ظاهرة قلة القطط البلدية في السعودية

[عبلي]

السلام عليكم هذا اول موضع لي في النتدى الرائع ياجماعة محد لاحظ في الاربع السنوات الماضية بدات تقل القطط في الشوارع الاسباب هي 1ـ دعس السيارات للقطط ياجماعة انا شايف واحد دعس قدامي قط 2ـالجوع القطط الايام هذي ماتحصل شي في الزبايل والسبب الغلا صار الواحد معد يرمي شي في هذا الغلا:) 3ـتعذيب الصغار لي القطط وخاصة الصغيرة انا شايف واحد مع سيكل مسك قطة صغيرة وغرقة بماء المجارية ... وكثير بس هاذا الي اعرفة ولي عندة اسباب اخرى يذكرة وشكرا اتمنى انا الموضوع عجبكم وهذا الموضوع غير منقول;)

[عبلي]

وين الردود اتمنى اني مانحرم من ردودكم

[sisi_moon]

الصراحه انا بعد ملاحظه

اول لين طلعت الشارع واجد قطاوه اشوووف والاحق فيهم عشان المسهم ولا اشوفهم عن قرب

الحين لا

اذا كلش شفت وحده بس في حي كاامل !!!!

معك حق بالاسباب اللي قلتهاا

موضووع حلوو واتمنى يتفاعلون معك باقي القطط

[sisi_moon]

ونسيت اقوووول

مو بس عندكم بالرياااض

احنا بالشرقيه وملاحظين هالشي بعد

[عبلي]

مشكور اخوي على الرد الجميل

[كهوف الألم]

ههههههههههه

اجل لوتشوف بساس حارتنا ماشاء الله عليهم كل يوم اشوف واحد جديد مع ان عيال جيرانا مو تاركينهم في حالهم لكن تعودو يعرفو يهربو

وخاصة بساسي 24 ساعة في الشارع ويجو لما يجوعو عند الباب واسمع السنفونية المياوية لحد ما احد يوكلهم

في التوقيع صورهم واساميهم

وفي كمان سمبا امهم ولدت مرة ثانية و كل عصرية ماشاء الله عليها هي ومعاها ولدها الصغير منسدحة على الدرج في الظل

صورتها وصورة ولدها لسا ماسميته
http://www.pusup.com/up/get-6-2008-6k7gz9dp.jpg (http://www.pusup.com/up)

http://www.pusup.com/up/get-6-2008-0qn9uax0.jpg (http://www.pusup.com/up)



في كما 3 اللحين صارو مايجو

عتريس كان يجي ياكل مع بساسي


http://www.pusup.com/up/get-6-2008-n88f6nua.jpg (http://www.pusup.com/up)
وعنتر

http://www.pusup.com/up/get-6-2008-81r806xj.jpg (http://www.pusup.com/up)

وعبلة
http://www.pusup.com/up/get-6-2008-vkrpuoz7.jpg (http://www.pusup.com/up)


وفي كمان دبدوبة كانت كل يوم تجي بس تعسرت ولادتها وماتت هي وعيالها في بطنها مع انها مو اول مرة تولد
http://www.pusup.com/up/get-6-2008-bxnqi7n8.jpg (http://www.pusup.com/up)

وطبعا على كل هذ البساس اللي تتجمع على باب الشارع وعندي اهل مايحبو الحيوانات لازم في هوشة البساس لاتوكليهم بس حرام يحزنو فاوكلهم واخذ هوشة

واضحك شي لما نكون راجعين من برا حافظين صوت السيارة وعلى طول تشوفهم يركضو من الحديق على باب البيت

عينهم قويانه مايمديك تفتح الباب الا وهم داخلين قبلك وعلى طول على المطبخ حافظين مكانة
هههههههههه

واختي تكرهم كل ماتشوف واحد تصرخ علي( اطلع برا وجع )

اذا كانت قلانة عندكم البساس تعالو خذو من عندي ههههههههههه

تحياتي يسلموووو على الموضوع

[*(الدلوعه)*]

كلامكـ كللهـ صح

وخصوصاً الاولاد يرمونها بالحصى ويعذبونها بشكل ما اقدر اوصفهـ

وحتى مرهـ وحدهـ من الاعضاء cut>>cat حاطهـ موضوع في قسم الصور

عن بسهـ مشنوقهـ شانقينها اولاد :(

والله حرااااااام :(

يسلمووووووو على الموضوع

يعطيكـ الف الف عافيهـ ^_^.

[ماروكو]

احنا البسس عنا بالشارع كتييييييييييير ومعبية الحاويات .. بس والله بتمنى انها تقل .. لأنو بضلها عايشة وهي جوعانة و مو لاقية توكل ومنضرهم بحزنو من قلة الاكل بكونو ضعاااف كتير.. و الي بروح دعس والي بروح شهيد بين ايدين الاولاد المتوحشين.. والي امو بتموت اول ما ينولد وهاتلك حدا يهتم فيهم ..يعني والله يقلو احسن من هالعذاب الي هم عايشينو ... يعني لو يفتحو ملاجيء للحيوانات المشردة بكون احسن ..

[عبلي]

مشكورين على الردود الجميلة

[ثويمر]

والله انا اشوف انه احسن
ياخي بساس الشارع من جد مزعجه وماتخلي الواحد في حاله .... اذا شغلت السياره لقيت وحده نايمه في المكينه واذا قعدت تشوي لقيتهم متجمعين حولك وللي فوق الجدار واللي يتهاوش ....
وفي الليل انواع المهاوش ماتقدر تنام ........ اريح ياشيخ
والله احيانا في بسس شوارع لما تشوفهم كأنك شايف عزرائيل قدامك وقل يخاف قل يسوي شي ....
كأنه يقول براسك شي تعال ....؟؟؟؟؟
من جد فكه

والله يعطيك العافيه على الموضوع الفله ...

[sisi_moon]

ههههههها ذكرتني بقطو اسود بحارتناا وماغير يخطر البيوت ويلجس يطالع فيك بكل قواه عين بعد :p

وولا يخاف.. تروووح له قدااامه ولا يتحرك من مكان الا بالعكس يطالع فيك

و انا ودي ينفتح عندنا ملجأ لهم زي ماقالت ماروكو على الاقل يهتمووون فيهم

مب زي الي ياخذونه من الشواارع من اكل وسخ وضرب وتدعس سياراات وهذا غير ايام البرد والمطرر

[ثويمر]

عاد تصدقين مره شفت سياره وانيت مكتوب عليها مكافحة القطط الشارده
وفيها قفص في الحوض ......
بس من جدهم يمسكون؟؟؟؟؟؟؟؟؟ماتوقع بسسنا غير العالم والله يحطون رجلهم محد يمسكهم لو ايش ....

[آنـــــو]

ثويمر ههههههههههههههه
من جد قطط الشوارع نشبه بس توكلهم مره وحده تلقاهم كل يوم عند باب بيتك مساكين ماصدقوا لقوا لقمه
عندي قطوه من كان عمرها 5 شهور والحين عمرها 12 سنه ساكنه بالحديقه عندنا قسم بالله كثر ماتكسر خاطري
كثر ماترفع ضفطي وتجيب لي مرض نفسي ست مية الف مياو بالثانيه ماتسكت آبد حناااانه ترفزني حيييل

سي سي أي قطو أسود؟؟ :( لايكون أنتي ساكنه معنا بالحاره
عندنا قطو أسود أعوذ بالله يخز خز مو صاحي ومره أزعجني مع قطوتي الا يتزاوج معها قمت تهورت ورميت عليه حجر
مب قصد آضربه بس بجنبه علشان يخاف ومن بعد ذاك اليوم 3 أيام أحلم فيه كوابيس الله لايوريك كرررهته
توبه ماأقوله شي ولا شفته غمضت عيوني أباري الساس:(

بس برضو يكسرون الخاطر كان بحارتنا قطو جسمه الخلفي مشلول آتوقع صاير حادث كذا مره طلعت أشوفه
بالشارع يزحف ويسحب رجوله ولله يقطع قلبي كل ماتذكرته

مشكور عبلي على هالموضوع وكل كلامك صحيح عوافي

[ثويمر]

ههههههه والله صادقين قطط الشوارع
عجب عجاااااااااااب
المشلوله والعوراء والمترديه والنطيحه واللي ذيلها مقطوع واشكال وانواع .... الله يحفظ بسسنا منهم ...
وعنف غير طبييييييييييعي
والانثى تولد في السنه اربع مرات الظاهر وحنا قططنا بعد الدلع والمداراة تجيب ثلاثه وزين اذا عاشوا وهي تاكل وتشرب وطول وقتها نايمه ومرتاحه مافي تنقز جدران ولا قطع شوارع وحكي فاضي......

[مادري]

والله هني في الامارات وايد قطط شوارع

[sisi_moon]

هههههااااااي ثويمر في هذي صدقت

والانثى تولد في السنه اربع مرات الظاهر وحنا قططنا بعد الدلع والمداراة تجيب ثلاثه وزين اذا عاشوا وهي تاكل وتشرب وطول وقتها نايمه ومرتاحه مافي تنقز جدران ولا قطع شوارع وحكي فاضي......

قطوتي كل شي انا اسويه لعيالها وهي منسدحه وتناظرني

اقولها قوووووومي تحررركي سوي شي علميهم عالحمام على الاقل وهي ولا كني اكلمها :p

بس اتوقع عشان اول ولاده لها صايره كذا

آنوو
هههههههههها لالا مو من حارتكم انا :p

بس هالقطو من جد اختفى ماعدت اشووفه

وعمتي تقول

كان يجي بيتهم قطو أعور تقول مرررررررررررعب

بس من وصفها حسيته شيرازي بيكي مو قطو شوارع

تقول ضخـــــــــم وشعره وااااااااجد وطوووووويل ووجه كبيير ومعفووس

عاد هم كانوا يخافون منه عشان شكله المرعب

الله اعلم شكله والله قطو عدل بس عشان عينه عوره وووسخ صاير مرعب

[عبلي]

في ذمتكم الموضوع مايستاهل التثبيت

[بسه]

ايه والله صادق
لقيت قبل فتره قطوه فوق المطبخ الخارجي قطه نزلته شربتها مويه وسلقت لها دجاج فليه واكلته لاحظت انها تبغا تخرج خليت الباب مفتوح رجعت ومعاها 3من صغارها واعتنيت فبهم كبروا وراحوا

[oOعبودOo]

خخخخخخخخخخخ والله انها ملياااانه

[فصولي]

تستاهل كل خير ياااااعبلي

والموضوع حلو مره ونا اعرف واحد في الخبر يجمع من حقين الشوارع

ومعاقد مع كم مطعم يجهم مرتين باليوم وياخذ بواقي الدجاج والحم

ومعتني فيهم

[فراس19]

http://www.pusup.com/up/get-6-2008-gl0km5fi.gif


مشكور على الموضوع

اذكركم بقول الرسول صلى اللة علية وسلم:


(( دخلت امرأة النار في هرة حبستها لا هي اطعمتها ولا تركتها تأكل من خشاش الأرض))

[*عالم الحيوان*]

يقلون نعم..

[شوية فضاوة]

حسبي الله في البزران
اخ بس لو كان كان عندنا بالسعوديه فروخ ديناصورات وتعشش حولين بيوتهم
كان خلة البسس في حالهم
والاهل الله يصلحهم لا شافو بزرهم ماسك البس الصغير ويلولح فيه بيده
قالوله الله يخس عدوه شيطاني..
ياعلهم بلي يلولوح ببزرهم ..