الكاسكو الي عندي

[lordfreddy]

يا جماعه انا شريت من قبل ثلاث اسابيع كاسكو

وعندي بعض المشاكل وياه اول شي انه ما يقبل احد يمسح عليه

وبعض الاوقات يعض والي اليوم ما سمعته يطلع غير صوت واحد ومره وحده

اذا احد يقدر يساعدني

خليكم ربي

[Dan]

انا بصراحه ماعندي خبره بالببغاوات
لكن قريت خبر يقول ان الحيوانات اذا تغيرت عليها البيئه وصاحبها تبداء بالخوف

وهذا الخوف علشان يزول يعتمد على الحيوان وجرئته وفيه حيوانات تتأخر وتكون خوافه وخاصه اذا تواجد حيوان ثاني بالبيت

وعلشان يزول لابد من انك تقعد معه فتره طويله باليوم
تقلل دخول الناس عليه وتصير انت الي دايم تجيه وتعطيه اكله وتغير مكانه " تنزله وترجعه"
تلعب معه الى ان يولف عليك ويروح الخوف منك بعدين تبدا تطلعه للعالم بس يكون بوجودك فتره الى ان يتعود على الي حوله وبيكون اسرع دام فيه شخص يثق فيه.

انشاءالله اني اكون افدتك والله يسهلك امورك :)

[قناص]

أولا أرحب بك أخي الكريم lordfreddy في منتدانا الرائع

وبالنسبة لاستفسارك فردة الفعل هذه تصدر من أغلب الببغاوات الغير مروضة اذا تغير عليها المكان . . فهو يحتاج لأن يطمأن على المكان

فالمطلوب أولا الصبر عليه

وتستطيع التجول في مواضيع القسم وسوف تجد باذن الله الكثير والكثير من المواضيع التي تخص ترويض الببغاوات

وشاكر لك عزيزي

[تاكو]

الأخ دان والأخ قناص افادوك افاده جيده واشير الي اهمية مراجعة المواضيع الخاصه بالكاسكو

[FAWAZ]

اتمنى لك التوفيق اخوي ...

ون شا لله مسألة وقت وتنحل الامور .....

[lordfreddy]

مشكوووووورين وما قصرتو

وانشالله نساعدكم في الايام الجايه

والاخ قناص مشكووور على الترحيب

وبصراحه انا استفدت من المنتدى الكثير وبفضل المعلومتا الي في المنتدي

باضت انثى الكناري الي عندي من كم يوم

مع انه كان عندي زوج كناري من سنتين تقريباً

وحاط لهم كل المحتاجينه بس ما كنت اعرف لهم



خليكم ربي