوي العملية و الا لا؟

SleepyMiracle
17-02-2008, 09:00 AM
صباح الخير


طبعا المكتوب واضح من عنوانه

عندي شيرازي للحين ما بلغ .. عمره 7 شهور ..
كنت ادور له على هاف بيكي انثى .. لكن في ناس نصحوني اني انسى موضوع التزاوج واسوي له اخصاء ..

لو سمحتوا لحد يجي ويقول لي حرااااام وتحرمينه مدري ايش .. انا ما فكرت في العملية هذي لأني انانيه و الا لأني ابي احرمه .. بالعكس والله قلبي مو مطاوعني ومتردده ومو قادره اقرر ..
انا فكرت اسويها لعدة اسباب ... وهي :


وضع البيت ما يسمح اني اجيب قطوة ثانيه لأن البيت صغير
لو جبت له انثى وتزاوجوا ... اكيد راح تحميل وما راح تجيب اقل من 2 او 3 وهذا معناه بيصير عندي حوالي 5 او 6 قطط في البيت وهذا جدا جدا صعب
لا تقولوا لي بيعي عياله لأني اعرف نفسي .. مستحيل قلبي راح يطاوعني ابيعهم .. و انا مو غرضي في التربيه تجاره
اكبر مشكله انه حتى لو جبت له انثى راح يطلب تزاوج طول السنه و راح يأذيني يعني ممكن يتبول في البيت و ممكن يهرب و انا احبه وما تخيل انه يهرب او انه يجنني لدرجة اني اعرضه للبيع



خلاصة الموضوع اني فكرت اسوي له هالعملية لأني احبه و ابي احتفظ فيه و اربيه عندي
لكن ايش اللي مخليني متردده :


اخاف يكون لها اعراض جانبيه
في ناس تقول انه حركته راح تقل وما راح يصير مثل قبل



انا متردده ... اخاف اسويها له وبعدين اندم

ايش رأيكم ؟

اتوكل على الله واسوي له العملية و الا لا ؟

مع اني خاطري اشوف عياله {{ قلبت عجوز وتبي تشوف عيال ولدها :rolleyes:}}

اللي سووا هالعملية ... هل ندمتوا عليها ؟؟


انتظر آرائكم :rolleyes:
رائد
17-02-2008, 09:27 AM
اختي مارايك بالجانب الشرعي لح اقولك سالت مرة شيخ عن هذا وقال لي لاباس اذا لم يكن هنالك ضرر للحيوان وانا اقولك انه باخصاء القط يقصر عمره ويكبر حجمه ويخف ذكائه ويبدا بفعل حركات غير واضحة
لكن انصحك ان تسالي الشيوخ عندكم
looosy
17-02-2008, 09:37 AM
مرحبا

تحمست لمشكلتك لانها تماما مثل مشكلتي
بس الفرق ان الذكو تبعي ماكانوا لحالهم يعني عندي الام والاخت
فنصيحه اعملي العمليه ولاتترددي
وانا سالت شيخ قال مو حرام
وبالنسبه للعمليه هي بسيطه وكلها يوم واحد هو يوم العمليه وقطك بيكون تمام
انا عملتها لاثنين من قططي ميشو ولوسيان وطبعا نفس الكلام الي قلتي في الموضوع
كنتت خايفه حدي ومرعوبه وخايغه اندم
بس الحمدلله ما ندمت بالعكس انبسطت لانهم بطلوا يطلبو التزواج وطبعا مافي رش
وصحتهم كويسه ويلعبوا وكل تمام اهم شي روحي عياده كويسه وافضل تاخذيه بعدد ما يفوق
من البنج لانه يمكن شكله وهو دايخ يعور قلبك
بالنسبه انك تجيبي انثى
انسي الموضوع
واذا بدك تعالي شوفيني كيف حالتي يرثى لها
طبعا لاني من البدايه خليت قطوتي الانى تتزاوج وجابتلي الذكور والانثى وما قدرت اعطيهم احد ولا ابيعهم
لاني تعلقت فيهم وحبيتهم ومره ثانيه تزواجت وعيالها الحين عمرهم 2 شهرين وماني قادره اتصرف فيهم
وطبعا امي بتجن غير مصاريفهم
وغير كذا لوسسسسسسسسي الام تبغى تتزوج ثاني وكل حابستها خايفه تطلع وتتازوج من الشارع

شفتي كيف ترا شغلت الاناثي شغله
واحسن شي تخصينه وتركزين حبك وحنانك ومصاريفك عليه حتى العنايه الاصحيه بتكون احسن
وعلاقتك فيه بتظل اقوى
اتمنى اكون اقنعتك

واتمنالك التوفيق
SleepyMiracle
17-02-2008, 09:47 AM
اختي مارايك بالجانب الشرعي لح اقولك سالت مرة شيخ عن هذا وقال لي لاباس اذا لم يكن هنالك ضرر للحيوان وانا اقولك انه باخصاء القط يقصر عمره ويكبر حجمه ويخف ذكائه ويبدا بفعل حركات غير واضحة
لكن انصحك ان تسالي الشيوخ عندكم

اخوي اذا من الناحيه الشرعيه تطمنت .. انا متردده من نواحي ثانيه

توك انت قلت راح يقل ذكائه ويقصر عمره .. سمعت كلامك هذا وترددت اكثر


شكرا لمرورك اخوي
SleepyMiracle
17-02-2008, 10:06 AM
مرحبا
طبعا انا اول وحده ارد عليك
لاني تحمست لمشكلتك لانها تماما مثل مشكلتي
بس الفرق ان الذكور تبعي ماكانوا لحالهم يعني عندي الام والاخت
فنصيحه اعملي العمليه ولاتترددي
وانا سالت شيخ قال مو حرام
وبالنسبه للعمليه هي بسيطه وكلها يوم واحد هو يوم العمليه وقطك بيكون تمام
انا عملتها لاثنين من قططي ميشو ولوسيان وطبعا نفس الكلام الي قلتي في الموضوع
كنتت خايفه حدي ومرعوبه وخايغه اندم
بس الحمدلله ما ندمت بالعكس انبسطت لانهم بطلوا يطلبو التزواج وطبعا مافي رش
وصحتهم كويسه ويلعبوا وكل تمام اهم شي روحي عياده كويسه وافضل تاخذيه بعدد ما يفوق
من البنج لانه يمكن شكله وهو دايخ يعور قلبك
بالنسبه انك تجيبي انثى
انسي الموضوع
واذا بدك تعالي شوفيني كيف حالتي يرثى لها
طبعا لاني من البدايه خليت قطوتي الانثى تتزاوج وجابتلي الذكور والانثى وما قدرت اعطيهم احد ولا ابيعهم
لاني تعلقت فيهم وحبيتهم ومره ثانيه تزواجت وعيالها الحين عمرهم 2 شهرين وماني قادره اتصرف فيهم
وطبعا امي بتجن غير مصاريفهم
وغير كذا لوسسسسسسسسي الام تبغى تتزوج ثاني وكل حابستها خايفه تطلع وتتازوج من الشارع

شفتي كيف ترا شغلت الاناثي شغله
واحسن شي تخصينه وتركزين حبك وحنانك ومصاريفك عليه حتى العنايه الاصحيه بتكون احسن
وعلاقتك فيه بتظل اقوى
اتمنى اكون اقنعتك

واتمنالك التوفيق


شكرا لك لوسي
كلامك شجعني على العملية
الله يعينك على الوضع بصراحه لو انا مكانك كان ما ادري ايش راح يصير فيني
من جد اصعب شيء هو انك تتخلي عن القطط اللي تحبيها .. علشان كذا انا عارفه انه لو بسكوتي صار عنده قطط صغيره اكيد راح اخليها ومستحيل ابيعها ,, بس الظاهر خلاص ما راح اشوف عياله وبسوي له العملية علشان يبقى معاي على طول .. اهم شيء ما يكون فيه اي نتائج عكسيه على صحته ..

وشكراااا لك مرة ثانيه جزززززيل الشكر
looosy
17-02-2008, 10:41 AM
حياك الله حبيتي
وان شاء ماقي اي نتائج سلبيه لو العمليه سويتها في مكان مضمون
وعلى فكره
الاجانب دائما يعملوا العمليه سواء للذكور او الاناث
لانهم يقولو ان اي قط يتولد عن طريقك تكوني مسؤلوه عنه
حتى لو عطيتي وماكن كويس معاه او ما اهتم فيه حتكون مسؤليتك
فالافضل الواحد اذا يحب البسس يخليه على الي يقدر عليه
واهم شي الحب
ذا حبيتي حتعطيه اكثر

وموفقه حبيبتي
أسير الدمعة
17-02-2008, 11:43 AM
الي أعرفة أن القط يسمن...
وفعلا يتوقف الرش وطلب الأناث
حتى ملامح وجه رح تكون قريب للأنثى
وأتمنى أنك تغيرين رايك
لأنك اذا سويت له العمليه مارح تشوفين عياله أبدا
وحتى لوفكرتي تبيعينه مارح ينباع
والله يوفقك أن شاء الله.
sweet dreams
17-02-2008, 11:43 AM
اختي العزيزة انا عملت العملية لقططي ..
ما في اعراض جانبية وحركتهم ما تخف ولا شي..
والصراحة انا كثير متريحة يعني ما في لا هم زواج ولا قطط صغار ..
العملية ما بضر القطط ابدا وعلى فكرة بعد العملية رح تشوفي انه شهيتهم زادت:)
والله يخلي قطك ويحمالك اياه..
SleepyMiracle
17-02-2008, 04:10 PM
حياك الله حبيتي
وان شاء ماقي اي نتائج سلبيه لو العمليه سويتها في مكان مضمون
وعلى فكره
الاجانب دائما يعملوا العمليه سواء للذكور او الاناث
لانهم يقولو ان اي قط يتولد عن طريقك تكوني مسؤلوه عنه
حتى لو عطيتي وماكن كويس معاه او ما اهتم فيه حتكون مسؤليتك
فالافضل الواحد اذا يحب البسس يخليه على الي يقدر عليه
واهم شي الحب
ذا حبيتي حتعطيه اكثر

وموفقه حبيبتي


صح كلامك ... القط و عياله مسؤليه كبيرة و هذا اللي يخليني متأكده اني لو بسكوتي جاب قطط صغيرة ما راح اقدر اعطيها لغيري لأنها بتكون مسؤليتي وراح ابقى شايله همهم على طول

شكرا مرة ثانيه
SleepyMiracle
17-02-2008, 04:12 PM
الي أعرفة أن القط يسمن...
وفعلا يتوقف الرش وطلب الأناث
حتى ملامح وجه رح تكون قريب للأنثى
وأتمنى أنك تغيرين رايك
لأنك اذا سويت له العمليه مارح تشوفين عياله أبدا
وحتى لوفكرتي تبيعينه مارح ينباع
والله يوفقك أن شاء الله.


والله انا مو مخليني متردده غير هالشيء

طيب لو بعدين طلب تزاوج وتبول في البيت راح اضطر استغني عنه لأن اهلي مستحيل يوافقوا يبقى في البيت ..

يعني انحرم منه و الا انحرم من عياله ؟
SleepyMiracle
17-02-2008, 04:13 PM
اختي العزيزة انا عملت العملية لقططي ..
ما في اعراض جانبية وحركتهم ما تخف ولا شي..
والصراحة انا كثير متريحة يعني ما في لا هم زواج ولا قطط صغار ..
العملية ما بضر القطط ابدا وعلى فكرة بعد العملية رح تشوفي انه شهيتهم زادت:)
والله يخلي قطك ويحمالك اياه..

شكرا عزيزتي لمرورك وكلامك .. اني اشوف آراء وتجارب ناس هذا شيء يطمن وخليني اميل اكثر للعملية ... شكرا مرة ثانيه و ربي يحفظ لك قططك :)
محمد محب محمد القداح
17-02-2008, 06:27 PM
ربنا يقدم اللي فيه الخير؟؟؟؟؟؟؟؟؟؟
SleepyMiracle
18-02-2008, 08:22 AM
ربنا يقدم اللي فيه الخير؟؟؟؟؟؟؟؟؟؟

آمين الله يسمع منك
آنـــــو
19-02-2008, 01:05 AM
شوفي حبيبتي من تجربتي ربيت ذكور وأقولك ريحة الرش لاتطاااااااااااااق تصررررررع خاصه على الأثاث مهما

غسلتي ونظفتي وعطرتي ماتروح جداً قويه والذكر طول السنه بيتزاوج ومابيكتفي لابأنثى ووحده

ولا ثنتين وبيرش للتزاوج وللتحديد منطقته بتتعبين معه أذا كان ماكان غرضك التجاره هوايه فقط

وتحبينه ولاتبين غيره توكلي على الله لكن روحي لبيطري شاطر
SleepyMiracle
19-02-2008, 08:36 AM
شوفي حبيبتي من تجربتي ربيت ذكور وأقولك ريحة الرش لاتطاااااااااااااق تصررررررع خاصه على الأثاث مهما

غسلتي ونظفتي وعطرتي ماتروح جداً قويه والذكر طول السنه بيتزاوج ومابيكتفي لابأنثى ووحده

ولا ثنتين وبيرش للتزاوج وللتحديد منطقته بتتعبين معه أذا كان ماكان غرضك التجاره هوايه فقط

وتحبينه ولاتبين غيره توكلي على الله لكن روحي لبيطري شاطر



يعني خلاص اتوكل على الله ؟ شورتك وهداية الله ... شكرا عزيزتي


طيب .... بعد ما اسوي الجراحه ... هل حيتألم ؟ يعني الجرح نفسه راح يآخذ وقت الى ما يشفى :rolleyes:؟
Dominique
21-02-2008, 12:29 AM
توكلي على الله وخذيها مني

مادام شرعا مب حرام

ومادامك تبينه معاك على طول ومالك نية انك تستغنين عنه

توكلي على الله وسوي العملية

يا انه بيصير دلووووووووووووووووووووووووووع

وتبتوووووووب وبططططططة

يهبل
بس يمشي ويتمسح فيك يشوفك قاعدة على الكنبة يجي يقعد بحضنك بدون استئذان
ولو شافت مادة يدك يجي يحط راسه تحت يدك يعني امسحي على راسي
بتصيرين انتي ملكه وحده ومايخلي اي قط ثاني يقرب منك
وصحته ماشاء الله بتصير احسن من قبل

وشي ثاني انه نظيف ومايرجع يرش بول ولا يوسخ بغير حمامه






لكن نصيحة نصيحة نصيحة من مجرب ومقهور

اقطعي الدراي فود عنه تدريجيا بعد العملية

لأن فتحة بول الذكر بتصير اضيق
والدراي فود يرفع نسبة المغنيسيوم بالدم فيسبب بلورات وحصوات تسد مجرى البول
فيحتبس البول داخل المثانة ويرجع للكلية والدم ويتسمم
انا عانيت من هالشغلة مع دمدم لمدة شهرين

آااااااه ماكنت انام الليل لا انا ولا هو
كان مايقدر ينام لأنه حسران ويبي يتبول
وانا قلبي يحترق عليه وماني قادرة انام
ومن طبيب لطبيب وياكثر الابر والادوية اللي عطوها دمدم
الين تحسن

من عرفت ان الدراي فود هو السبب قطعته نهائيا
اول يومين كان يعصب ويضرب عن الطعام
لكن لما جاع اضطر ياكل الموجود واستسلم للامر الواقع
والحين ماشالله عليه ماشالله عليه مافي احلى منه حسن ودلال ;)

ميرسي
.
.
.
Dominique
21-02-2008, 12:33 AM
وبالنسبة للعملية

طبعا تخدير كامل

تودينه العملية وهو صايم على الاقل 8 ساعات لا اكل ولا ماء قبل العملية علشان البنج:o


وبعد العملية راح يكون خدران والطبيب راح يمنع عنه الاكل والماء على الاقل اعتقد 4 ساعات

الطبيب راح يوضحلك اكثر

والعملية مالها لا جرح ولا اثر ولا دم !!!

ثاني يوم بعد العملية وبعد ما يصحصح من البنج راح يرجع طبيعي وياكل ويلعب ولا كأن حصل شي

الا اللهم ازعاج التزاوج والنونوه راح تستمر لمدة اسبوع تقريبا الى ان يتأقلم مع وضعه الجديد
لكن طبعا بدون رش بول نهائيا;)


ميرسي
.
.
.
B7R
21-02-2008, 02:24 AM
عنـدي استفسار صغــير..

كم تكــلفه العمليــه تقــريباً؟؟

لـكم جزيل الشكـــر
Dominique
21-02-2008, 02:33 AM
انا من الكويت

سويتها بمستشفى الدهماء ب 18 دينار للذكر عند الدكتور جوزيف

لكن لو عندك انثى راح يكون السعر من 30 -35 دينار

لأن عملية الانثى اصعب
.
.
.
_Joy
21-02-2008, 02:59 AM
صراحه , انا قطتي بعد شهر رح اعمل السبرينك..مافي اي مشكله
وانا انصحك انك تعمليها..

جوي
B7R
21-02-2008, 03:11 AM
يعطيك العافيه يادومينكـ,,

ماقصـرتـي

لكـ جزيل الشكــرر
بيسي
21-02-2008, 05:15 PM
بصراحه وهذا رايي وانت وكيفك

حرام المخلوق ينحرم من نعمة عطاه اياه

احس هذي انانيه بصراحه

احمد ربك ان عندك ذكر خليه يتزوج من قطه شارع

وخلاص

او اتركه في حال سبيله لان هذي العمليه اكيد فيها سلبيات

ويمكن قطك يتعرض الى خطر

صراحتي هذي اتمنى تتقبلوها
Withered Rose
22-02-2008, 03:26 AM
اذا تحبين قطك و تبينه يظل معاج طوول عمره توكلي على الله و سوي العمليه تراها سهله و راح تاخذينه بنفس اليوم في الغالب .. :)

بقولج تجربتي .. عندي قط واحد DSH يعني متمسك بهويته القططيه الذكوريه و هذا يشمل : رش - هروب من المنزل - شجار - انعدام الشهيه للطعام - عدم اللعب :D

كنت مرابطه عند البيطري فبل العمليه كانت حالته تزداد سوءا كل ما تقدم بالعمر بسبب الهروب من البيت و الشجارات لحد ما وصل لحاله ميئوس منها ..

المهم انا قبل لا اقدم على شي لازم ابحث و اتعمق فيه و الحمدلله العمليه هذا فوايدها كبيرة و تغير خياة القط للأفضل و اللي لاحظته تغير بقطي :
- لا يفكر ابداً بالهرب (بيتوتي 100%) الا اذا طلعته متعمده .
- انعدم الرش.
- صار اليف و سعيد يحب اللعب و النطنطه و يحلل قيمه الالعاب اللس اشتريهم له .
- وزنه زاد و لكن سمنه خفيفه و ليست خطرة 7 كيلو و نص زين بالنسبه لعمره و قبل العمليه كان وزنه طبيعي.


هذا اللي لاحظته و غير هذا كله العمليه تطول عمر القط و تقلل من الذهاب للبيطري و تقلل مخاطر الاصابه بالسرطان لبعض الاعضاء و تقلل الامراض المعديه .
بس مثل ما قالت مشرفتنا دومينيك قطعي عنه الاكل الجاف او عطيه و لكن قليييييييل لأنه مضاره اكثر من فوايده..
SleepyMiracle
23-02-2008, 08:13 AM
توكلي على الله وخذيها مني

مادام شرعا مب حرام

ومادامك تبينه معاك على طول ومالك نية انك تستغنين عنه

توكلي على الله وسوي العملية

يا انه بيصير دلووووووووووووووووووووووووووع

وتبتوووووووب وبططططططة

يهبل
بس يمشي ويتمسح فيك يشوفك قاعدة على الكنبة يجي يقعد بحضنك بدون استئذان
ولو شافت مادة يدك يجي يحط راسه تحت يدك يعني امسحي على راسي
بتصيرين انتي ملكه وحده ومايخلي اي قط ثاني يقرب منك
وصحته ماشاء الله بتصير احسن من قبل

وشي ثاني انه نظيف ومايرجع يرش بول ولا يوسخ بغير حمامه






لكن نصيحة نصيحة نصيحة من مجرب ومقهور

اقطعي الدراي فود عنه تدريجيا بعد العملية

لأن فتحة بول الذكر بتصير اضيق
والدراي فود يرفع نسبة المغنيسيوم بالدم فيسبب بلورات وحصوات تسد مجرى البول
فيحتبس البول داخل المثانة ويرجع للكلية والدم ويتسمم
انا عانيت من هالشغلة مع دمدم لمدة شهرين

آااااااه ماكنت انام الليل لا انا ولا هو
كان مايقدر ينام لأنه حسران ويبي يتبول
وانا قلبي يحترق عليه وماني قادرة انام
ومن طبيب لطبيب وياكثر الابر والادوية اللي عطوها دمدم
الين تحسن

من عرفت ان الدراي فود هو السبب قطعته نهائيا
اول يومين كان يعصب ويضرب عن الطعام
لكن لما جاع اضطر ياكل الموجود واستسلم للامر الواقع
والحين ماشالله عليه ماشالله عليه مافي احلى منه حسن ودلال ;)

ميرسي
.
.
.

والله طمنتوني ... الف شكر ... خلاص ان شاءالله بسويها وماراح يكون فيها اي ندم
لأن هذا اللي كنت ابي اسمعه .. وعلى قولتهم اسأل مجرب ;)


عاد هو الحين يتدلع واتوقع بعد العملية بيصير يا دهينة لا تنكتين :D


وباالنسبه للدراي فود ما اعتقج راح اواجه مشكله في اني اقطعه عنه لأنه اصلا ما يحبه كثير
يعني ما يآكله الا اذا كان مافي غيره ...


شكرا دومينيك ... طمنتيني :o
SleepyMiracle
23-02-2008, 08:15 AM
وبالنسبة للعملية

طبعا تخدير كامل

تودينه العملية وهو صايم على الاقل 8 ساعات لا اكل ولا ماء قبل العملية علشان البنج:o


وبعد العملية راح يكون خدران والطبيب راح يمنع عنه الاكل والماء على الاقل اعتقد 4 ساعات

الطبيب راح يوضحلك اكثر

والعملية مالها لا جرح ولا اثر ولا دم !!!

ثاني يوم بعد العملية وبعد ما يصحصح من البنج راح يرجع طبيعي وياكل ويلعب ولا كأن حصل شي

الا اللهم ازعاج التزاوج والنونوه راح تستمر لمدة اسبوع تقريبا الى ان يتأقلم مع وضعه الجديد
لكن طبعا بدون رش بول نهائيا;)


ميرسي
.
.
.


الله يعينني اقطع عنه الأكل والماي .. :rolleyes:


وهو لسا ما بلغ يعني ماراح يكون في ازعاج ونونوه للتزاوج ...


شكرا مرة ثانيه يا دومينيك :)
SleepyMiracle
23-02-2008, 08:15 AM
عنـدي استفسار صغــير..

كم تكــلفه العمليــه تقــريباً؟؟

لـكم جزيل الشكـــر

انا لما استفسرت في الرياض قالوا لي 250 ريال
SleepyMiracle
23-02-2008, 08:17 AM
صراحه , انا قطتي بعد شهر رح اعمل السبرينك..مافي اي مشكله
وانا انصحك انك تعمليها..

جوي


شكرا يا جـــوي ... خلاص ان شاءالله راح اسويها وقلبي متطمن
SleepyMiracle
23-02-2008, 08:20 AM
بصراحه وهذا رايي وانت وكيفك

حرام المخلوق ينحرم من نعمة عطاه اياه

احس هذي انانيه بصراحه

احمد ربك ان عندك ذكر خليه يتزوج من قطه شارع

وخلاص

او اتركه في حال سبيله لان هذي العمليه اكيد فيها سلبيات

ويمكن قطك يتعرض الى خطر

صراحتي هذي اتمنى تتقبلوها


المسألة مو بس يتزاوج من قطوة وحدة وخلاص ... هو حتى لو حطيت له اكثر من انثى بيظل يرش لأن الأنثى نفسها ماراح تتقبل التزاوج طول السنه ..
يعني رأيك مو حرام اني ارميه في الشارع خصوصا وانه عمره ما طلع الشارع ؟
هذا قط بيتوتي مو متعود على الشارع مثل القطاوة البلدي .. وبالنسبه للعملية مثل ما انت شايف من ردود الاعضاء اللي جربوها مافيها اي نتائج سلبيه ..

انا احترم رأيك ووجهة نظرك :)
SleepyMiracle
23-02-2008, 08:25 AM
اذا تحبين قطك و تبينه يظل معاج طوول عمره توكلي على الله و سوي العمليه تراها سهله و راح تاخذينه بنفس اليوم في الغالب .. :)

بقولج تجربتي .. عندي قط واحد DSH يعني متمسك بهويته القططيه الذكوريه و هذا يشمل : رش - هروب من المنزل - شجار - انعدام الشهيه للطعام - عدم اللعب :D

كنت مرابطه عند البيطري فبل العمليه كانت حالته تزداد سوءا كل ما تقدم بالعمر بسبب الهروب من البيت و الشجارات لحد ما وصل لحاله ميئوس منها ..

المهم انا قبل لا اقدم على شي لازم ابحث و اتعمق فيه و الحمدلله العمليه هذا فوايدها كبيرة و تغير خياة القط للأفضل و اللي لاحظته تغير بقطي :
- لا يفكر ابداً بالهرب (بيتوتي 100%) الا اذا طلعته متعمده .
- انعدم الرش.
- صار اليف و سعيد يحب اللعب و النطنطه و يحلل قيمه الالعاب اللس اشتريهم له .
- وزنه زاد و لكن سمنه خفيفه و ليست خطرة 7 كيلو و نص زين بالنسبه لعمره و قبل العمليه كان وزنه طبيعي.


هذا اللي لاحظته و غير هذا كله العمليه تطول عمر القط و تقلل من الذهاب للبيطري و تقلل مخاطر الاصابه بالسرطان لبعض الاعضاء و تقلل الامراض المعديه .
بس مثل ما قالت مشرفتنا دومينيك قطعي عنه الاكل الجاف او عطيه و لكن قليييييييل لأنه مضاره اكثر من فوايده..




الحمدلله خلاص قلبي وضميري تطمنوا ... :o
شرعا مافيها اي مشاكل ... صحيا ونفسيا مافيها اي مشاكل ... واجتماعيا بعد مافيها مشاكل :p

طبعا انا احبه وابيه يبقى معاي طول عمره وعلشان كذا راح اسوي له العملية ان شاءالله


شكرا لكم جميعا .... ريحتوني :)
Dominique
24-02-2008, 02:37 AM
بس حبيبتي لا تسوين العملية الحين

نطري لما يبلغ لأن الدكتور ماراح يرضى يسويها الا لما يبلغ القط ;)
.
.
.
SleepyMiracle
24-02-2008, 08:19 AM
بس حبيبتي لا تسوين العملية الحين

نطري لما يبلغ لأن الدكتور ماراح يرضى يسويها الا لما يبلغ القط ;)
.
.
.


والله :confused:

غريبه في واحد قال لي ان افضل عمر اسويها له هي قبل البلوغ
لأنه لو سويتها له بعد البلوغ ممكن ما تجيب نتيجه
يعني ممكن يصير عقيم بس يظل يطلب تزاوج :rolleyes: يقول هذا مو شرط ... بس ممكن يصير


انتي سويتيها لدومينيك بعد البلوغ صح ؟
Dominique
24-02-2008, 08:27 AM
انا البيطري قالي العكس

دمدم لما بلغ سويتله العملية

والحين حبيبي والله ماهمه الا النوم والاكل واللعب:o

ولا يماوي ولا يرش ولا شي


اللي يقول ان العملية تفشل بعدد ما يبلغ القط

يكون الدكتور نفسه ماضبط العملية واغلب الوقت يكون لهالسبب

فلازم تشوفين دكتور شاطر ومعروف ;)
.
.
.
SleepyMiracle
24-02-2008, 08:42 AM
انا البيطري قالي العكس

دمدم لما بلغ سويتله العملية

والحين حبيبي والله ماهمه الا النوم والاكل واللعب:o

ولا يماوي ولا يرش ولا شي


اللي يقول ان العملية تفشل بعدد ما يبلغ القط

يكون الدكتور نفسه ماضبط العملية واغلب الوقت يكون لهالسبب

فلازم تشوفين دكتور شاطر ومعروف ;)
.
.
.



صباح الخير


اوكي يعني لسا باقي لنا وقت ... توه مكمل سبع شهور يعني نونو :p


شكرا جزيـــــــــــــــــلا على افادتك عزيزتي
الاسطورة
25-02-2008, 02:43 AM
والله حرام حاول شوف اي حل
SleepyMiracle
25-02-2008, 10:55 AM
والله حرام حاول شوف اي حل


اخوي ... شرعا مافيها اي تحــــــــريم
مخاوية قطاو
10-03-2008, 05:48 PM
فروحه ... ^^

عدلي في رسايلك ماقدرت ارسلك ..><
aMaZuNY
11-03-2008, 12:18 AM
عندي الحل الاكيد ....

ساليه اذا كان يبي هالشي ولا لأ واهو حر بحياته.
Bruce
11-03-2008, 12:57 AM
ما انصحك بتاتا

انا من ناحيتي مش مع هالعمليات بالمره

افضل اخلي الحيوان على فطرته وطبيعته الي الله خلقه عليها

واحاول اشوف حلول ثانيه كثل اني اي واحد يبي يزوج انثتا اجيبها عندي وكل مره انثا ورا انثا

وممكن ينعمله قفص بره البيت في الزراعه