أسئلـه قبل الشـراء

[reem24]

السلام عليكم ورحمـة اللـه

أنـا أول مـره أربي قطط ولا بعد إشتريتهـا

وبشتـري هالإسبـوع إن شاء الله ..

مع إن أهلي مو مقتنعين إني أشتـري :p

المهم

وين ألاقي محلات للبيـع بالكـويت .. ؟

وودي بـ قط من 3 أشهـر .. هـل بلاقي أسعـارها أقل من 30 دينـار كويتي

لاني ماقدر أقنـع أحد فيهـا ولأول مـره .. بـ سعر مرتفـع شوي

والأشكال هذي تعجبني

http://www.sptechs.com/emarket/thumbs/pics/item56697.gif

شنو نوعيتهـا ؟

وقبل كل شي ..

بتتعبني بأمراضهـا ؟ وعنايتهـا ؟ لاني مو كل مـره أقدر أطلع للبيطري :)

والسمـوحه

[Dominique]

هذي القطط نوعها شيرازي مون فيس

اغلبنا يربي مثلها لأنها حلوة بالشكل ونعومة ودلوعة

البيطري ضرووووووري في كل الاحوال

يعني لازم اول ماتاخذينها تودينها البيطري حق التطعيمات والفحص

وتلتزمين بمواعيد التطعيم

بالنسبة للمحلات بالكويت عندج سوق الحمام او ماي بوبي بالشعب
او سكوبي دوو بالسالمية

لكن انا شخصيا دايما انصح انكم تشترونها من ناس تزاوج القطاوة وتبيعهم

لأنها تهتم فيهم وبصحتهم مادام القطاوة معاهم بالبيت عايشة

وما اعتقد تحصلين بهالسعر اللا لو شريتيها من ناس مثل ماقلتلج

اما المحلات فاسعارهم من 50 وفوق

.
.
.

[reem24]

أووك حبـوبه تسلميـن ع التعقيـب

عنـدك أشخـاص تعـرفينهم يبيعـون ؟

أو سامعـه عنهـم ؟ .. لاني ماأعـرف أي شي بخصـوص الحيـوانات بـ شكل عاام

وتتوسطي لي :p

لان ماودي أشتـري بأسعـار مرتفعـه .. والبـاقي مو راضييـن

ع الأقل يجي إقتنـاع بسيط

[Dominique]

المشرف قطو كويتي عنده قطاوة للبيع وحلوين
اهوا يربيهم عنده بالبيت ويزاوجهم ويهتم فيهم

لكن مادري شلون نقدر نوصلله

دزيله رسالة خاصة وانشالله بس يدخل المنتدى يرد عليج

ميرسي
.
.
.

[founah]

نوعها شيرازي دول فيس ^_^

وبالنسبه للعنايه اعتني فيها كويس ومارح تتعبك يعني لازم كل اسبوع تنظفين اذنها بمحلول خاص بتنضيف الاذن ويوم تسبحينها طبعا ماتخلين الماي ييجي لاذنها لانه يسببلها فطريات والتطعيمات لازم تاخذها كل شهر