مبتدئة محتاجه مساعدتكم

[عاشقة الطيور]

السلام عليكم ورحمة الله وبركاته ..

عندي قطوتين عمرهم شهرين .. ويموتون على الاكل الرطب والصراحه له ريحه وهمه وايد يحبونه بس احين استوى برازهم الله يعزكم لين .. قلت اعطيهم الاكل الجاف عشان يتسوي يابس بس مايحبونه يحبون الرطب..

فـ ابي اعطيهم اكل من البيت بس ماعرف اسوي :o .. فلو سمحتو ممكن تعطوني وصفات اقدر اسويها لهم :) ؟؟

[بوسي وجيسي]

السلام عليكم ورحمة الله وبركاته ..
عليكم السلام والرحمه.

عندي قطوتين عمرهم شهرين .. ويموتون على الاكل الرطب والصراحه له ريحه وهمه وايد يحبونه بس احين استوى برازهم الله يعزكم لين .. قلت اعطيهم الاكل الجاف عشان يتسوي يابس بس مايحبونه يحبون الرطب..

اختي هم صغار حرام عليك تبين تيبسي بطونهم عطيه وجبتين رطب ووجبه جاف توهم صغار
واعطيهم قشطه لانهم يحبونه ويسمنهم.

فـ ابي اعطيهم اكل من البيت بس ماعرف اسوي :o .. فلو سمحتو ممكن تعطوني وصفات اقدر اسويها لهم :) ؟؟

سوي لهم دجاج مسلوق او عطيهم تونه بس التونه مره كل ثلاث ايام
لانه اذا كثرتي منه يطيح شعرهم
اتمنى اني افدتك وتقبلي مروره

[sisi_moon]

بوسي لا لا لا التونه سيئه حتى تسبب اسهال اصلا

شوووفي عاشقه

اخلطي لهم الاكل الجاف مع الرطب وان شاءالله ياكلونه

واكل البيت مثلا دجاج مسلوق او بطاطس مسلووووق حطي لهم اذا ما اكلوا حطي معه شوي من الاكل الرطب عشان تصير ريحته زيه

وعطيهم اجبااان .. الصغار يحبون الاجبان حيـــــل

[عاشقة الطيور]

بوسي وجيسي , sisi_moon

يعطيكم العافيه خواتي على النصايح والوصفات ..

بس عندي اخر استفسار .. من شوي القطتين تبرزو " الله يعزكم " ولاحظت ان فوقه شوي اشيه حمره جنه دم ! قلت يمكن من كثر ما يضغطون على روحهم عشان ... هههه
فـ تعتقدون انه دم ولا لون البراز ؟؟

[بوسي وجيسي]

والله هذا شي عادي تصير معي
من كثر ما يضطوا او المساكين
يبستس بطونهم بالاكل الجاف
ترا انتبهي لاتعطينهم كل الوجبات
جاف حاولي تنوعين لان الجاف
اذا كثرتي منه يجيب امساك. تقبلي مروري

[عاشقة الطيور]

مشكوره وماقصرتي والله ..
بس في الجمعيه كانو يعطونهم رطب من يكمل يحطون جاف طول اليوم .. وعندنه في البيت نص صحن الجاف مايخلصونه ومااقدر احطه على طول ريحته مزعجه ... اي صج وبغيت اسأل الرويال كانن في له ريحه ولالا ؟

سمحولي .. بس شكلي بقعد اسأل وايد لما يكبرون:D

[PINK COCKATOO]

لا الاكل الجاف عموماً ريحتـه خفيفه ..
بس انتي حطي لهم الجاف 24 ساعه اما الاكل الرطب بما انهم صغار حطيلهم اربع مرات باليوم ..
ولما يكبرون شوي خليها 3 وجبات ولا وصلوا 6 شهور خليها وجبتين وطبعاً الجاف علطول ..
وفييه بديل للرويال .. اكل جااف كويس ويحبونه القطاوه شفته في البحرين اسمه كتن شوو ( الاصفر خاص للقطط تحت 12 شهر ) يبعونه في جيان وسعره الظاهر دينار . .

وفيه من نفس الشركه واحد اسمه كات شوو لونه ازرق هذا كويس ويصلح لكل الاعماااار ..
وهنا صوورته
http://www.pusup.com/uploads/10c5fac09b.gif

وفيه برضو اكل رطب كويس اسمه " فانسي فيست " .. وسعره حول 300 فلس . .
http://www.pusup.com/uploads/080ab4535c.jpg

[عاشقة الطيور]

يعطيج العافيه اختي .. ومشكووره وماقصرتي

الصور الي حطيتيها للاكل الرطب هذا الي يموتون عليه:p

[بوسي وجيسي]

هلا اختي عاشقه الطيور الخاص مالج مليان حاولي تمسحين لان
احاول ادزلك على خاص عشان ارد عليك بانسبه لسوالك
عن القشطه البيضه والله ماجربتها لا مايضر لانه كله حليب .
تقبلوا مروري

[سام]

يمدحون الحلوى البحرينية ههه لالا امزح .. بس انا ايد الاخوه الي فوقي و بذات PINK COCKATOO .. بلتوفيق

[sisi_moon]

هههههههها

انا بعد فانسي فيست يخلي براز قطوتي لين

وقطعته و صار طبيعي

عشوووقه

فضي الخااص حقج .. برسلج طلع لي مليااان

[عاشقة الطيور]

بوسي وجيسي

ههه .. اسفه والله مادريت
مشكوره وماقصرتي والله

سام

:D .. مشكور

sisi_moon

ههههههههههههههههه ... تسلمين يالطيبه:)

[nightdrive9]

سلاام

خذي الكلام المفيد من الاعضاء ..........و بناءً على تجربتي

الرويال كانن ما عليه كلام وبعد الكات شو كويس

بالنسبه للويت فود ... عندك الفانسي فيست هو الافضل بالنسبه لي وهو الاغلى

فحطي الدراي فود طول الوقت عادي ...

وعندك الويت فود على فترات

سلااام