ارجوكم ساعدوني قططي بتموت

[بنت البحرين]

السلام عليكم

حبيت اسالكم سؤال انا قطتي ولدت من حوالي 5 ايام

واحد من القطط الصغار الله يعزكم مايقدر يسوي حمام و كله يتعصر و مايقدر ياكل قصدي مايقدر يشرب حليب بطنه واااايد تعوره و احسه انه يحاول انه يسوي حمام بس مايقدر يمكن يكون فيه امساك او غازات مااعرف شنو اسوي بضبط

بطنه منتفخ كانه بالونه

احس ان القطو بمووت

ارجوكم ساعدوني مااعرف شنو اسوي

انتظر ردكم

مشكورين على كل حااال

[الذئب الفتاك]

هناك حالة تحصل احيانا لصغار الماعز عند الولادة وهي ان فتحة المخرج تكون مغلقة وعلاجها عملية صغرى (جدااا جدااا) وما تخوف
ربما تكون نفس حالة قطتك .. وعلى كل حال زيارة الطبيب البيطري هي الحل المثالي.
وارجوا لها الشفاء

[قطو_Q8te]

هالحاله صارت مع قط عندي كان صغير
بس انكسرت ايده وماعرف يحفر بالتراب الخاص فيه فامتنع عن الاكل وانتفخ بطنه وكان نهايته انه مات ..
اتمنى تتوجهين للبيطره باسرع وقت

[founah]

عمره خمس ايام اكيد امه مابتلحسله مؤخرته اعزك الله علشان كذا جيبي فوطه او اسفنجه مبلله بماي دافي ومسحي مؤخرتها فيه لان القطط الصغيره ماتقدر تتبرز من حالها لازم امها تلحسلها علشان يتبرزون

وقوليلي ايش صار معاه

اتمنى اني اكون افدتك

[GaRfIeLd]

من الأفضل انك تاخذيه للبيطري

[sherazya]

وديها للبيطري احسن

[آنـــــو]

٥ ايام يعني اخراجه فقط سوائل والام تلحس له بطنه تحفزه على الاخراج يعني ليه يتعصر!!!

الا اذا كان فيه عيب خلقي داخلي او خارجي ربما مالاحظتيه يمنعه من الاخراج الافضل توديه للبيطري يشخص لك حالته

قبل يتسمم من احتباس فضلاته او انفجار امعائه لاسمح الله

[بنت البحرين]

مشكورين على ردودكم

بس انا حاولت (( يبت فوطه مبلله بماي دافي و حاولت امسح له بس مايقدر ))

المهم انه الحين اهو ماااات

بس اخاف انه اخوانه يصير فيهم شئ

اهو كان طبيعي في البدايه بس مااعرف شنو صار فيه مره وحده يعني كان قبل يقدر يروح الحمام يعني اشوف انه امه تنظفه و مااعرف شنو بس مره وحده

المشكله انه اخاف انه يصير في اخوانه بعد هذا الشئ (( و يصير فيهم في الليل يعني مايكون فيه دكتور مافي دوى اخليه معاي يعني اذا صار حق واحد فيهم على طول اعطيه اياه يعني شئ يسهل او شئ يخرج الغازات ؟؟؟))

مشكورين على المساعده

[GaRfIeLd]

على كل حال
استشيري الطبيب البيطري ولو بالتلفون
عشان يعطيكي الحل الأمثل
وان شاء الله الباقيين مافيهم إلا العافيه