كل واحد يدش يقولنا قصته

[فطوم]

هــاي جميـــــــــــــعاا
يالله كل واحد يدش يقولنا شنو الحيوانات الي يملكها وشنو موقف طريف او غريب صارله مع حيواناته

انا ببدىى عندي من الحيوانات
كــاسكو
قطو
سمك
هامسترات

اما الموقف الغريب الي صارلي فانه شوشو هامسترتي لمه حملت حطيتها بحوض بلاست حجمه كبير وحطيتها بغرفتي يم السرير وذاك اليوم وانا نايمه اسمع صوت طاخ طاخ طاخ فتسغربت وقلت ياترى شنو!! ولا شوشو منحاشه من((( الحوض الله اعلم شلون نحاشت مع العلم انه باب الحوض فوق في غطاء الحوض ولازم ارجعه للخلف بعدين اسحبه لي فوق عشان افتحه واختي اللي عمرها 7 سنوات ماتعرف تفتحه!!)) المهم منحاشه وشاقه البطانيه مالتي ومطلعه منها قطن ورايحه يم الحوض تحاول ترفع راسه والراس يرد يطيح وترفعه ويرد يطيح وكانت بايقه القطن تبي تحطه بالعش مالها!! وانا وايد ستغربت ولي يومكم موعارفه شلون تسلقت وطلعت؟؟

[FAWAZ]

ايه فعلا موقف غريب يافطوم وطريف في نفس الوقت ...

أشكر لك فكرتك الجميله ... ما أعتقد في أحد قد ربى حيوان الا وصار له مواقف غريبه أو سعيده وقد تكون محزنة أيضا في بعض الأحيان ...



أنا دايم استغرب من مشاعر الحيوانات ...
الببغاء حقي (مكاو) , لما تكون جنحانه قصيره ويطب في مكان ولا يعرف يرجع لمكانه يحس انه كنه ضايع .... وأول مايشوفني وشيله عشان ارجعه لمكانه يحط راسه على صدري وكنه يحتمي فيني او يحس اني بنقذه من الورطه الي وضع نفسه فيها .



ومهما ربيت من طيور وحيوانات .. ما أظن راح أشوف مثل الطير الي كان عندي (ببغاء سكارلت مكاو)
هذاك حنون حنون مره مره ... لدرجة ياخذ اللوزه أو قطعة تفاحه ويعطيني اياها , متعود هو كل يوم يتغدى معي وأوكله معي ...




شكرا لكم وأترك مجال للأخوه هنا ....


بالتوفيق ....

[asrar]

موقف حصل مع ببغاء أمازوني إنثى .. دخلت عليها ذكر أماوزني نفس الفصيلة قامت تيبب يعني بالمصري ( تزغرد ) بصوت عالي ..

[Big Boss]

خوش موضوع
مره شريت تقريبا اكثر من 36 طير حسون حاطهم فى قفص كبير ثانى يوم قعد من النوم ليقت الوالد مبطل باب القفص و طايرين كل الطيور يوم سالت الوالد ليش قال دواخونى مزعجين

[لحن الخلود]

مره كانو جاينا زوار وانا كنت داخل البيت ومخلي كلابي مهدوده غير مربوطين
وفجأه سمعنا صوت صراخ حريم فجرينا كلنا بره
ولا الحريم كل وحده متعلقه ابشي إلا الشجره وإلي السور والي فوق السياره
وهم يقولون حسبي يا الله عليكم وأمي تقولي حسبي يا الله عليك
وأنا ماني قادر أوقف من الضحك
والمواقف معاي كثيره وفي مواضيع منزلها بس عن المواقف الي
تصير فيني وهذا الي ذكرته هالحين
ومواقفكم ياشباب مره حلوه


أبطال هذا الموقف هم تيمور + مبروكه من فصيلة البوكسر + غوشا من فصيلة جيرمان شيفرد

[فطوم]

لووووووووووووول والله الحيوانات دمهم خفييف ونستونا واييد بمواقفكم بس يريت كل واحد يذكر الحيونات الي عنده واللي له موقف مع كلب يذكر نوع الكلب كيفي موضووعي وبتشرط

[نجمة السعودية]

قطوي هاكل مرة دخلت عليها في غرفتي

وتخيلو لقيتة زاق على المقعد حق الحمام

<<<<< دوووووك القصة سخيفة صح بس ما اذكر الا هي كخ كخ كخ :D

ومشكورة على الموضوع :)

[قهوه مره]

لو علي انا راح انسى كم حيوان عاش معي
بس الي راح اذكرهم
عموشه-شلاش(عصافير حب)
(شلاش) مات مريض مات قدام عيني
كان زي الي دايخ بعدين قام يحرك جنحانه و بعدها فقد توازنه وانقلب اب سايد داونو فجئه فلتت رجل من على العصايه وقام يحرك جنحانه و فلتت الرجل الثانيه و طاح راح يحرك جنحانه يحركهم و فجاه توقف
انتهى المشهد
وكل هذا صار باقل من دقيقه قدام عيني و انا مو عارفه ايش اسوي.

(عموشه) ماتت مقتوله على منقار الببغاء الرمادي الافريقي(فراري)
الاحداث هي: كانت عموشه تطير في البيت كالعاده ما اخاف عليها لان (فلفوله) ما تسوي لها شي
و وقفت على صحن المويه حق (فراري) فراري زعلو ضربها على راسها بمنقاره طاحت في الارض و شلتها صارت حاطه راسها على يدي بعد دقايق فتحت جنحانها و قفلتهم
و انتهى المشهد.

عزوف-ادوكن-كحليه(سلاحف)
عزوف(سلحفاة بريه):قعدت عندي سنتين بعدين مع الدراسه اهملتها كثير و هي ما تاكل غير من يدي ولا تجوع نفسها
و فجئه جاتني الشغاله:سي يور تيرتل ات از داي؟
انا: وش دايه مع وجهك جبيها
الشغاله :اوكي دونت شاوت اوف مي بت اي دونت نو وت هبن تو ذا ايز
وحذفتها علي
انا :شيليها بسرعه ما ابي اشوفها وخريها عني و طلعي براااااااااااااااااااااااااا
و اندعست في فراشي مصطومه من المنظر (مكان عيونها ناشف و مغمضه و داخله جفونها على داخل و ذيلها داخل جسمها و كلللللللللللللل شي فيها ناااااااااااشف كان الاعضاء الي داخلها مو موجوده و جلدها انشد على داخل).

ادوكن(سلحفاة برمائيه) جاتني هديه من 4 سنوات الله يخليها لي.
كحليه(سلحفاة برمائيه) جاتني هديه من كم اسبوع الله يخليها لي.

فراري(ببغان رمادي افريقي) مزززززززززززعج يخاف من اييييييييييي احد يلبس ثوب يكره ابوي و يحبني انا و امي و اخواتي و اكثر شخص يحبه في البيت امي
مع انشغالي بالدراسه و بعد موت عموشه و عزوف بعته.

فلافي(قطوه )
قوطتي فلفوله كللللللللللللللللل شي معاها يونسني حتى لو كانت مزعجتني و تسوي بلاويها في المجالس الضيوف خخخخخخخخخ>>>>>>>>>>> احـــــــــــــــلى هم

[Dan]

قصصكم بصراحه فيها كثير من الضحك

بس ختمتها قهوه مره بمشاهد محزنه :|

اما بالنسبه لي مااتذكر وش صار لي موقف اممممم اذا تذكرت ذكرته بس حبيت اشارككم

[فطوم]

لووووووووووووووووووووووووووووووووووووووووووووووووووووووووووووووووووووووووووووووووول قهوووووووووووووه فلفي عبالها بيت ابوها الهبله

[فطوم]

تذكرت شي ثاني غريب صارلي مره كنت بمحل حيوانات عندنا بالكويت (محل الاخ Yellownape( وللامانه محل من اروع المحلات
المهم وشفت جلب Akita وستغربت اول مره اشوفه بالكويت وقلت حق الهندي يطلعه طبعا باقي الكلاب محبوسه! جان تغار وتنبح وتحاول تطلع اهي والقطط هذا ليلحين شي عادي بس الشي الغريب انه كان في اقوانا كبييييييييييييييييييره واهي قامت ووقفت على ريلين!!!!!!!!!!!! وتهز القفص تحاول تطلع اول مره ادري انه الزواحف تغار

[العابر]

انا اكثر مواقفي صارت مع حيواناتي القبلية
وبقولكم اكثر شيء حزني في موقف وهو كان عندي قطو صغير بلذي لونه عجيب بني وابيض ودب وعمره حوالي شهرين ويوم من الايام وانا كنت رايح المدرسة طلعت اشوف القطو ماحصلته رحت اشوف في الشارع ولا اشوفه ميت:( والله اني دمعت












اما الحيوانات الي عندي الحين
ارانب
دجاج
حمام
فري












والموقف الغريب انه يوم الارانب مالاتي ربو للمره الاولى يوم اكتشفت كان شيء غريب انا مادريت انهم مربين
الى يوم شفت ارانب صغير مأكول نصه من قبل القطط الملاعين اهىء اهىء
وشكرا