طيري ضعيف

[بروكسي]

السلام عليكم

اخواني عندي كاسكو رمادي عمره 3 شهور تقريباً وضعيف شوي تحت منطقة الصدر احس في فراغ شوي

حاولت اعطيه تفاح مايآكل وكذلك طمام مايآكل حتى الحب الشمسي يآكل شوي مو واجد

رحت ادور له آكل نفس السيرلاك شكله بودره واعطيه منه يستانس عليه لكن ماحصلت عندنا بالكويت والوكيل يقول بعد سبوع او 10 ايام يوصل والي عندي جبته من المحل الي شريت منه الكاسكو عطاني كمية تكفي يومين

الحين ياليت احد يقولي شنو الاكل الي اعطيه له بالفتره هذي لحد مايجيب الوكيل الاكل الخاص فيه علماً اني حاطله حب شمسي مخلوط لكن قليل يآكل والطير ضعيف

[Rok3]

السلام عليكم

أعطيه بيض مسلوق..حبتين في الأسبوع..

[Rok3]

السلام عليكم

أعطيه بيض مسلوق..حبتين في الأسبوع..

[بروكسي]

اعطيه صفار البيض او بيضه كاملة؟

[Rok3]

البيضة كاملة قطعها وحطها مكان الفصفص

[Rok3]

البيضة كاملة قطعها وحطها مكان الفصفص

[بروكسي]

جزاك الله خير اخوي

[Rok3]

آمين..

ورد لي خبر..إذا أكلها الببغاء..

لأن بعض الببغوات..لا تتقبله..:(

^_^

[بروكسي]

والله اخوي يآخذ قطع صغيره ويحطها بحلقه ويرميها مايآكلها عدل

هل في طريقة اخليه يآكل غصب؟ ، لأنه صغير العمر واخاف اجوعه ويموت

[غوغو]

مؤقتا خله ياكل سيريلاك اطفال

[Rok3]

طيب..أعطيه جبنة غير مملحة..ففتتها وأعطيها له..

أو زي ماقال غوغو أكله سيرلاك إذا كان فرخ...

[Rok3]

طيب..أعطيه جبنة غير مملحة..ففتتها وأعطيها له..

أو زي ماقال غوغو أكله سيرلاك إذا كان فرخ...

[بروكسي]

هو عمره تقريبا 3 شهور و 3 اسابيع

السيرلاك اعطيه له شلون ؟ اوكله بايدي او احطله بالابره؟

علما اني اعطيه بالابره العادية الصغيره نفس مالت الطبيب واعبيها 3 مرات واعطيه ويآكل الاكل الي فيها لكن للحين المنطقة الي تحت صدره ضعيفه

لكن حركته ونشاطه ماشاء الله عليه عاديه ماتحس انه ضعيف

[عازف الكيبورد]

السلام عليكم

أخوى أسلقله ذره واعطه فهى تسمن الطير وأنشاء الله راح يقبل عليها

وحاول ان تثابر حتى ياكلها لو ما أكل من اول مره كرر المحاوله حتى يتقبلها

كذلك هناك خلطة الحبوب المنقوعه مكونه من ذره وقرطم وماش وعدس وفصولياء وغيره

تنقع بلماء لدة خمس الا ثمان ساعات حتى تلين ثم تقدم


وهناك خلطه للحبوب مشكله خلطة الحمام الزاجل تجدها بمحلات الطيور ممكن تستخدمها

تنقعها بلماء ثم تقدمها طيرك الان بمرحلة الاكل فقد كبر على التغذيه اليدويه

ولكن الطير يكون صعب حتى بتعود على الاكل ويحتاج لمثابره وصبر

خلال أسبوعين سوف تجده يأكل كل شيء