عمر شهرين .. كبير والا صغير ؟

[طير الهوى]

،،


السلام عليكم ورحمة الله وبركاته


هلا والله وغلا بالجميع


واحد من اخوياي شرى طيور كوكتيل ( كروان ) .. وماشاء الله انتجت عنده .. قبل يومين كملت فروخه اسبوعها الثامن .. يعني صار عمرها شهرين ..


وعطاني جوز منها .. يوم عطاني اياها .. طبعا حطيتها بقفص كبير .. من يوم اقرب تطير خايفه وتضرب بكل جهه بالقفص ..

اما اليوم الحمدلله مع التدريب .. كل مادخلتهم جوا القفص قاموا يصفرون يبون اطلعهم .. ;)

وبيوم واحد تعلموا الذوق والأدب :D


سؤالي .. هل عمر شهرين عمر مناسب للتدريب على بعض الامور التي قد لا يجيدها الكبير .. ؟؟

مثلا الكوكتيل ( الكروان ) ما يتعلم الرقص أو الكلام .. أو حتى يتعلم اسمه .. !! اذا كان بعمر كبير

لكن بهالعمر .. عمر شهرين .. هل يعتبر ان القطار راح عليه على قولتهم ؟؟ !!

أو ان عمر شهرين .. يعتبر صغير وممكن تدريبه بأشياء ممكن اذا تأخرت فيها تروح عليه للأبد ؟؟


لأن عندي واحد منهم ماشاء الله عليه .. باين عليه ذكي .. صراحه عذبني بالتوليف اليوم .. لكن يوم تعلم وشلون يجي على يدي .. صار ازعاج .. ما يبي احطه بالقفص .. واذا حطيته على القفص من برا يصيح .. ولا يسكت الا اذا حطيته على ايدي ..و اذا حطيته على يدي .. كل ما صفرت يصفر معي .. و لاحظت بعد فتره اني اذا قربته لوجهي واقول اسمه اللي قاعد ادربه عليه .. يفتح فمه وينفخ قصبته الهوائيه ( مثل الافريقي اذا كان وده يتكلم )

هل معناته انه فيه امل يتكلم او يصفر بطريقه حلوه ؟؟ لأن الثاني ما يسوي معي كذا .. علطول تولف ولا يقول شي ( متسامح ودلخ ) ..

هاه وش رايكم ؟؟

صاروا سؤالين ..

1/ هل عمر شهرين للكوكتيل .. يعتبر صغير أو كبير من ناحية التدريب والتوليف ؟

2/ عندي واحد من الطيور باين عليه الذكاء من حركاته وحذره وطريقة تعامله معي .. وانا اشوفه يحاول يتكلم بشي بس ما يطلع معه !! هل معقول ان الكوكتيل يتكلم او ينطق بكم حرف ؟


شاكر لكم ومقدر ،،

[Capt.HuSsEiN]

و عليكم السلام و رحمة الله و بركاته

أهلا اخوي طير الهوى و حياك الله بالمنتدى الرائع 2zoo
و ان شاء تفيد و تستفيد :)

بالنسبه للسؤال الاول:
عمر شهرين مناسب للتدريب و التوليف و القطار ما راح عليه

و السؤال الثاني:
الكوكاتيل قد يستطيع نطق بعض الكلمات السهله لكن بصعوبه و صوته مو واضح
اما التصفير فإذا سمعته نغمه معينه بشكل مستمر و متكرر سيتقن تقليدها
لكن مو بهالعمر مبجر عليه لكن ابدأ بتدريبه عالتصفير و جم كلمه بسيطه من الحين
و لما تدربه على الكلام
حاول تكون الكلمه بسيطه و لا تنتقل لكلمه ثانيه حتى يتعلمها عدل
و لو ترجع للمواضيع المهمه عن الكوكاتيل راح تستفيد اكثر

و عسى الله يبارك لك بطيورك
و شكراً

[طير الهوى]

،،

هلا والله كابتن حسين ..

تسلم يابعدي على احلى طله

ومشكوووور على اجوبتك الحلوووه


انا اشوف يوم اكلمه او اصفر له .. ينتبه معي .. ومن يوم اصوت له علطول يناظرني .. انا فكرتي انه ابيه يكون مستمع من يوم انه صغير علشان يتعود ويحس ان هذي لغته

وراح يتعلم عليها ..



تسسسسسسلم على مرورك يالغالي ..


،،

[Capt.HuSsEiN]

ما سوينا الا الواجب اخوي
ملاحظه: اذا تبيه يتكلم الاحسن و الاسهل انه ما يكون معاه طير ثاني
يعني طير واحد بروحه تدربه عالكلام
و شكراً

[طير الهوى]

،،


هلا والله بالكابتن ..


وانا مطبق كلامك بالضبط .. حاط كل واحد في ستاند .. وكل واحد في غرفه ..


واحد حاطه عند اختي توسع صدرها عليه ..


وواحد عندي بالملحق ..


تسسسلم يابعدي ،،


،،

[اميرة البحار]

السؤال الاول=

عمر 2شهر مناسب للتديب على الكلام
السؤال الثاني=

الكوكاتيل يستطيع ان ينطق كلمه واحده

[الكروان الاسود]

اليحفضو لك انشاء الله ويصير يتكلم .