ربنا ستر ...

[غزل]

يوم الجمعة بعد الظهر كنا بحوش البيت وكانو كالعادة كوكتيلاتنا معانا تتنشور

فكان كوكتيلي ( ماكس ) يحاول يصعد على رجلي وكان يقفز وفارد اجنحته ، بعدين كسر خاطري فشلته وخليته على كتفي فظل جالس فترة بسيطة جداً وفجأة

:eek::eek::eek:

طااااااااااااااااااااااااار للسور الفاصل بين البيت والشارع خارج البيت مع العلم أن جناحه مقصوص

شلون طار :confused: مدري

ركضت انا من داخل البيت وفيه شخص خارج البيت وجاء ثالث وحط كرسي وصعد واهو يركض على الحائط ... وفي النهاية وبعد صراخ مني طبعا وبعد ما سقط قلبي ببطني :D امسكووووه

وعلى طول على داخل البيت وانا ازفه ... الحمد لله ربنا ستر هالمرة بس إللي مستغربه منه كيف جناحه مقصوص وطار مسافة مرتفعه وطويله نسبيا !!!

بس عن جد كنت خايفة ودمعتي بعيني وبعدين قالو احنا نشوف وحده تناطر يعني ( اقفز ) وتصارخ والكل يضحك علي :D:D

بعد توبه من دي النوبه ولا اخليه بالحوش معاي بربطه من رجله هالمرة :cool:

[Mr.Khaled]

الحمد لله الي رجع ولا اكله بس .

[الهارب]

الحمد للهـــ انهــ مااا طاااار....

[عاشق لاف بير]

جانزين طار جان تشترين لش واحد غيره

[بيدرو]

الحمد لله انو رجعلك ولا كان راح في
خبر كان

[النمر الجليدي]

يمكن أنك ما قصيت جناحه زين بحيث أنه ما يطير





...

[غزل]

الحمد لله الي رجع ولا اكله بس .

الحمد لله انه ما طار ... وإلا كان عندي مناحه الحين :(

[غزل]

الحمد للهـــ انهــ مااا طاااار....

أيووووه الحمد لله انه ما طار ... وإلا كان بيموت 100%

[غزل]

جانزين طار جان تشترين لش واحد غيره

أفااااااا ليش عاااد هلوووون

ليش اشتري غيره وهذى ولدي أنا مربيته من اهو فرخ صغيرووون ... ما في مثله ابد هذى ماكسو الشويطووون امووووت عليه

ما اتوقع بحب كوكتيل مثله :o لو فكرت اجيب غيره

[غزل]

الحمد لله انو رجعلك ولا كان راح في
خبر كان

ايوه الحمد لله انه ما طاااار

ومثل ما قلت كان بيروح فيها ... اذا مو من القطاوووه من الجووووع

[غزل]

يمكن أنك ما قصيت جناحه زين بحيث أنه ما يطير




بالفعل انا كوكتيلي من النوع اللؤلؤي وعشان ما اخرب تشكيلة جناحه بس قصيت الطوال التحتيين وخليت التشكيلة الفوقية فعشان هلون اذا يطير يكون منخفض بس يتحكم بحركاته بس ما توقعت انه بالقصة هذى بيرتفع ...

بس ما اتوقع اقصهم واخرب شكله ... بخليه كله داخل البيت ولا بطلعه بره هالمرة ... مره وعدت ومو كل مره تسلم الجره .... :D