أصحاب الخبرة ... أحد أنواع الكوكاتو !!

[أحمدووو]

بسم الله الرحمن الرحيم

السلام عليكم أعزائي

هذي أول مشاركة لي بهالمنتدى المتميز

الصراحة وايد استفدت منه ... و أتمنى الإخوان يفيدوني بتجاربهم و نصايحهم و خبرتهم


قبل أكثر من أسبوع شريت نوع من أنواع الكوكاتو ...

لكن الصراحة مادري شنو اسم هالنوع بالضبط

شفت صورته بمشاركة الأخ العزيز ( محمد الرياض )

بهذي المشاركة http://www.2zoo.com/vb/showthread.php?t=34898

و اسم الطائر بالمشاركة

11
الاسم الشائع
Goffin's Cockatoo
Tanimbar Cockatoo
الاسم العلمي
Cacatua goffiniana
Cacatua goffini
الطول
30 - 32 سم تقريبًا
الوزن
300 غرام تقريبًا


فودي الإخوان أصحاب الخبرة يفيدوني عن هذا الطائر

شنو قابليته للتعلم و التدريب و الكلام

و شلون أبدي وياه

و بعض المعلومات عنه
بالنسبة لطائري أهوا مرات يخربط و يقول بعض الأصوات الغريبة تشبه كلمة (كاسكو) أو (كوكو)

لكن ودي أدربه يوقف عالإيد و ياكل مني و يتكلم


فأتمنى خبرة الإخوان

مع جزيل الشكر و التمني بالتوفيق

[oil_HKS_lio]

انشالله الشباب يفيدونك والله الصراحه انا ودي واحد اشتريه وجاي اسئلك من وين شريته وبكم وكم عمره مشالله عليه والله يحفضه لك انشالله

[أحمدووو]

شاريه من سوق الحمام قبل 10 أيام تقريبا يوم الجمعة (الكويت)

و سعره 80 دينار تقريبا

راح أصوره اليوم ان شاء الله و أحط لكم صوره


موفقين

[عازف الكيبورد]

السلام عليكم

الله يبارك لك فيه بنسبه لتدريب

تدريب الكوكاتو لا يختلف عن تدريب الكاسيكو تقدر تطلع على المواضيع المثبته لتدريب الكاسيكو

وطبقها على الطير الى عندك

وبتوفيق

[أحمدووو]

أستاذي الفاضل عازف الكيبورد

أقصد بالنسبة لهذا النوع المحدد من الكوكاتو

و بالنسبة لقابليته للتدريب و التعلم و التكلم

و ان شاء الله بالتوفيق

[عازف الكيبورد]

أخوى بنسبه للكوكاتو فهى قابله لتدريب بجميع انواعها

لكن قابليتها للكلام ضعيفه وأذا نطقت تنطق بضع كلمات فقط

وقليل من الكوكاتو المبدعين يتحدث بطلاقه

لكن الكوكاتو ماهر برقص والالعاب والخدع

[أحمدووو]

يعني الكاسكو الرمادي أفضل من ناحية الكلام

؟

[عازف الكيبورد]

أفضل منه بمليون مره

[أحمدووو]

طبعا الطير حاليا يخاف مني و كل ما أقرب منه يروح الصوب الثاني من القفص

لكن لاحظت أنه لمن عيالي يقربون يمه ما يخاف

و اتصدقون عطيت ولدي جزر ، و قلت له عطها فيروز ( الطير اسمه فيروز )

جان الطير ياكل من إيد ولدي على طول

و حاولت آنا بس يخاف مني بس أقرب إيدي

شلون أخليه يألفني و ياكل من إيدي ؟؟؟


موفقين

[N A S E R]

اخوي مع تدريب الطير وشوي شوي راح يتعود عليك ولاكن المهم يكون عندك رغبه واصرار على تدريبه والمحافظه عليه والله يوفقك :)