اسأله عن الكوكاتو

[بـــدر]

السلام عليكم اخواني عندي اسأله عن الكوكاتو الابيض ذو العرف الاصفر هل
يوجد منه انواع وماهو الافضل :confused:
وماهو العمر الجيد لتربيته وكيف اعرف عمره لانه الصراحه ناوي اربي واحد :)
واريد بعض المعلومات عن هذا الطائر
اخوكم بدر ;)

[FAWAZ]

وعليكم السلام ورحمة الله وبركاته...

والله أخوي مادري وش أقولك .... هو فيه أنواع وكل نوع فيه الزين والشين والإختيار راجع لك ..

كل الحيوانات اخوي افضل شي تقتنيها وهي صغيره , تكون لعوبه وقابليتها لتدريب أكثر من الكبيره ...

بالنسبة للمعلومات الي تبيها حددها بأسئله ... يمكن أقولك معلومات تكون أنت عارفها او منت محتاجها....



وفقكم الله,,,,,

[بـــدر]

مشكور اخي على الرد
والاسأله هي :
1- انواع الاكل المفضل له
2- كيف اعرف عمر الطائر قبل ان اشتريه
3- اشياء يحبها الطائر واشياء يكرهها
4- واي معلومات مهمه عن الطائر تحب ان تضيفها اخي FAWAZ

[FAWAZ]

العفو يابدر.....

1- بالنسبة للأكل , بصراحة مكتوبه مواضيع كثيره عن أكل الببغاء تقدر ترجع لها.

2- ما أقدر أعطيك طريقه لأن مافي طريقه يمكن تحديد بها عمر الكوكاتوه بدقه مره خصوصا اذا كان الطير مو محجل , لاكن يمكن تلاحظ شكله العام ووجهه وحجمه , وتقدر تسأل البائع عن عمر الطير الي بتشتريه, وعلى فكره الذكر عيونه سود والأنثى عيونها بنيه .

3- ما أدري والله صعب ان اقولك كل شي يحبه الكوكاتوه وكل شي يكرهه , يعني اهو حيوان له تصرفاته وسلوكياته اللامحدوده مايمكن تحدها في شي معين , يمكن اذا حاب تخصص لي مواقف محدده وتبي تعرف ردة فعله عليها يكون احسن .

4- والله يابدر انا زي مايقولون ماخبزت هذا النوع وعجنته الا يوم ربيته , لا ومو واحد ..خمسه بعد وفي مكان واحد وشخص واحد يعتني فيهم الي هو انا . وفتره طويله وأحداث كثيره ,, المهم انه لابد انت بعد تاخذ خبرتك عن النوع هذا من الطيور , وماتجي الخبره ونا خوك الا من الممارسه ولفتره طويله نوعا ما .


بصراحة يابدر أنا بقولك شي من وجهت نظري ... قليل هم الي يحبون الكوكاتوه .. بأسلوب ثاني بعض الناس يعقدون عليه امال كبيره .. وبعد مايقتنونه يتفاجؤن انه مايصفر مثلا ,,, كلامه مو كثير هذا ان تكلم , له صراخ مزعج بعض الاحيان ... وحاجات زي كذا ,,,

بالنسبه لي أنا ..هو طير حنون مره يحب صاحبه له حركات حلوه يحب يرقص اذا تكلم له نغمة صوت تظحكني ذكي مره ادربه على اشياء بعض الناس لما يسمعها صعب يصدقها ..
""بعض طيور الكوكاتوه مو كلها طبعا""

وذا انت تبي رايي يا خوي بدر .. وعاد انت حر .. ترا بالذات الكوكاتوه لازم تشتريه اليف مره , يعني تفريخ مزارع ومغذي باليد ومتعود على اللعب والكلام .. يمكن تشوف منه انواع مو اليفه او ولفة على كبر وبتلاقي اسعارها رخيصه بس تراهم منظر ... ويمكن يكرهونك بالكوكاتوه بعد ...






أتمنى لك التوفيق يابدر ,,,,,
وفقكم الله,,,,,,

[لحن الخلود]

اخي بدر هناك مواضيع عديده رائعه ستفيدك
بس انت إجلس برواقه وخذلك كباية شي وتصفح
وستجد كل ما تريده إن شاء الله :):)
والاخ بو الفوز بعد ماقصر
وعساك على القوه

[تاكو]

وان شاء الله كلنا مانقصر معاك
وانا مع الشباب لمراجع المواضيع المثبته
وحياك اخي الكريم

[اسايرها^تعاندني]

الاخوان ما قصروا معاك

وانا عندي واحد للبيع

راجع قسم البيع والشراء

[بـــدر]

مشكورياً جداً اخواني على الردود وباالاخص اخي فواز

[القاياتى]

بسم الله الرحمن الرحيم والله الاخوة ردوا رد جميل لكن انا عندى تجربة شخصية مع معظم انواع الببغاوات منها الافريقى والكوكاتو والاتنين عندى فعلا الافريقى يتكلم اكتر واوضح بكتير لكن قصاد ده مع الكوكاتو باختصار شديد بيديك ثقته بنسبة مية بالمية حتى تحضنه تشيله مثل الحمامة ونظراته بصراحة لا تقارن مع اى نوع تانى له نظرة خاصة به مثل الانسان سبحان الله وازكى بكتير جدا من اى نوع تانى ومقاومته للامراض اقوى بكتير من الافريقى وحركاته حكاية كل ده قصاد الكلام فقط من الافريقى وكل واحد حر باختياره والله يوفقك