ببغائي مريض فيه صوور له .اذا حد مرت عليه الحاله ولا يعرف طبيب ممتاز

[زعيم اسيا]

السلام عليكم

كيف حالكم

ببغائي كان حالته اول ممتازه وكان يصفرر ويتشقلب في القفص بس مدري وش جااه

اول ماجاه المررض عين وحده يفتحها والثانيه مسكره

اليين تتهورت حالته ماصاار يصفر ويطلع من خشمه شي اصفرر من عيونه بعد وعين من عيونه مسكرها والثانيه يالله يفتحها

وديته للبيطري في الرياض في سوق الحمام

ماشاافه ولا شي قلتله ان عينه مايفتحها ويطلع من صدره صوت . على طول عطاني مسحووق احطه مع المويه .. واستعملته ولا فاد

هذي صوور له :(



http://www.up.00op.com/data/visitors/2008/03/10/storm_1740226245_81370326.jpg

http://www.up.00op.com/data/visitors/2008/03/10/storm_2138237136_389320413.jpg

http://www.up.00op.com/data/visitors/2008/03/10/storm_367108836_962049604.jpg

http://www.up.00op.com/data/visitors/2008/03/10/storm_1449498951_1795785128.jpg

http://www.up.00op.com/data/visitors/2008/03/10/storm_1541946307_1508339436.jpg

http://www.up.00op.com/data/visitors/2008/03/10/storm_1507021814_2076509890.jpg

تكفون اللي قد مررت عليه الحاله وعاالجه

ولا اللي يعررف طبيب ممتاز في الريااض

ياليت يخبررني ولا يوصفلي المحل على الخاص

وشااكر لكم ...

[مدرب الأفريقي]

أنا أسف أقولك الله يعوض عليك وضه سيئ .

[عالم الامارات]

وده طبيب ثاني يكون شاطرررر

[عهد]

اعتقد ببغائك مصاب بالزكام او شي من هذا القبيل شوف حاول تسوي له حمام بخار بسيط
في مكان مافي تيارات هواء وحمام البخار عبارة عن اناء به ماء ساخن و حط في نعناع او فكس و حطة جنب القفص و حاول تخليتة يستنشقة وحاول انك تستمر مع الدواء اللي عطاء اياه الطبيب
و حاول تاخذ من الصيدلية البشرية قطرات تنظيف العين او الانف اللي بالماء و الملح عشان تنظف عين الببغاء لان شكلها مليانة بالرمد وماتخاف استعمالها مش خطير لاني انا بعد صادتني هذه المشكلة مع البادجي كانت عينة مليانة وسح و من الصعب انه يفتحها و الحمدالله بعد كم يوم استعمال قطرات التنظيف صار ت عينة بصحة جيدة و بالتوفيق و ان شاء الله يشفي لك ببغائك .... و حاول انك تبعده عن البرد

[مجنون فلته]

السلام عليكم

اخوي العزيز طيرك مصاب بالزكام
لأنه واضح من انفه

انا مرض طيري من قبل الطريقه الي قال لك عنها الأخ جيده

بس انا عندي طريقه اسرع واسهل

واهني انك تأخذ برهم اسمه ((Chan-Eye)) عليه صورة بقر وخراف وكلاب وقطط

ولكن ايضا يتم استعماله لطيور لأنه ملين ومنضف في نفس الوقت

وايضا من نفس المكان تطلب منهم انهم يعطونك فيتامينات لطيور سائل لونه يقارب اللون الأصفر

توضع القلييل من الفيتامينات بالماء نصف ملعقه يوميا ويكون الماء حلو

وتوضع البرهم على العينين واتركها وراح تشوفها تفتح شوي شوي وتستمر على هاذه الحاله لمدة اسبوع

وهالأشياء تحصل عليها عند الطبيب البيطري او المؤسسات الزراعيه

ملاحظه:زجاجة البرهم مثل الأبره ولكنها بلاستيك

وبالتوفيق والطير مايروح عليك بأذن الله

واي استفسار انا حاضر لك

[عازف الكيبورد]

السلام عليكم

أخوى طيرك معه ميكوبلازما شديده ولذلك يصدر صوت من صدره وألافرازات من العين وألانف

نتيجة تطور المرض

المهم أنصحك بدواء أسمه تايلان (Tylan) سائل

مضاد حيوي يؤثر بكفاءة عالية ضد ميكروبات الميكولازما والباستريلا السالبة

مفعوله قوى جداً في الميكوبلازما

ضع قطرتين على العين وضع له في مياه الشرب لمدة خمس أيام

وأنشاء الله يتعافي

[ابوماجد]

الله يكون في عونك ومايشوف شر يبي لك بيطري ممتاز



والله اخوي البيطريه الى عندنا حفرين و حلاقين

[احب الأفريقي]

انا مرت عليه نفس هذه الحاله بالضبط في جده وديته عند بيطري
ودقه اربع ابر في صدره كل يوم ابرتين وجلس ثلاث ايام ورجعت حالته
ممتازه جدا كلفتني الابر 100ريال

[مربي الطيور]

لا حول ولا قوة الا بالله

[fan]

كان عندي ببغاء صار له نفس الشئ
وديته البيطري وعطاه إبره في صدره ومرهم أحطه على العين يوميا مرتين شكله مثل الإبرة بس حالياً ماأذكر اسمه لعدم تواجدي في المنزل وفيتامينات احطهم في الماء
وخليه في مكان دافي أهم شئ
ومايشوف شر أن شاءالله

[طير سارة]

زعيم اسيا

عندي كاسكو مر بحالة اخف من حالة طيرك واستمر المرض معاه اكثر من شهرين وانا كل اسبوع اراجع البيطري وكان كل مرة يوصف خمس ابر لمدة خمسة ايام ونوعين بودرة اوضعهم له بالماء واغيرة كل 12 ساعة وآخر شيئ قال لازم افتح الورم اللي في العين وعطاه الابرة وعلى طول ما قدر يوفق حتى على الاستاند وطاح في القفص ولا حركة ونصف ساعة ومات:(
وآسف جدا اني اقولك اني اتفقك مع الاخ مدرب الافريقي لانها تجربة ومريت فيها
الله يعطيه العافية ويطمنك عليه بس حاول معاه راجع البيطري وان شاء الله ما قدامه الا العافية
تحياتي

[زعيم اسيا]

يعطيكم العافيه والله ماقصصرتوا وهذا العشم فيكم

وانا باروح محل في الملز وصفه لي الاخ افريكانو على الخاص

وان شااء الله باسوي الي قلتولي عنه .. وان شااء الله مايصصير الا كل خيير

وشاكر لكم مره ثانيه

[مجنون فلته]

السلام عليكم

اخوي اذا خايف على طيرك وده بأقصى سرعه لأن هالمرض خطير

على الطير ويقتله بأي لحظه اذا زاد المرض

[عسوله جدة]

والله انه يقطع القلب الله يشفيه يارررررررررررررررررررب


ويحمي طيوووووووووووورنا

[مانجو]

السلام عليكم ورحمة الله بركاته

انا عندي في الوقت الحالي كاسيكو يعاني نفس معاناه طير اخوي زعيم اسيا .. نفس الحاله الضبط

وصار له 3 اسابيع بالحاله هذي وتوه من يومين متاثره عيونه ... ويوم قريت ردود الاخوان خذيت اسماء الادويه وسالت عنهم في صيدليات البحرين و ماحصلتهم ...

شاسوي بليز ساعدوني مسكين مانجو ماعندي غيره..؟؟

الي يعرف بيطري زين يقولي في البحرين .. يطرش على الخاص اسمة ورقمة او بلي يريحه.

اشكركم على تعاونكم

ام مانجو

[AMEGO]

في دوى اسمه دوكسي سايكلين
بودر يخفف بالماء صناعه اردنيه
ممتاز جدا

[تاكو]

كما وصف لك عازف الكيبور ( تايلان) ولو ان الدواء غالي الا انه افضل الأدويه على الإطلاق

في هذه الحاله

اما ذا كان الطير صغير فالحاله صعبه جداً.

[الببغاء الافريقي]

الله يشفيه وهذا الي اقد عليه بس الحمد لله عندنا اعضاء فاهمين