هامستري مايقدر يمشي

[KaDaSh BoYz]

السلام عليكم

انا عندي هامستر سوري

وهادي الولادة التانية وجاب ثمانية اولاد

المهم

بعد 10 ايام من الولادة خرجت الانثى من القفص وفكيتها في غرفتي عشان تتونس مع الذكر لاني شفت حالة الذكر يرثى لها


المهم فكيتها الساعه 2 الفجر ونمت

صحيت صلاة الفجر على الساعه 6 لقيت توتا هي الانثى نايمة وبيبو الذكر بيلعب في الغرفة

المهم حاولت اشيل الانثى حسيت الجزء السفلي من جسمها خامل

حطيتها في القفص قلت يمكن نايمة

المهم شوفتها لما ترضع صغاراها ماتقدر تمشي حاولت اكلها بيدي مو راضية


مرة حالتها تخوف

انا دحي الساعه 9 بنتظر محل بروح اشوفو

[shai6o0ona]

اسمحلي و الله ياخوي ما قدر أساعدك ...
لأني و لا مره صادفت هالحاله مع هامستري ...
بس انت لو توديها عند المحل أو البيطري بأسرع وقت ..
ما تشوف شر ان شاء الله ..

[أزمرل إمبرطور الجمال]

بصراحة ؟؟؟

شو بيكسر ها ؟؟

حالة غريبة يمكن ما فيها شي بس تدلع ؟!

أخو ودها البيطري أحن عن خبراتنا ...

ممكن حد يقول لك شي بعدين تأذيها أكثر ...

السموحة منك ... وبخبرني بالجديد

[KaDaSh BoYz]

وديتها طبيب بيطري

وقال انها انشلت الكلام هادا في الصباح


رجعت من المحاضرة المغرب


لقيتها ماتت

وعندها ثمانية اولاد

اعمارهم 10 ايام

ايش الحل معاهم كيف

ارجع الذكر معاهم

كيف اكلهم

ساعدوني


ترى نفسيتي صارت زي الزفت

[SoSaNa]

ما تخاف عليهم اعتقد راح يبدأو يعتمدوا على نفسهم في الاكل بس ما ادري اذا يكفيهم الاكل لوحده

هامستراتي الصغار عمرهم 12 يوم بدأوا ياكلو الخس وحب عباد الشمس اللي الام مخزنته في اليوم العاشر طبعا بيرضعوا و ياكلوا

اما بالنسبة للذكر ما اعرف اذا ممكن ترجعه معاهم او لا

والله يعينك وان شاء الله الاعضاء يفيدوك

[KaDaSh BoYz]

انا رجت الذكر

هما باقي عيونهم مافتحت

يسلموا على التوضيح

ماسكين امهم ماتت

[SoSaNa]

ايوة طبيعي ان عيونهم ما تفتح الان على 13 يوم او 14 يوم

لكنهم ياكلوا الاكل طبيعي جرب حط لهم قطعة خس وراح تلاحظ انهم ياكلوا منها

الهامستر طبيعته نظره ضعيف ويعتمد ع الشم في تحديد الاتجاه يعني حتى لو عيونهم مقفلة ممكن ياكلوا و يتحركوا طبيعي

ما ادري اذا مازالوا يحتاجوا الحليب حط لهم في مشربة الموية حليب قليل الدسم وقربها منهم

[KaDaSh BoYz]

طيب راح اجرب المشربة بس حتكون بعيدة عنهم

يعني ايش اسوي بالحليب

[KaDaSh BoYz]

طيب راح اجرب المشربة بس حتكون بعيدة عنهم

يعني ايش اسوي بالحليب

شوفي حل للحليب والموية

تكفون

[الاسطورة]

السلام عليكم ورحمة الله وبركاته :

اولاً : للمعلومية المهمه لك وللأعضاء الكرام اللي سويته غلط المفروض انك ما ترجعها للذكر في هذا الوقت وقت رجوع الأنثى للذكر بعد الفطام بعشرة ايام على الأقل ووقت الفطام للصغار لما يكملوا عمر الواحد والعشرين يوم يعني اللي حصل هو ان الذكر هو اللي قضى عليه وانت السبب

ثانياً : لالالالالالالالالالالالالالا ترجع الذكر للصغار لأنه حيقتلهم !!!!!

ثالثاً : الصغار حاول تعطيهم الأكل الخاص بالهامستر والخضار وهم انشاء الله بياكلون ولا تحطلهم خيار الا بالأسبوع مرة وحدة ولا تحطلهم اي حوامض زي الليمون والطمام والبرتقال وغيرها

رابعاً : كوجبه مساعدة حاول تحطلهم حليب القطط الصغار مو الحليب البقري او اي حليب ثاني حيكون ثقيل عليهم

خامساً : قرب المشربة قريباً منهم بحيث يصلون لها

والله يعوضك ويكون في عونك

[KaDaSh BoYz]

بس المشربة ماتكون قريبة هم صغار مرة


نا حطيت الذكر قبل شوية

بس شوفتو حنون معاهم بشوفهم يتجمعون عليهم

وكمان انا حطيت لهم جزر شوفتهم بيمصو فيه

حليب القطط من فين اجيبه

والله يجزاكم بالجنة

[SoSaNa]

اعتقد السوبرماركتات الكبيرة تبيع اغذية الحيوانات في اقسام خاصة

كأني شفت في الدانوب

[KaDaSh BoYz]

حاروح الدانوب اللي في طريق المدينة بكرة الصباح

بس كيف اشربهم هادي المشكلة

[KaDaSh BoYz]

طيب لو جبت انثى ثانية تقدر تربيهم

ولا ماينفع

[( همتارو )]

اعتقد لا لأنها راح تكون غريبة عنهم ويمكن تاكلهم الا اذا 1% انك تجيب انثى تاخذها من عيالها وتجيبها لصغار عندك بس صعبه

[الاسطورة]

لا ترد الذكر لهم نهائياً ولا تجيبلهم انثى جديدة بالنسبة لحليب القطط تلقاه في محلات بيع الحيوانات والسوبر ماركت الكبير اللي يتوفر فيه قسم للحيوانات

طريقة اعطأه الحليب الله يعينك بالقطارة حقت الدواء

[KaDaSh BoYz]

مشكو خيو

[زين ابوها]

احسن الله عزك ..!

يتربيوا في عزك الصغار ...!