موقف محرج!

[عاشق الدرة المطوقة]

لو انت كنت بهذا الموقف وش بتسوي؟!!

اعطاك الي يصيرلك ببغاء تعتني به لين هو مايرجع من السفر


(((لان انت الوحيد الي تعتني به)))


:confused:

ومادري وش صار في الببغاء وبدا يحتظر جدامي وانا ماعرف وشاسوي وماااااااااااااااااااااااااااااااااااااااااااات


شاقووول حق الي يصيرلييي؟؟؟؟؟؟؟

لان اهو وايد يحبه

[SharkSoftware69]

الاعمار بيد الله

تعيش و تحصل احسن منه

["""الافريقي"""]

تقوله:والله انا كنت عنده وهو يحتضر وانفجعت ورحت ابكي من الفجعه الين ما انا مت وعشان مايسالك
يموت هوه كمان
امزح
قدر الله ما شاء فعل
لالالالالا تكذب قول الحقيقه و بس
http://s1.ae.gladiatus.com/game/c.php?uid=56950

[عاشق الدرة المطوقة]

شكرا عالى الردود

[وعـــد الهـــوى]

الاعمار بيد الله
مو ذنبك انت اديت اللي عليك

[طير سارة]

عاشق الدرة

موقف محرج صحيح بس لو هو مكانك هم ما يقدر يسوى شيئ

وقل له : الاعمار بيد الله سبحانه ولكل اجل كتاب:(

ولا تزعل نفسك واسمع هالقصة

في اثنين طلاب ساكنين مع بعض .. واحد منهم عنده قطوة ويحبها حيل ونقل لمدينة ثانية فترة بسيطة

قل شهرين . وخلى القطوة عند صديقة يعتني فيها .. في يوم القطوة جلست تلعب كورة والكورة اطلعت

من البيت للشارع والقطوة وراها . وتجي سيارة مسرعه وتدعس القوة وتموت :eek:

المسكين على طول اتصل بصاحبه راعي القطوة و قال له : ترى قطوتك ماتت

:eek: ذاك زعل وجلس يصارخ في التليفون و يقوله ليش تقولي انها ماتت على طول

جان اول يوم رسلت لي رسالة وقلت لى القطوة صارت تلعب كورة :)

ثاني يوم ترسل رساله وتقول لي القطوة صارت تطلع للشارع :)

ثالث يوم ترسل رسالة وتقول لي القطوة صار لها حادث وماتت >> علشان اتقبل الخبر على دفعات مو مرة وحده

على طول ماتت . فهمت . قال له ايه

مرت الايام وتموت ام صاحب القطوة

وتذكر صاحبنا نصيحة صديقة :rolleyes: علشان لا يصدمه بالخبر بموت امه

ارسل له رسالة و قال له : امك بتلعب كورة

الرجال عرف ان امه ماتت :eek: و رجع بسرعة :D :D :D


تحياتي

[سيف 2009]

والله ما أدري وش أقولك بسراحه موقف مزعج ومحرج ومحير

الله يعينك والأعمار بيد الله

[فصولي]

الله يعينك اخوي ونا صار لي نفس الموقف وسار في زعل بسيط ونتهى وتوبه بعدها اي واحد يقول خل شي عندك اقوله ترى ماني فاضي وذا انه مطول قوله ترى الطير مريض وشكله بيموت واليوم الي بعده قوله الله يعوض عليك وذا عزيز وحسيته زعل الله يعينك اهدي له واحد

وشكرأ اخوك فصولي

[ابو وائل]

اقول الطير مات واوريه الطير حتى لايظن اني بعته

[BAHRAIN-SON]

اخوي العزيز ان كان صاحبك عزيز عليك وصديقك بمعنى كلمة صديق

راح يقولك في الطير ولا في البشر والطير يفداك ومثل ما قدرنا نجيبه

راح نقدر نجيب الي احسن منه اما اذا كان بالكلام صديق راح يزعل

عليك وخصوصا انه انت مالك دخل في موتته وهذا قضاء وقدر ولا تنسى

اخوي العزيز ترى في طيور تتعود على اصحابها وتكون حساسة جدا

لما يتغير عليها صاحبها مره وحده والمكان بعد من جذي يصيبها اكتئاب

وما تاكل ولا تشرب ليما تموت ... والله يعوض عليكم ان شاء الله

[أبو ريـــــــــــــان]

الله يعينك على هالموقف

[الجازي74]

اشكر الجميع على الردود

[الهلال و20وبس]

عن جد موقف محرج

[Sa15]

موقف محرج بس وش تسوي الله كاتب انه يموت في هالحظة

[القطوة الدلوعة]

قــــــدر الله ما شاء فعل

شو بيـدك انت ....

هذي حكمة رب العالمين

و فاتحة بالموضوع بشكل عادي و لا تحاول او تفكر تكذب لة

و هو انسان مســلم اكيد بيقدر الموقف لان بيد الله

[عاشق الدرة المطوقة]

شكراااا على الردووووووووووووود

[هاوي الببغاوات]

والله لو انا مكانك اقوله انه مات واشتري له طير نفس الطير الي مات عشان ما يزعل

[NSA]

ياخوي تبي نصيحة
لا تاخذ حيوان من اي شخص واذا كان مصمم وماعنده غيرك يعطيه الحيوان
قوله انا مالي دخل لو صار اي شيء للطير وريح نفسك

[عاشق ببغاء الدرة]

أخوي الاعمار بيد الله
وقلو الحقيقه لأن الحقيقه نجاه وصدقني

[الجناحي 10]

العمار بيدالله
قوله صراحه صاج هلون وهلون ونتها الموضوع

[ولد الرفاع]

قوله كل الي صارلك وحاول انك اتفهمه انك كنت مهتم فيه ..

وان الي صارلك انت يمكن يصير له اهو ومابيقدر يسوي اي شي ..

وانشالله يتفهم الوضع ..:)

[Moz3ej]

مثل ماقالو الاخوان .. قوله الصراحه ولا تحاول تكذب عليه

وحاول تجيب له طير .. ويفضل يكون احسن من طيره