قطوتي شكلها متعسره [الأرشيف]

مشاهدة النسخة كاملة : قطوتي شكلها متعسره

آنـــــو

12-06-2008, 02:54 AM

السلام عليكم
بدون مقدمات :(

قطوتي من الصباح وهي تبي تولد طلعت معها كل أعراض الولاده مواء بألم وتلحقني
ودم شي بسيط وتلحس نفسها كثيررررررر

بس للحين ماولدت :( بصيييييييييح

هل يعتبر هذا تعسر ولاده؟؟لازم طلق صناعي؟؟ هي أول ولاده لها وتحسست أولادها الحمدلله يتحركون بس مو راضيين يطلعون :(

سؤال لسكان الشرقيه وين عياده أو مكان مضمون أقدر أولد قطوتي فيه
وأحطها عندهم وأنا مرتاحه؟؟

سبحان الله كل اللي كنت ماأبيه وخايفه منه صار

كنت خايفه أنها تتعسر وشكله صار وكنت ماأبيها تولد نهاية الأسبوع وصااااار

هي الحين باقي تصيح وتلحس نفسها وتنقط شوية دم مو مرررتاحه الا واحد معاها
بس تمشي وتاكل وتتحرك طبيعي..ياعمري عمرها :(

sisi_moon

12-06-2008, 03:22 AM

يووووما فدييييتهاا >_<

بس لو ان متعسره بالولاده كان ماصار لها خلق تاكل كان تشوفينها طول الوقت تطلق

بس على كلامك تاكل طبيعييي .. الأكل شككني بالموضووع ولا كان قلت لك على طووول انها متعسسره

يااارربي

الله يستر عليها ان شاءالله بس انتي حاولي تدبريين لك اي بيطري عندهم على الاقل ابره تسهل الطلق او طق صناعي عشان لو زااادت عليها الاعراض وماقدرت تولد

آنـــــو

12-06-2008, 03:35 AM

ولله مو عارفه وش قصتها ياسي سي

من 3ساعات جاها زي الطلق بزياده وصارت تصيح بصوت عالي وزي اللي معصبه ومو مرتاحه تجلس
توقعتها بتولد بس ماولدت

هي الحين باقي تماوي وتلحقني مسكينه شكلها تتألم بجد:(

الله يستر :(

sisi_moon

12-06-2008, 03:39 AM

ياعممري والله

من جد قلبي عليها

شكلها بدت تتعسر اكثر

دقي على اي بيطري شوفي عندهم الابره ولا لا

طمنيني عليها على طووووول

الله يسلها عليها يااارب

آنـــــو

12-06-2008, 03:50 AM

بوديها الصباح لأي عياده أن شاءالله والله يسهلها

دعواتك حبيبتي

sisi_moon

12-06-2008, 04:19 AM

ان شاءالله على خيــر

بس انتبهي لاتتاخرين عليها >_<

الله يسهل عليها ياااااااارب

طمنيناا

ثويمر

12-06-2008, 04:22 AM

انشالله طبيعي اذا كان اول ولاده تبدا زي كذا تصيح كثير وتماوي وكأن شي غير طبيعي بس استني عليها وراح تولد انشالله بسهوله بس حاول انها ماتتحرك كثير وتكون بمكان محدود ومكانها يكون متجهز ...
كلو عشانها اول مره ومش عارفه اش اللي قاعد يصير ,,,
وطمنيننا عليها
بالتوفيق ومبروك مقدمآ

آنـــــو

12-06-2008, 04:50 AM

سي سي آمين الله يسمع منك ..

ثويمر دخلنا على اليوم الثاني من أمس الصباح ماتوقع شي طبيعي:confused: ..
أنا جهزت لها كل شي وأدخلها القفص بس مب راضيه تصييح ياأكون أنا عندها وترتاح ولا المقروده
قطوة أختي سبحان الله كأنهم يحسون فـ بعض جالسين بجنب بعض وكل وحده تلحس الثانيه

الحين هي أكلت ونامت نقوول خيرررر أن شاءالله

ثويمر

12-06-2008, 04:55 AM

خير انشالله
طمنينا عليها
عموما حاولي يجي الدكتور عندها بدل البهذله والشيل والحط
اخاف تولد من كثر التشيل والحركه الكثيره عليكم في الطريق...
والله يكون في عونك

آنـــــو

12-06-2008, 05:21 AM

ولله أذا صدق أنها بتولد من الشيل والحط أروح الحين أقلب فيها :(
مشكوورين ماقصرتوا

ثويمر

12-06-2008, 05:36 AM

هههههههه
من جججججججججججد عطيها كم قلبه خليها تولدهم دفعه وحده :-)
لا شكر عل واجب الله يعطيك العافيه

sisi_moon

12-06-2008, 08:15 AM

هاا آنوو

شصااار .؟؟

ان شاءالله ولدت ؟؟

ثويمر

12-06-2008, 07:58 PM

ها بشري
انشالله ولدت ؟؟؟؟

آنـــــو

13-06-2008, 02:33 AM

لاولله باقي ماولدت..قالي البيطري أذا ماولدت الى اليوم اللي هو الجمعه أكلمه

شكلها مب ناويه...

sisi_moon

13-06-2008, 02:46 AM

لحـــوول >_<

الله يعين

ثويمر

13-06-2008, 02:54 AM

الله يكون في عونك
يالله على خير انشالله

آنـــــو

13-06-2008, 03:12 AM

أييييه الله يعين

هي حركتها الحين مررره طبيعيه ولا جاها أبداً المخاض وتااااكل بشراهه بسم الله عليها
وتلعب بعد الخبله..اللهم معها الدم بسسس
بس فديتها صايره ودوووده حيييل وماخلت أحد بالبيت الا لحسته مو من عوايدها
الا ثقالة الدم :p

nightdrive9

13-06-2008, 12:51 PM

وش صار ....... ولدت ولا لسَه ؟؟؟

شكلها اذا ما ولدت راح تحتاج ابرة الطلق ........

واذا ولدت ان شاء الله جابت حلوين !! ..........

آنـــــو

13-06-2008, 02:05 PM

لاولله باقي..اليوم أحسها تعبانه وتحس بآلام كذا مره حاولت تدفع بس مو كثير

كاسره خاطري:( .. مشكور على أهتمامك

طروقو

13-06-2008, 03:37 PM

والله كاسره خاطري الله يعينها وتجيب احلى الحلوين واذا ولدت قولي لنا

الفايلسوف

13-06-2008, 03:50 PM

الله يسهل أن شاء الله يأنو أتابع الموضوع من زمان بس ما أقدر أجاوبك ما عندي خبرة بالولادة :( بس الأخوان يفيدونك وأنا قطوتي بعد 55 يوم تولد أن شاء الله بس أنت جهزيلها غرفة هاديه ومعتدلة الجو وحطي الأكل والحمام (الله يكرمك) ولا تخلينها تطلع برا وأنت أدخل كل بين فتره وفتره وأنا بالرياض ولا كان عطيتك محلات عناية :( بس مثل ما قلتلك وأنت سوي ألي عليك والباقي على الله ولا تنسينا بشرينا وش صار ...

الصامــت

13-06-2008, 04:11 PM

تعرف شو تسوي لها ؟

حاول تمسح عليها أول شيئ ..

و حاول تلاعبها تخليها تركض بأي طريقه كانت ..

لانه هذا يساعد =)

آنـــــو

13-06-2008, 06:40 PM

يااناااااااااااااااااس أنقررررررررررررفت

الله لايوريكم اللي شفته :(

اليوم الظهر خذيت قطوتي لغرفتي وفرشت لها منشفه تحت السرير لأنها رافضه الكرتونه والقفص
ونمت وبعد ساعه صحيت وناظرت تحت شفت المنشفه متبلله وفزززيت وهي طلعت من تحت تلحقني
ناظرت يمين يسار مافي شي التفت عليها لقيت واحد متعلق بذيلها شلتها طوااالي ودخلتها القفص

وحركت البيبي مايتحرك قلت بس مات من البرد ولمت نفسي ،، شوي أدقق فيه الا طلع مو مكتمل النمو!!!

وولدت الثاني وطلع مثله ميت ومو مكتمل رجولهم ماكتملت وصغااااار ومافيهم شعر
والثالث طلع داخل بالمشيمه قرررررف

والرابع طلع حي ويتحرك بس صغيرررر ومسفووووط كأنه سحليه جلد على عظم بس حركته طبيعيه
وللحين مو عارف يرضع

والخامس طلع برضو داخل المشيمه (الله لايعود ذاك المنظر)

والسادس تو من قبل شوي طلع وفمه مفتوح مكتمل الا شوي رجوله قصااار مافي ساق
والحين ينازع أن شاءالله يموت ويرتاح :(

كلهم ميتين ماعادا واحد ويارررب يعيش

القطوه تعبانه الحين وباقي تلهث نقول أن شاءالله مابقى شي مافيني أتحمل هالمناظر..

والله كاسره خاطري الله يعينها وتجيب احلى الحلوين واذا ولدت قولي لنا

أشكرك على تواجدك تسلم

الله يسهل أن شاء الله يأنو أتابع الموضوع من زمان بس ما أقدر أجاوبك ما عندي خبرة بالولادة :( بس الأخوان يفيدونك وأنا قطوتي بعد 55 يوم تولد أن شاء الله بس أنت جهزيلها غرفة هاديه ومعتدلة الجو وحطي الأكل والحمام (الله يكرمك) ولا تخلينها تطلع برا وأنت أدخل كل بين فتره وفتره وأنا بالرياض ولا كان عطيتك محلات عناية :( بس مثل ما قلتلك وأنت سوي ألي عليك والباقي على الله ولا تنسينا بشرينا وش صار ...

أهم شي تواجدك لو بكلمه :)
والله يسهل على قطوتك وتولد بالسلامه وتجيب قطاقيط حلووين
مااقصررت ولله أشكرك

تعرف شو تسوي لها ؟

حاول تمسح عليها أول شيئ ..

و حاول تلاعبها تخليها تركض بأي طريقه كانت ..

لانه هذا يساعد =)

هذا اللي سويته بالضبط كنت يمها ودايم أمسح عليها
وصحيح كلامك البيطري قالي أسوي لها تماررين ومن أمس وأنا أرفع وأنزل فيها :)

مشكووور أخوووي

الله يعوضني خيرررر ويقومها بالسلامه ويعيش هالصغير اللي بقى..

نجوان

13-06-2008, 08:05 PM

لا حول ولا قوة الا بالله

الله يعوضك اختي وان شاء الله تقوم بستك بالسلامه

ويارب يعيش الصغير :)

الصامــت

13-06-2008, 08:23 PM

الله يعينك اخوي والله ..

بس اكيد في اسباب لهل شيئ

تأكد طاحت من مكان ؟ أو في مشكله في جهازه التناسلي.؟

أو الذكر حتى فيه شيئ؟

أو التزاوج لم يتم بشكل سليم

الله يحفظ الي بقى ...

بس اعتقد قمت بعمل بطولي بأنك استحملت هالمناظر =(

الله يعوضك بأولاد قمر ان شاء الله =)

ثويمر

13-06-2008, 09:54 PM

والله يا آنو اني كنت متوقع الشي هذا
انا حصل معاي في اول ولاده قطتي زي كذا .... بس لانها كانت تنقز وتلعب ولا كأنها حامل وماهي اصلا عارفه اش اللي حاصل معاها لانها اول تجربه لها .... وبعد ماكملت فتره الحمل وولدتهم مش كاملين
بس انتي متأكده انها كملت فترة الحمل 60 يوم تقريبآ؟؟؟؟
عموما الله يعوضك خير بس احسن شي انو المره الجايه راح يكون عندها خبره وراح تكون اكثر هدوء واهتمام وانشالله خير
بعدين المفروض انك مجهزه نفسك للمواقف هذي فيه كم فيديو في اليو تيوب كان ممكن تشوفيها عشان ماتتقرفين ....هههه
والله يوفق ويعين

آنـــــو

13-06-2008, 10:39 PM

هذا هو النتفه للحين مو راضي يرضع أقربه من حلمة أمه مايفتح فمه

http://www.pusup.com/uploads/73c233393d.jpg (http://www.pusup.com)

http://www.pusup.com/uploads/bff24b9b10.jpg (http://www.pusup.com)

واللي نولد رجوله ناقصه وفاتح فمه للحين مامات بصعوبه يتنفس بس ماصورته لكم أخاف ألمسه

لا حول ولا قوة الا بالله

الله يعوضك اختي وان شاء الله تقوم بستك بالسلامه

ويارب يعيش الصغير :)

آمييين الله يسمع منك..ومشكوووور أخوي

الله يعينك اخوي والله ..

بس اكيد في اسباب لهل شيئ

تأكد طاحت من مكان ؟ أو في مشكله في جهازه التناسلي.؟

أو الذكر حتى فيه شيئ؟

أو التزاوج لم يتم بشكل سليم

الله يحفظ الي بقى ...

بس اعتقد قمت بعمل بطولي بأنك استحملت هالمناظر =(

الله يعوضك بأولاد قمر ان شاء الله =)

ولله البيطري لما قلت له جابت سته أنصددم قال مصيبه أول حمل لها وتجيب سته
أهم شي أنها قامت بالسلامه وماهمني أي شي ثاني فديتها..
وبالنسبه للمناظر كانت صوت وصوره :( شي مقزز

مشكوووور..أختك:)

والله يا آنو اني كنت متوقع الشي هذا
انا حصل معاي في اول ولاده قطتي زي كذا .... بس لانها كانت تنقز وتلعب ولا كأنها حامل وماهي اصلا عارفه اش اللي حاصل معاها لانها اول تجربه لها .... وبعد ماكملت فتره الحمل وولدتهم مش كاملين
بس انتي متأكده انها كملت فترة الحمل 60 يوم تقريبآ؟؟؟؟
عموما الله يعوضك خير بس احسن شي انو المره الجايه راح يكون عندها خبره وراح تكون اكثر هدوء واهتمام وانشالله خير
بعدين المفروض انك مجهزه نفسك للمواقف هذي فيه كم فيديو في اليو تيوب كان ممكن تشوفيها عشان ماتتقرفين ....هههه
والله يوفق ويعين

قطوتي لاولله هي طبعها أصلاً راكده وماتلعب الا بالواسطه ولما حملت صارت زود ركاده وثقل
وأيه حاسبتلها 65 تقريباً

ولله ياثويمر مجهزه نفسي وجالسه معها حتى أني أمس كملت 35 ساعه صاحيه علشانها
بس هذا المكتوب أولادها ماتخلقوا ماباليد حيله

وبالنسبه للقرف ولله ماكنت كذا بس مدري وش صار لي :(

تسلم على مرورك

sisi_moon

13-06-2008, 11:20 PM

ثويمر

13-06-2008, 11:30 PM

والله حجموا مره صغير ..... ماتوقعت زي كذا وغريبه كمل اكثر من 60 يوم وهذا حجمه والام تآكل كويس على كلامك ...
بس عموما اهم شي صحه الام حاولي تعطينها زبادي او لبن وتآكل كويس وماتتحرك كثير عشان ماتتعب
وخليها في القفص مع هذا الصغير وخلوها لوحدها عشان تركز اهتمامها عليه وتلحسوا ويمكن تغير رايها وترضعوا
بس انتبهي لازم تخلينها معاه لوحدهم عشان تنجبر عليه .... يعني لا احد يكون جمبها لانها راح تنشغل فيكم وتهمله وماترضعوا ....
من جد نتفه ...
الله يكون في عونك

آنـــــو

14-06-2008, 01:40 AM

ياعمــــــــــــري يا آنوو :( :(

الله يعييييييينك من جد واهم شي الام زييينه

بس شلوون انولدوا اثنين داخل المشيمه .!.!.!!!

يمممما احس الشكل يعووور القلب والله

غريبه ماكتمل نمووهم على انها اخذت اكثر من 63 يوم

واصلا احجامهم مرررررررررررره صغيره

انا عيال موني كانوا قد الكف

يلا ماعلييه

ان شاء المره الثانيه احسن

هلا بك سي سي أيه ولله أهم شي عندي الأم ..

اللي نولدوا بالمشيمه ..شفتي اللي بالصوره أصغر منه بشوي بس داخل كيس أصغر من الكف بشوي ..وموو يعور القلب الا يحووووووووم بغيت أجيب غداي كله

القطوه اللي ولدت قبلها كانوا عيالها حجمهم طبيعي حيييل ونشفوا بسرعه
هذا لاهو طبيعي ولا شعره طبيعي للحين مانشف نفس اللي بالصوره بالضبط وهو مولود العصر
شكل حتى شعره ماكتمل نموه :(

أن شاءالله الله يسمع منك حبيبتي..

والله حجموا مره صغير ..... ماتوقعت زي كذا وغريبه كمل اكثر من 60 يوم وهذا حجمه والام تآكل كويس على كلامك ...
بس عموما اهم شي صحه الام حاولي تعطينها زبادي او لبن وتآكل كويس وماتتحرك كثير عشان ماتتعب
وخليها في القفص مع هذا الصغير وخلوها لوحدها عشان تركز اهتمامها عليه وتلحسوا ويمكن تغير رايها وترضعوا
بس انتبهي لازم تخلينها معاه لوحدهم عشان تنجبر عليه .... يعني لا احد يكون جمبها لانها راح تنشغل فيكم وتهمله وماترضعوا ....
من جد نتفه ...
الله يكون في عونك

بقوه صغيرررر يضيع بكفك
واليوم طلعت أشتري لها فيتامين ياعمري حيلها منهد..وهي ياحليلها حنونه عليه وتبيه يرضع
وتنسدح بجنبه بس هو مو راضي يفتح فمه

أما الثاني اللي فمه مفتوح توه مات وسبحان الله كان بعيد عنها قامت من محلها وراحت تنسدح بجنبه تحسبه حي وبيرضع منها ..

ثويمر

14-06-2008, 02:01 AM

من جد قطوتك تعور القلب ....
الله يرحمهم بس ديري بالك على الباقي والام ...
والله يعوضك خير انشالله

sisi_moon

14-06-2008, 12:55 PM

فدييتها والله

مسكيينه ماتهنت بعياالها

يلا الله يعووضها ويعوضك خير ان شاءالله

وبعدين من جد احس حامت كبدك وبقووووه بعد هههههههههههها

انا يوم تولد موني واسووي عنها اشغال الولاده الصراحه ماتغديت الا المغررب

الريحه و منظر الدم وهو ينزل من بريتي وانا اسحبه كان عالق بمخي :p

الله يعينك وهالله هالله بالام .. عاد قولي اسمها تعبت وانا اقول الام الام :p

آنـــــو

14-06-2008, 01:17 PM

الصغير اللي بالصوره مات اليوم لما رحت لها شفتها ضامته بين يدينها مسكينه
ومن قبل شوي راحت تحت سريري بالمكان اللي ولدت فيه أمس وجلست تحت قطعت قلبي:(

ثويمر..أن شاءالله بدير بالي عليها ذي غلاي كله :o
مشكووووور

سي سي
ولله من جد حومه ..آمين ..تسلمين حبيبتي والله يوفقكم بالأمتحانات
وأسمها سمارا :)

nightdrive9

16-06-2008, 12:37 AM

sisi_moon

16-06-2008, 04:05 AM

يلا ماعليه الله يعوضك

ومن جد تكسر الخاطر سمارا

لو موني مسويه هالحركه اتوقع اني على طوووووول بصيح

نايت درايف

صادق والله

اول ولاده لازم فيها مشاكل

انا موني ماقطعت الحبل السري والمشيمه وو لا شي انا قطعتهم

والحمام ماعلمتهم اهييي انا علمتهم عالحمام

موني بس شاطره تنظف وترضع :p

المهم

الله يعوووضك آنووو وماعليه كلها فتره وراح تطلب تزااوج وان شاءالله هالمره يضبط كل شي

بالتوفيق

آنـــــو

16-06-2008, 07:04 PM

يلاا ..

الله يعوضك بغيرهم .......واول ولاده تصير فيها مشاكل كثيره ........وصحيح انو غريبه اول ولاده وتجيب 6 .......

انا اتوقع انو سبب عدم اكتمال النمو ، انو كانو كثير وهذي اول ولاده لها .......

الولاده الجاي ان شاء الله فل الفل

انا طالعه روحي ونفسي اشوف كاتي حامل ......... هذاني ادور على ذكر حلو لها لانو اللي عندي طلع كمخه وغبي ولا يفهم شي ......... اخ يا زمن

يلاا بالتوفيق
سلااام

أيه أنا بعد أتوقع هالسبب أول ولاده لها و 6 نصهم نزلوا ميتين ومكتملين الا شوي ..والله يسمع منك
وأن شاءالله يتحقق مُناك بكاتي..حياااك

يلا ماعليه الله يعوضك

ومن جد تكسر الخاطر سمارا

لو موني مسويه هالحركه اتوقع اني على طوووووول بصيح

نايت درايف

صادق والله

اول ولاده لازم فيها مشاكل

انا موني ماقطعت الحبل السري والمشيمه وو لا شي انا قطعتهم

والحمام ماعلمتهم اهييي انا علمتهم عالحمام

موني بس شاطره تنظف وترضع :p

المهم

الله يعوووضك آنووو وماعليه كلها فتره وراح تطلب تزااوج وان شاءالله هالمره يضبط كل شي

بالتوفيق

من جد كاسره خاطري أمس واليوم تعبانه بس تستفرغ :(

وياربي من عيال موني من جد أحسهم طلعوا براسك نخل:p
ولله اللي عندي ماتعبوني أبد دلوا الحمام بسرعه اللي متعبني بس الفطريات لعبت فيهم لعب:(

وبالنسبه لزواج سمارا ماحملت الا بالمووت أحيان تقعد 3 شهور الى 5 ماتطلب التزاوج وأن طلبت الذكر
مايعرف لها بس شاطره تتسدح على جنبها...الله كريم ..أسعدني مرورك قلبي

sisi_moon

17-06-2008, 11:39 AM

هههههههههها والله الصراحه عانيييت وياهم في الحمام

اعلمهم .. يسوونها بس قداامي اروح عنهم يسوونها عالارض :p

من جد ماتمت طريقه ماسويتها وياهم بالموت ركزوووا وعرفووا انهم يسوونها في الحمام

انا بعد الفطريات حايسه فيهم حوووس

قاعده اعطيهم حبوب بس لازم بعدها يستفرغوون >_<

والاربعا بيجيب لي اخوي مرهم ماخذته من الكروان من عاادل

قالي احطه لهم كل يوميين مرره وبعدها اروشهم بنيزوال وقالي انه فعال مرررررره من ثاني او ثالث مره خلص يحرق الفطريات

وقالي ان الفطريات رجعت لانك ماعقمتي المكان قلت الا اعقمه بديتول قال ديتول تعقيمه وتطهيره مو قوي زي الكلوركس

يعني عقب ما اخلص من الست اياام ( فتره العلاج تبع المرهم ) اغسل غرفتهم والبيت بكلوركس

ولا نفع وياهم بقووولك وبرسلك صوورته وروحي و اخذيه من عنده .. وطبعا مع حبوب نيزورال ربع حبه يوميا لمده 20 يوم و المرهم طبعا ست ايام كل يومين تحطين لهم

وعلى سمارا مو مشكله مردها راح تطلب تزاااوج

وبالعكس انا اشوفه احسن انه تتاخر ذلحيين

لان رحمها الحين منهلك محل الحمل واالولاده خله ياخذ وقت عشان ماتتعب في الولده الثانيه