بس خلاص :,,,,(... تعالو عزوني

[kuwaitia]

السلام عليكم

امس وانا اراده من الدوام ما اشوف الا اختي الصغيره دقت علي ( هذي نفسها ما غيرها ام السوالف).. ولا تقولي عيال بيكي ماتو:eek:

وانا اصارخ بالسياره شلووووون؟.. كنت هادتهم الصبح يوصوصون

صج رديت ولا مسدحين وعليه وكلهم ميتين... بس كان في واحد وبيكي الساحره مو ملقيته ويه حتى اختي شالته وحطتها صوبه ولا اكو فايده ليما مات:(

انا اتوقع من الجفاف( ماكو حليب كفايه ) وما اتوقع شي ثاني لان الغرفه دافيه وظلمه ... وهي الهانم اصلا هادتهم وبس تتمشى واحنا نشيلها نوديها عندهم... وبعد ما كلمت الدكتورة بالدهماء تاكدت من هالشي واهي اكدتلي اياه..

صرااااحه صج صج صج صج صج ضاق خلقي عليهم:(

بس يالله امر الله والحمدالله على كل حال

[GaRfIeLd]

الله يحرمهم ويعوضك باحسن منهم

[SleepyMiracle]

افــــاااااا ... الله يرحمهم ويعوضج

المفروض انك لما شفتيها مو مهتمة فيهم كان عطيتيهم حليب صناعي لأن القطط الصغيرة اذا ما يرضعون من امهم اكيد بيموتون .. يالله ان شاءالله تتعوض و ان شاءالله المرة الجايه تكون بيكي اخذت خبرة وانتي بعد تكون خبرتج صارت احسن ..

حزنتيني والله :(

[-= pink =-]

ويييه بعد عمـري

ميخالف الله يعوضج غيرهم :(

وما شاء الله بيكـي كبرت بسرعه خبري فيها من اول ما شريتيها

[][أسير القلوب][]

الــــــــــــــــلــــــــــــــــه يرحمهم انشاء الله

وان شاء الله اول حادث وآخر حادث

الصراحة الذنب مو ذنبك بس يالله

[QUTY]

لا حول ولاقوة الا بالله والله حزنت من قلبي كان ودي شوف صورهم :( الله يعوضك خير منهم انشالله

[آنـــــو]

يااااااااالله شلون :(

أكيد مارضعتهم .. الله يعوضك يارب

[أسومي]

قهر والله

لكن قولي قدر الله وماشاء فعل

والله يعوضك أهم شي لا تطيح من عينك بيكي

تحياتي يالغاليه

[sisi_moon]

حيــــــــاتي والله >_<

مجربه موقفج يوم مات سيمبا ولد قطوتي < فديته للحين والله يجي على باالي

تيب كان من البدايه تراقبينها تشوفين العيال رضعوا ولا لا

لان اذا ماكاان فيها حليب بيصير بطنهم مو منتفخ بعكس لما يرضعون ويشبعون ينتفخ ويتكور

يلا مو مشكله

المره الثانيه ان شاءالله مراح يموت احد

وحطي بالج عليهم خلي عندج فيتامين مدر للحليب وحليب صناعي

عشان لو مارضعوا ترضعينهم انتي

[dr_mido]

ياحرام والله يكسرو الخاطر يلا مافي شئ دايم غير وجهه الكريم
ربي يعوضك باحسن منهم

[اوكسنارد]

أنا أقول لاتزعلين

وعسى أن تكرهوا شيئا وهو خير لكم


وأنا أقول يمكن خيره



وألله يعوضش خيراً منها























وشكراً

[اوكسنارد]

أنا أقول لاتزعلين

وعسى أن تكرهوا شيئا وهو خير لكم


وأنا أقول يمكن خيره



وألله يعوضش خيراً منها























وشكراً

[kuwaitia]

مشكوووورين على مواساتكم ما قصرتو

واكيد تعلمت من هالتجربة والمره اليايه مابهدها اكيد :)

شكرا لكم

[قطو_Q8te]

الله يعوضج بغيرهم
بس نصيحه
مره ثانيه لما تولدهم
حطوهم بمكان دافي
وفي مميّه ( مرضعه) بمركز سلطان + حليب للكتن سووه ومسكوهم مثل الاطفال وشربوهم
وعطيهم نقطتين ماي
و3 مرات بليوم فركي بطنهم بطريقه دائره عشان تحركين الدوره الدمويه فيهم

[لولي الحلوه]

الله يعوضك ويصبرك
تصدقي قطوتك غريبه انها تاركه صغارها
انا الي عندي سيامي ماتفارهم وطول الوقت ماشالله ترضع وتلحس فيهم
وكل ماقربنا من صغارها جات تماوي بخوف عليهم وهذي المره الخامسه تغير محلهم تعبت معاها من دولاب الى درج
يالله الله يعوضك بااحسن منهم

[artemis]

الله يعوضك باحسن منهم

[دلوعةتوتو]

الله يعوووضج انشاءالله