راحت قطوتي خلاص

[دلوعةتوتو]

السلام عليكم
اليوم وبكل اسف

انقل لكم خبر اني بعت قطووتي

لانها صراحه صج انها تينن وحبوبه

بس عاداتها عادات نموور صراحه مو قطووة

كله تبي تعضني
وماتخليني انام

وتهجم علي
عبالها فريستها

وحتا عاداتها وحركاتها عمري ماشفت قطووة جذي تسووي

يعني كله مسويه روحها صيااده
وطريقه لعبها حتا من اتيووود اللعبه تتنتقل فيها وشايلتها ففمها والي لفت نظري

اول امس وانا راده من الجامعه قطوة شاارع
ذابحه لها عصفووور وشايلته فحلجها وتتمشا فيه



والي باط جبدي
فسالفه انها ماتخاف كلش من شي
كل الحركات المكتوووبه فالمنتدا عشان نمنع القطوة من الشي الغلط

مافاد وياها


كلمه لا
رشاش مااي
اصارخ عليها

احقرها

اقطها سريرها

مافي فاايده



عمري ماشفت قطوة جذي

حدي مقهورة عليها
وللاسف راعي القطوة

احسه غشني

خصوصا اني قلت لزوجته وسالتها ماتعض قالت لا


وحدها اليفه
وقالو لي بيوور وبعدين مرته زل لسانها وقالت عن امها هولنديه وابوها شيرازي

وماقالوا السبب الرئيسي ليش يبون يفتكون منها

شريتها 70دينار
واخر شي من كثر ما ابي اشيلها من ذمتي بعتها ب 30دينار

بموت قهر وتعقدت من القطاوة خير شر

[sisi_moon]

اففف خسرتي في البيعه والله

بس خيتوو كانك استعجلتي

ماعليه القطاوه كذا في البدايه بعضهم

بعدين يتوالفوون عليك

انا من نظري اشوفك تسرعتي مو مشكله كان صبرتي عليها فتررره بعد


بس يالله خيرها بغيرها

ولا تتعقدين وولا شي

انا عيال طلعوا لي التعب من العيووني في فتره كانت معي انفلوانزا

بس ماتعقدت بالعكس الحين لما شوف تعبي جاب فايده ماتتصورين فرحتي كيف فيهم

وانتي مره ثانيه قبل لا تشترين قطو او قطوة اول شي عاينيه على الطبيعه شوفي لعبه حركاته اليف ولا لا

وبعدين اشتري

موفقــه

[دلوعةتوتو]

والله مادري

المشكله الدكتوور خرعني منها خصوصا انا شفت من قبل قطااوة يتطعمون فحلجهم مايسوون جذي ماينقلبون نموور

صحت صيااح عليها حبيتها وااايد
ويوالله مكانها خالي وكله اتخيلها

المشكله راعي القطووة سووها ملااك عشان تمشي البيعه

ووقبل لااشيلها اول مرة
تعض قالوا لا
وحدها اليفه



القهر ياريتها تلحس بس تعض باسنانها تبي ادخل اسنانها كلها فالجلد

وماتخاف من شي
والله اذا انا نايمه ابقا قاااعده لين ماتنام
اخاف تهجم علي او شي

[دلوعةتوتو]

والله مادري

المشكله الدكتوور خرعني منها خصوصا انا شفت من قبل قطااوة يتطعمون فحلجهم مايسوون جذي ماينقلبون نموور

صحت صيااح عليها حبيتها وااايد
ويوالله مكانها خالي وكله اتخيلها

المشكله راعي القطووة سووها ملااك عشان تمشي البيعه

ووقبل لااشيلها اول مرة
تعض قالوا لا
وحدها اليفه



القهر ياريتها تلحس بس تعض باسنانها تبي ادخل اسنانها كلها فالجلد

وماتخاف من شي
والله اذا انا نايمه ابقا قاااعده لين ماتنام
اخاف تهجم علي او شي


والله مادري بس لاني شفت قطاوة قبل
عمرهم ماكانوا جذي ماياذوون

[الغزال المنيع]

الصراحه انتي مب شاريه قطو شكلج شاريه نمر بالغلط هع...

والله تشبيه بليغ >> وتهجم علي عبالها فريستها << اههههه <<

الله يعوضج بالي احسن منها ... >> انشاالله <<

http://www2.0zz0.com/2008/05/30/19/114764227.gif (http://www.0zz0.com)

[كويتي من العاصمه]

اختي عادي ترا تلعب جذيه

انا عندي جذيه قطوته من صغرها هذا لعبها لما كبرت وتقريبا عمرها 1 وجم شهر بس لعبها مو طبيعي هجوم وافتراس بس صج يعضون بس ترا مايعضون حيل

[آنـــــو]

لا لا زين سوووويتي ياقلبي ولله بقرارك عفيه عليك لأن القطوه متمرده وراح تزيد لما تكبر أكثر كان عندي وحده
مثل أطباعها كبرت وزادت حدتها ماقدرت أسيطر عليها بس أمر من جنبها تعض رجلي :(

يعني لو خليتها عندك مابتقدرين تقصين أظافرها ولا تمشطينها ولا تروشينها ولا تعطينها أدويتها ..

وغلط تكرهين القطاوه لأنهم سبحان الله مثلنا أحنا يالبشر أطباعهم تختلف
مثل مافيه العصبيه المتوحشه فيه الهاديه الوديعه وفيه .. وفيه ...


الله يعوضك بأحسن منها أن شاءالله

[nobody-know-me]

الله يعوضج بالي احسن منها ..

انا واحد من ربعي عنده قطوه صغيروووونه شحلاتها عمرها شهرين ..

لكن حركاتها و تصرفاتها حق - لبوه - عمرها عشر سنين ..

اقسم بالله انها عقدته و طلعت شيب راسه ..

دووووم تعض و صراحه عضتها قوووويه و زي ماقالت اختي تحسينها بتدش بالعضم من قوة العضه ..

اسنانها ماشا الله حااااده و الله و اظافرها بعد ..

ف رايي ..

زين ماسويتي افتكيتي منها ..

بس لا تكرهين القطاوه و بالعكس ييبي وحده يديده بس تاكدي قبل تشترين :)

بالتوفيق ..

[][أسير القلوب][]

الله يعوضك وحدة احسن منها

[أسومي]

الله يعوضك وحده أحسن منها

تسمع الكلام وماتعض

قولي آمين

[دلوعةتوتو]

والله صار لي من امس اصيح عليها

ومكانها خالي

بس القطوة متوحشه حتا علا كلام الدكتوور
لانه من قبل يبت قطووه موجذي وحتا الدكتور قال عنها نجحتي لما شريتيها
بس للاسف بعتها بسبب خطيبي

لكن ذي الي بعتها الدكتوور استغرب منها وقال في احتمال تتوحش فلازم دلعينها
والله قمت ادلعها دلع
واخليها علا راحتها واذا نامت الحفها
واسويها مثل النونو احطها فسريرها واهز سريرها
بس نفس ماقلتوو حتا مشط ماتخليني امشطها

وكنت احاتيها شلون اسبحها

هذي بتذبحني اذا سبحتها


والله العظيم
اكتبب احين وميته من الصيااح

[دلوعةتوتو]

والله ماكره القطااوة

بس ل ماييب قطوة يطلع لي شي
القبليه خطيبي حكم علي الا ابيعها
يقول امراض ومادري شنو

فبعتها عشانه

وهذي توحشت علي

[الغزال المنيع]

برايي جيبي غيرها لعل وعسي يخف الحزن عنج الانه ع حسب كلامج كانت ماليه

عليج المكان فأذا جبتي غيرها بس نوع شيرازي الانه نوع هادي جدا وقليل الحركه فما راح يضرج بذن الله ...

والله يهدي بالج ويسر خاطرج ويعوضج بالي احسن منها تملي عليج المكان ...

[kuwaitia]

واااي كسرتي خاطري

بس ما عليه.. الله يعوضج وان شاء الله تحصلين قطوة احسن منها

[sisi_moon]

فديتج ماعليه لاتبكييين

اشتري غييرها مو كل القطاوهـ مثل بعض

الله يهنيج بقطِـِـِـِـِوة زي ماتتمنين ^,^

[دلوعةتوتو]

صررااحه عرفت ليش ينت علي اخر ررر يوم

توني كنت افكر شفيها انقلبت علي جذي

تذكرت انه وحده من ربعي سالتني وهي تشووفها بجم ماخذتها قلتها 70دينار الا تقولي بووو واايد
كاش
او اقسااط طالعتها سكت عنها وتمت جذي تقوول

حتا حزتها قلت الله يستر

وفنفس الليله سالتني رفيجتي وحده ثانيه ترقد معاج علسرير قلت لها لااا
علمتها ماترقد علسريري حتا من اطلع ماتجرب يمه بس عندها الغرفه كلها حلالها


الا قالت مال ضعفه يومين وجذي


وبس
وينت القطووووة

ولله حالتي حاله وميته قهر
ولااكل ولااشررب

فنصيحه كل من خل يقرا علا قطوووته حتا لو شنو كاانت

بس اللحين قررت اخذ قطوة للتبني عشان اذا طلعت متوحشه او انقلبت متوحشه اردها لراعيها

فشراايكم

فلوسي طاارت كلها علا القطاوة وخسااير ياريت اربح

فنصحووني بليييييييييز ترا حالتي عوويصه واليي يعرف احد بالبحرين عنده قطوة صغيرره دلوعه ومومتوحشه وتسمع الكلام ونظيفه ريشيه بليييز دلوني عليه


ونصحووني شنو موواصفات القطوة الي باخذها لازام

وادعولي اححصل بلييييييييييزز

ترا الي يشووفني يقول هذي بايعه بنتها مو قطوة توها 3ايام عندها

[دلوعةتوتو]

خلاص انا قرررت اتبنا قطه واخلي عليها ضمان اسبوووع


عشان ماتعفسني

وهلمرة
عساها تاكلني بعد بدلعها ومابيعها لو ذبحتني بعد مابيعهها


والله اليوم فشاارع قاعده ادور فسياره اخر شي ماشفت روحي الا عند المحل الي بعته القطوة


ادور عليها شافني مات من الضحك
اقووله وينها يقولي بعتها
لواحد

عاد من الفشله شريت اكل حمام بميه فلس


حق حمام الشارع هههههههههه

والله ياتني الصيحه حبيبه قلبي


فعاد اللحين شووورو علي اذا باخذ قطووة جم عمرها ؟؟
افكر عمرها شهر شهر ونص اخذها
عشان تكوون صغيره وتتربا عدل

[آنـــــو]

لا ياقلبي فكره مغلوطه الصراحه أخذ لي قطوه شهر وشهرين وأربيها عدل وأدربها ومدري شنو
هذا غير الناحيه الصحيه شهر وشهر ونص باقي مافطموا ومناعتهم ضعيفه وحرام ينحرمون من أمهم

أنا لو أبي أشتري قطوه مابفكر الا بعمر 4 شهور وفوق حتى لو عمرها سنه أخذها بس
أكون فحصت أطباعها وشفتها دلع ومؤدبه وحبيتها من أول نظره:o باخذها ماعندي مشكله

أبتعدي عن عمر الشهر والشهرين ولله قلق ووجع راااس

ولاتستعجلين أبد خذذي وقتك فحصي القطوه زين قبل تاخذينها شوفي وراقبي طبعها أول
وشيليها بين يديك ومسحي عليها أذا شفتيها هاديه وتستانس على التمسح
ومرتاحه بوجودك وماهي متوتره توكلي على الله

وبالتوفيق يااارب

[sisi_moon]

لا ياقلبي فكره مغلوطه الصراحه أخذ لي قطوه شهر وشهرين وأربيها عدل وأدربها ومدري شنو
هذا غير الناحيه الصحيه شهر وشهر ونص باقي مافطموا ومناعتهم ضعيفه وحرام ينحرمون من أمهم

أنا لو أبي أشتري قطوه مابفكر الا بعمر 4 شهور وفوق حتى لو عمرها سنه أخذها بس
أكون فحصت أطباعها وشفتها دلع ومؤدبه وحبيتها من أول نظره:o باخذها ماعندي مشكله

أبتعدي عن عمر الشهر والشهرين ولله قلق ووجع راااس

ولاتستعجلين أبد خذذي وقتك فحصي القطوه زين قبل تاخذينها شوفي وراقبي طبعها أول
وشيليها بين يديك ومسحي عليها أذا شفتيها هاديه وتستانس على التمسح
ومرتاحه بوجودك وماهي متوتره توكلي على الله

وبالتوفيق يااارب


بالضبـــط

ابتعدي عن العمر الصغير

والله بتتعبين وياها من امراااض وتربيه وتعليم حمام وغير وغير

الا اقول آنوو

فكرة مغلوطه هاا :p:p:p هههههها

[دلوعةتوتو]

اخاف من الكباااار

واقول الصغاا عشان ارووضهم

[الوديع]

هذا كله يطلع منها حرام ماأخليها في البيت يوم واحد زين بعتيها لو بخسارة والله لو أنا منك مامحصل شراي بخليها في كارتون وبرميها في أبعد مكان عن البيت علشان الفكه بس والله يعوضك أحسن عنها,,,,,,, تقبلي مروري

[sisi_moon]

اربع شهور مو كبيره مرره

بالعكسس حلوو حجمها يكوون