تكفون فزعتكم يالنشاما..ضربت ببغائي

[أبو فهـد]

السلام عليكم

أولا انا عارف ان اللي سويته خطأ مية في المية بس اسمعوني

هذا افريقي شريته من عشرة شهور كان عمرة (ست شهور)

المهم الببغاء ياكل من ايدي بس مشكلته مرعوب دايم يخاف وبهذلني يقرررط الخشبه اللي يوقف عليها الين يخربها.. واغير جديدة ويقرطها.

معاي انا يعطيني راسه احيانا واحيانا اذا جبت ايدي عنده قرطها وكش. طبعا حاولت كل الطرق انه يرقا على ايدي وكان رده دايم "ضف وجهك".

مانطق الا كلمة "الو"

المهم مايبي اي احد من البيت ويخاف من الكل

انا عندي طفلين واحد عمره 4 سنين
اذا شافه الببغاء يحاول يهجم عليه وانا دايم ابعده عنه

رفقعت القفص متر ونص عن الارض لكن برضه استمر معادي للطفل ويصيح صياح مزعج

صحته تمام كل شهرين اكشف عليه عند مركز الببغاء اللي بمخرج 9 والدكتور يقول ممتاز ماشاءالله

قبل اسبوعين نزل من القفص وكان طفلي يمشي من جنبه وقرطه قرطه والله بغت تحتاج خياطه لكن ربي ستر

المهم انا بشر.... عصبت لما صار كذا بولدي ... رحت هاوشته وبدون ما ادري ضربته على راسه..قرطني وضربته مره ثانيه

الآن صار يخاف مني لما اجي عنده.. ياكل من ايدي بس لو تحركت اي حركه يعصب ويعض

انا الآن عزلته بالملحق عن الاطفال وصرت اقعد معه اطول مده

يصيح صياح مزعج احيانا واحيانا يصفر تصفير حلو

من بعيد خذ طير بس الا قربت له ارتز وخاف.

وش اسوي يا اخواني هل فيه حل ولا خلاص الطير ضاع مني

[@الزير@]

الله يعينك يابوفهد بس انا ماني خبره والشباب انشالله ميقصرون (بس اذا بغيت ينسى الضرب لازم تعطيه احد لمده ماتقل عن شهرين علشان ينساك تبدأ معه صفحه جديده(ماني متاكد من المعلومه) (لا زم تدربه بالقفاز على الطلوع والموضوع مجوده بالمنتدى العزيز(2زو) علشان تقرب خطوه خطوه ويروح العض ترا (خايف الطير وهاذي ردة فعل بس عشر شهور ولا را الخوف مشكله بس انشالله تدرب ويصير اليف خطر مينام مع الولد(اتحمد لك يابو فهد على سلامة اولد والله يخليه لك انشالله)

[جينزو]

وعليكم السلام ورحمة الله وبركاته

اولا اخي انا مقدر مشاعرك يوم ضربته لاني والله صار معاي نفس الشي بس انا مسكت اعصابي في اخر لحظة

والي صار معاي :
اشتريت ببغاء سنغالي عصبي متوتر خواف المهم حاولت اني اروضه بس كان يعضني ولا رضي يتوترروض وكل ما امسكه يهرب او يطير او يحاول يعض في منطقة حساسة اتألم فيها وكان يحاول يفك فمه ويطلع صوت غريب لكي يخيفني وانا كنت كلما يسوي هذي الحركة انفخ في وجهه نفخ خفيف حتى يهدأ وبرضه كان مستمر في عصبيته وتوتره فعرفت انه في هرجة
فقلت احاول اغير طريقة المعاملة معاه والطريقة هي :
شلت الاكل في اليل واليوم التالي دخلت يدي عنده وبهدوء شديد وكان الببغاء يتوتر ويحاول يهرب المهم انا معطيته وجه واستمريت على حالي حتى هدأ الببغاء وبعد قليل بدأ يصفر ولم يأكل من يدي قط في ذلك اليوم
اتيت اليوم التالي طبعا سويت نفس الحركة شلت الاكل من اليل وجيته الصبح وحطيت يدي جوات القفص طلعت يدي شوي شوي حتى وصلت الى عنده لم يحاول العض بل حاول التخويف قليل ولكني لم اكترث له وبعد قليل فإذا بالببغاء يأكل من يدي
وهذه هي الطريق وان شاء تنفع معاك
وانت حاول تتكلم معاه بهدوء وشوية شوية تلقاه يرجع لك
ومعليش طولت عليكم والله ما عرفت اختصر الموضوع المهم انكم تستفيدوا

[المدمر755]

والله انا ماني خبير بس انصحك بانك تجلس مع الطير في مكان هادي وتتقرب منه وتخليه ترجع ثقته فيك
وابعد اطفالك عنه او خلهم يتقربون منه ولكن بدون ايذاءه وترا الطير يحب الاطفال والاهتمام والعنايه
واتمنا ان طيرك يرجع مثل ما كان

[@الزير@]

بس على طاري الخشبه كان عندي ببغاء اليف مره وكان كل مابين شهر وسبوعين اغيرها بس انقهر من قطع الخشب الي يخلفها من تخريبه لها بس الخشب كله يرخصله وصار الامر عادي عندي واسفين على الاطاله

[الشرريف]

المشكله بسيطه جدا وهي انك تغير الفكره إلي في بال الببغاء لن الطير اخذ في نفسه انك عدو وفي اي لحظه
راح تضربه مثل ما ضربته اول مرره لازم تجد اسلوب حلووو تجعل في الطير يرجع معك احسن من اول........

تقبل تحياتي

[أبو النصر]

وعليكم السلام ورحمة الله وبركاته

بالنسبة لمشكلتك إنشاء الله بسيطة

1/ الهدوء مع الطير لإحساسه بالإستقرار
2/ التعامل معهه بلين
3/ عدم فزع الطير بصوت عال
4/ رفع الأكل عنه في الليل وضع كمية قليلة من الأكل في الصباح
5/ أن تكون قريب منه دائما

وهذي تعتبر ضريبة الضرب

وتقبل مني فائق تحياتي وتقديري