تسجيل الدخول

مشاهدة النسخة كاملة : ساعدووووني بليزززز ،، قطوتي تولد ...

تايني
08-03-2008, 02:42 AM
مسااااء الخييييير او صباح الخيررر

المهم بليييز ساعدوني قطوتي توووولد الحين تو صار ينزل شي

مثل الماي و مو عارفه شنو اسوي معاها .. حاليا اخوي قاعد يمها عشاني شفتها

تآن وخفت عليها مسكينه كسرت خاطري ...

ابي اعرف جم تستمر فتره الولادة وشلون اتعامل مع الصغاااار و اهم شي

شلون انظفهم لو وصخوا ( يعني اكيد ماراح يستعملون الرمل واهم صغار ) فشنو اسوي معاهممم ...

طلبتكم لا تردوووني و دعواااتكم لقطوتي الله يقومها بالسلااامة يارب ..

للعلم .. الجو هاليومين حار عندنا وانا قريت ان لازم ندفي القطوة وقت ولادتها

بس شلون اسوي هالشي والجو اصلا حااار ...

اتمنى احد يرد علي بسرررعه

مشكوووورين والسموحة على الاطالة ...
تايني
08-03-2008, 03:01 AM
يا جماااااعه

الحين ولدت واااحد بس لحينه لازق فيها و كل ماتحركت اهو مكانه

ماعرف شنو اسوي وليش ماطلع كامل لحين ؟؟؟؟

اهو الحبل لحين مانقطع ماعرف شنو اسوي

هل القطوة تشيله بروحها ولا شنوو ؟

لا تردوني عفيه ساعدونييي :(
أسير الدمعة
08-03-2008, 04:55 AM
الف مبروك
هي من متى بدت الولاده
كم لها ساعه؟؟
تايني
08-03-2008, 06:34 AM
هلا اخوي الله يبارك بحياتك

الحمدلله كملت ولادة وما شاءالله عليها

ولدت 5 و تقريبا بدت ولادتها الساعه 3 وكملت على

ال 5 ، بس خايفة من شغله انا مخليتها معاهم الحين عشان ترضعهم

وبس ارجع اطل عليهم الاقيها تطالع فيني و فيهم احسها مو عارفه شتسوي

و ارجعها مكانهم عشان مبين عليهم يبون يشربون حليب ، ماعرف شنو اسوي ....
enta 3omri
08-03-2008, 03:56 PM
اول شي الله يقومها بالسلامه

ثاني شي بالنسبه للصغار حاولي ماتقربين منهم

لأن امهم راح تعتني فيهم

وهم ماراح يوسخون الا بعد شهر تقريبا

انا قطاوتي كملت شهر بعدين ابتدو يروحون للتراب اعزكم الله

يعني لا تقلقين من هالناحيه

بعد مايكملون شهر او شهر ونص يبتدون ياكلون

بس حاولي ماتأكلين اشياء ثقيله

يعني ابتدي بالجبن بعدين دجاج مقطع صغير

بعدين دجاج مع بطاطس ودراي فوود

وطمنينا عليها
enta 3omri
08-03-2008, 03:59 PM
تايني حاولي ماتشيلين الام عن عيالها

ولا تقربين منها كثير لأنها احتمال تاكل عيالها او تموتهم من خوفها عليهم

وقربي الاكل منها عشان ماتبعد عن عيالها

بس سؤال انتي وين حاطتها الحين؟
أسير الدمعة
09-03-2008, 01:10 AM
هلا اخوي الله يبارك بحياتك

الحمدلله كملت ولادة وما شاءالله عليها

ولدت 5 و تقريبا بدت ولادتها الساعه 3 وكملت على

ال 5 ، بس خايفة من شغله انا مخليتها معاهم الحين عشان ترضعهم

وبس ارجع اطل عليهم الاقيها تطالع فيني و فيهم احسها مو عارفه شتسوي

و ارجعها مكانهم عشان مبين عليهم يبون يشربون حليب ، ماعرف شنو اسوي ....

يمكن اول ولاده لها عشان كذا مرتبكه
حاولي تتعاملين معها بهدوء
والاطفال مايدخلوا ابدا...
هي تحتاج اكل الآن بشكل اكبر
وستلاحظين في الايام الجايه ان شهيتها مفتوحه جدا
ومايمنع انك تطمني عليها وتمسحي عليها
بس حاولي انك ماتتعدين على خصوصيتها
والله يقومها بالسلامه.
تايني
09-03-2008, 07:14 AM
انته عمري .... اسيير الدمعة

اول شي مشكورين علي المرورر وماقصرتوا والله

بالنسبة للقطوة ( تايني ) اهي موجودة في غرفة لحالها مع الصغار

وبين فتره والثانيه اطل عليها وبالعكس احسها ترتاح لوجودي يعني

اول ما افتح الباب تتدلع و تمد رجلها عشان امسح عليها وكنت معاها

فتره الولادة ولا خافت .. اول ماولدت كانت ماتقرب يم الصغار بس مرتين

ثلاث كنت اقربها منهم وخلاص تعودت الحمدلله الحين ..

بالنسبه للاكل فمرات احاول اوكلها من يدي لاني في كل مره اشوفها

القاها ترضعهم يعني ماحس في عندها وقت تقوم وماشاءالله عليها تاكل

بشراهة غير عن قبل مثل ماقال الاخ اسير الدمعه ..

اهي صار لها يومين من ولدت تقريبا و ودي اني احممها و انظف مكانهم

عشان احس انهم بمكان انظف اكثر فمتي اقرب فرصه اقدر احمم الام فيها ؟؟

او اكتفي في اني انظفها بفوطة رطبه ..

تعبتكم وياي اعذرومي ;) ومشكوورين
sherazya
09-03-2008, 08:35 AM
اول شي مبرووك و الحمدلله على سلامتها .. و حاولي لا تحمميها الحين خليها جذي وبس نظفي مكانهم و نطري عليها شوي و بعدين حمميها .. و اهي اكيد بنتقلهم مكان ثاني يعني انتي راقبيها لان ساعات تحطهم بمكان مايناسبهم
سعادوو
10-03-2008, 07:46 AM
الف الف الف الف الف مبروووك على القطاقيط الصغار ويتربون بعزج ان شاء الله
اختي بعطيج نصيحة من تجربتي .. اهتمي بأكل القطوة الام وااايد ..لان انا يوم ولدت قطوتي استوت ضعيفة واايد هيكل عظمي.. مع اني اهتميت في اكلها و نوعته لها وحطيت فيه فيتامين .. الفطاوة الصغار عقب اسبوعين من الولادة خلي تضرب عليهم الشمس شوي لمدة نص ساعة يعني حطيهم عند الدريشة مب تطلعيهم بره..لان الشمس ما تسوي فيهم فطريات
ان شاء الله اكوون افدتج
أسير الدمعة
10-03-2008, 11:12 AM
حاولي تغيرين الفرشه الي تحتهم
واذا الام نظيفه مايحتاج تحممينها
بس مشطي شعرها ...
وحاولي تجهزين لها مكان ثاني لانها احتمال تنقلهم مثل ماتفظل العظو شيرازي
واي مكان تحسين انه معزول وغير مناسب لهم حاولي تقفليه
والف شكر على كلامك الجميل:).
oOعبودOo
10-03-2008, 06:40 PM
ما شالله تبارك الرحمن الله يتمم على خير ان شالله ويكبرون :)

عقبالي :D
تايني
14-03-2008, 12:26 AM
السلااام عليكم

العذر والسموحة على الاطالة بس كنت مشغولة مع قطوتي والكتاكيييت :p

ياحليلهم والله ..

ـ ـ ـ ـ ـ ـ ـ ـ ـ ـ ـ ـ ـ ـ ـ

sherazya

اسعدني وجودج اختي والله يبارك بحياتج يارب

بالفعل انا هالفتره خليتها على راحتها ولا حممتها ولا شي

بس نقلتهم مكان اريح عشان تاخذ راحتها اكثر ومحد يدخل عليها

وايد وبس الحمدلله مرتاحه معاهم و اطل عليهم بين فتره والثانية والام

تستانس لوجودي لانها بس تشوفني تتقعد تتدلع وتبيني امسح عليها ;) ...

شاكرة لج مرورج مرة ثانية ..

ـ ـ ـ ـ ـ ـ ـ ـ ـ ـ ـ ـ ـ

سعااادوووو

تسلمين حبيبتي نورتي الموضوع والله يبارك بحياتج يارب

بالنسبة للاكل بالفعل انا لاحظت هالشي مع اني اوكلها وايد بس احسها

ضعفت حتي جسمها صار اضعف من اول .. بالنسبة للفيتامينات انا ماجربت

اعطيها من قبل فلو تعلميني من وين اقدر اخذهم اكون شاكره لج والله ...

وبالنسبه للشمس ان شاءالله بس يكلمون اسبوعين اسوي بنصيحتج

وان شاء الله مافي الا الخير ...

ـ ـ ـ ـ ـ ـ ـ ـ ـ ـ ـ ـ ـ

اسير الدمعة اسعدني اهتمامك بالموضوع و طلتك مرة ثانية :o

الفرشه تقريبا كل يوم اغيرها و انظف مكانهم عشان مايصير لهم

شي لا سمح الله اما عن المكان فآنا نقلتهم لمكان ثاني افضل لهم

وبعيد عن احد يعني الام ماخذه راحتها معاهم الحين ...

الف شكر ولا تحرمنا من وجودك العطر في الموضوع

ـ ـ ـ ـ ـ ـ ـ ـ ـ ـ ـ ـ ـ

عبوووود

ياهلا اخووي والله يبارك بحياااتك

وان شاء الله عقبال قطوتك وتفرح في العيال بعد :p ...



اسعدني اهتمام من تواجد في الموضوع وشاكرة لكم كل
النصايح والمساعدات اللي ساعدتوني فيها ...
ان شاء الله عن قريب انزل صور لتايني وعيالها ;)

اسمحوا لي علي الاطالة ...