استفسار عن LoveBirds طيور الحب .. يــوجد صـووره

[M7mD]

السلام عليكم.

قوه شباب شلونكم شخباركم

حبيت اسأل عن طيور الحب جم سعرهم بسوق الحمام للجوز ؟؟

وشنو الانواع الي متوفره بالخليج

وهل في اسعار غاليه لألوان معينه ممكن وضع صورهم


وصور الطيور الي ابيهم هذيل..

http://www3.0zz0.com/2008/06/01/00/965318101.jpg

[mex]

حسب علمي في نوعين الاول الباكستاني وحولين العين حلقة بلون ابيض زي الموجود قدام الشباك في الصورة الي حاططتها وسعره ارخص من الثاني يعني تقريبا الجوز ب200 ريال

النوع الثاني هو الهولندي وهو نفس الي واقفين على الصحن بنفس الصورة وطبعا باين الفرق والجوز بحوالي 300 ريال

وفي نوع ثالث بس اظنه هولندي لكن اختلافه في اللون بس ويجي لونه تركواز ووجهه على اسود

والسعر حسب مكان البيع لانه لو بمحل كبير تلقاهم بضعف السعر


.

[M7mD]

يعطيك العافيه اخوي ميكس ..

ايهم احسن الباكستاني او الهولندي ؟؟
انا عندي الي بالصحن احلى :)

[mex]

الافضل هو الهولندي حتى الوانه اكثر واجمل وعلى فكرة قبل شويه دورت في النت ولقيت انه في انواع اغلى بكثير واعتقد السبب في اللون لكن بصراحة ماسبق لاحظت في السوق انه في فروق في السعر حسب اللون لانه الغالب الموجود هنا تدرجات الاخضر والاصفر واللون التركواز .

[M7mD]

عدل عزيزي وانا استغربت ان في بعض الالوان اسعارها ناااااااااار غاليه :)

وشكرا لمرورك الطيب والصراحه اسعدتني وافدتني كثير :)

[Mr.Khaled]

اللي قدام الشباك فيشر


اللي على الصحن روز


لا يجب ان تتزاوج الروز مع الفيشر لأنها تنتج فروخ عقيمة ( بغال )




اعتقد الأفضل الروز - رأي شخصي - .

[M7mD]

اوكى شكرا لك


وشلون افرق بين الروز والفيشر هالشي معقدني :S

[the bird king]

الفرق بين الروز والفيشر هو يكون حجم الروز اكبر من حجم الفيشر

وشكرا