عندي جم سؤال :)

[balool_power]

سلام عليكم
شلونكم شباب
عندي جم سؤال ودي اجاوبوني عليه

س1:هل بت بول يتدرب نفس جيرمن شبرد ؟


س2:هل بت بوول ينفع حق حراسه جم سعره بالكويت؟


س3:هل روت ولر غدار لان وايد سمعت من ناس قالول ان يغدر ؟

اعذروني علي التأخير :)

[balool_power]

شباب وين ردود :(

[balool_power]

انشاالله احد يرد علي اسئلتي :(

[killer]

اخوي آخر سؤال الاجابة هي لأ


ثاني سؤال نعم ينفع للحراسة

اول سؤال::ممكن توضح اكثر؟؟

[الكلاسيكي]

مرحبا اخوي
اجابة سؤالك الاول :
نقولك لا البت بول مو نفس الجيرمان الان الجيرمن يفهم اسرع بكثير من البت بول ولكن البت بول مع الممارسه بيفهم ويحفظ لكن عيبه واحد ينسى مع الفتره لذا يجب عليك ممارسة تدريبه وتذكيره بالاوامر كل فتره يعني تسلى عليه من وقت لأخر .
السؤال الثاني :
اذا كان ينفع للحراسة نعم 100% لأن ينتبه لكل شي وخطير مايرحم يعني ارقد وامن .
السؤال الثالث :
اذا كان الروت غدار نقولك جميع الروتات مو زي بعض لكن اي كلب قبل اي شي خله يتعلق فيك لاعبه اجلس معه خلك انت هما الوحيد بعد ذلك تقدر تتطمن وخاصة بعد مايتطمن اهو منك ويفهم انك صاحبه ومافي منك ضرر ولا تنسى عند الغلط لا تضربه لأن الروت يزعل بسرعه بدال الضرب ارفع صبعد عليه وبنفس الوقت خشن صوتك عليه بتحصله يدور رضاك وبيعمل الي تبي ومعلومه هامه الروت لا زم تعامله زي ما تعامل الانسان لان ذكي جداً ويفهمها واهي طايره وهذا على حد علمي وارجو اني قدرت افيدك .

[balool_power]

مشكورين اخواني يعطيكم العافيه ما قصرتو

[balool_power]

يعني تنصوني بت بوول
جم اسعاره بالكويت ؟
ادري ثقلت عليك سوري علي الازعاج :$

[الكلاسيكي]

مرحبا اخوي مرا ثانيه
وعيب عليك ماثقلت ولا شي اخ عزيز وغالي المهم انا بقدرلك سعره بتحصل انواع بس بعطيك فكره وانت عليك الاختيار عندك بالكويت السعر من 130 دينار الى 500 دينار ويمكن ازيد الله العالم وانت عليك الاختيار على حسب نوع الكلب وعلى جماله وشكله وجسمه ورفعه الخ وتقبل مرروري .
مع الشكر ،،

[dirty luck]

بسم الله الرحمن الرحيم

س1:هل بت بول يتدرب نفس جيرمن شبرد ؟
اي طبعــا ومن تجربه سابقه :)

س2:هل بت بوول ينفع حق حراسه جم سعره بالكويت؟

اي نعم طبعا وشايف كثيرين يحرسون و سعره بالكويت اخوي والله تحصل ساعات 30 دينار ساعات 50 ساعات 300 روح السوق شوف على حسب البياع

س3:هل روت ولر غدار لان وايد سمعت من ناس قالول ان يغدر ؟
لالا ابد اخوي شيل الفكره من راسك

[zadjali]

هلا اخوي,
اجابة السؤال الثالث الروت ما غدار , انا عندي 3 روتات وما اتوقع يجي يوم وحد فيهم بيغدر فيني لانهم اصلا كل واحد يدز فى الثاني لما اجيس اي واحد فيهم من الغيره و من سالفة الغيره كل واحد فيهم صار مطيع اكثر عن الثاني عشان يكسبو رضاي.

[BHR]

سلام عليكم
شلونكم شباب
عندي جم سؤال ودي اجاوبوني عليه

حياك اسئل ولا تستحي ومايردك الا لسانك

س1:هل بت بول يتدرب نفس جيرمن شبرد ؟

كلش شي يتدرب حتى الاجعيريه

س2:هل بت بوول ينفع حق حراسه جم سعره بالكويت؟

كل شي ينفع حق الحراسه في الي سعره على 40 وفي الي على 1000 وفي اكثر على حسب الجلب وسلالته وضروف راعيه:)
س3:هل روت ولر غدار لان وايد سمعت من ناس قالول ان يغدر ؟

لا مايغدر على المدرب لانه جلب قوي الشخصيه

اعذروني علي التأخير :)

وانشاءالله قدرت افيدك والاخوان ماقصروا بعد

[mostafa12345]

هل بت بول يتدرب نفس جيرمن شبرد ؟نعم
هل بت بوول ينفع حق حراسه جم سعره بالكويت نعم
هل روت ولر غدار لان وايد سمعت من ناس قالول ان يغدر احيانن لمادربو