ساعدوني الببغاء احدث بي الضغط والسكر!!!

[Sultan]

السلام عليكم


يااخوان ساعدوني انا انتهيت اتعبني الببغاء مره

مسوي زحمه بالغرفه مسوي ازعاج ماله حد يطلق صرخات تصحيني من النوم من قوتها ولما اجلس على الكمبيوتر يزوود بالصرخات والبهرجه ولا بعد عوود الكناريات معاه صارت مزعجه مثله

هل تنصحوني انحره والا افجر فيه والا اغتيال قناصه والا اجيب سوط واجلده
المتهم من نوع رمادي وهو خطير مره ذو فكر انحرافي درجه اولى

ارجو الافاده

[قناص]

وعليكم السلام ورحمة الله وبركاته

:) والله ضحكتني يا أخوي Sultan :)

وبالفعل بعض الببغاوات تحدث بعض الازعاج
وفي الغالب يحدث ذلك بسبب قلة العناية بالطائر
وعدم تعليمه الكلام أو تدريبه

تتغير أطباع الطيور من طائر لآخر بالتالي ليست كل الببغاوات الرمادية مزعجة أو ترفع الضغط :)

بالتالي لو بحثت في قسم الببغاوات سوف تجد الكثير من المواضيع التي قد تهمك في ترويض الببغاوات

وشاكر لك عزيزي ونتمنى لك اقامة دائمة

[FAWAZ]

وعليكم السلام ,,,

ظغط وسكر !!!!! ههههههههههههه ياحليلك ياسلطان .......

أنا ودي أعرف وش جابرك عليه مادام انه مضايقك لها الدرجه ؟؟؟؟؟

أنا أفضل التوقف عند النقطه هذي , وتجيب لك طير اليف ومدرب هذا في حالة كان لك رغبه في الطيور ....




وفقكم الله....

[تو zoo]

شكرا للاخون على الافادة

[بنت السحاب]

اجل انت لو شفت الكوكاتوا الى عندى وش تقول هذا مو طير هذا قرد وثور وكل شي مزعج جنني

[Sultan]

شكرا لكم يااخوان
انا متيم بالطيور
والببغاء عندي يتكلم ومعاي زي الفل لا يجعر بس يعض اذا عصب على يعني اذا ماحطيت له اكل او رشيته بالماء يحاول يعض من خلف الشِباك
الان اكتشفت طريقه مفيده وهي اني اغطيه بغطاء واذا بغيت اطلع اشيله عنه والحمد لله في تقدم
اما عن الكوكاتو فهذا مصيبه فعلاً