ثعباني مصاب بحالة نفسية ؟!

[BLUE SHARK]

السلام عليكم
الله يعطيكم العافية
عندي مشكلة مسببة لي قلق واضطراب نفسي
عندي ثعبان من نوع python لونة اصفر طوله متر تقريبا
صارلة عندي في حدود السنة تقريبا
ولكن بالاخير انقطع تماما عن الاكل وخايف جدا ان يموت
مع العلم اني نقلت مكان تربية الثعبان الى مكان اخر فهل مكن يكون هذا السبب ؟؟
ومشكلة اخرى ان ثعباني ما يطلع لسانة نهائيا :confused:
اتمنى منكم يا اخواني تقولون لي ماهو السبب وراء حالة ثعباني النفسية
لاي خايف عليه بشكل كبييييير ان يفارق الحياة :(
ساعودنا يا اهل الخير:o

[الأسد الملك]

وديه عن بيطري نفسي :)

والله انا ما عرف

وآسف على الدخله الغلط

.

[ابو عابد]

يمكنه يغير جلده

[hellboy]

انت تقـــــصــــــــــد بورمية البينو؟....
ممكن وقت تغيير الجلـــــــد لان احيانا وقت التغيير يطول حسب الجو المحيط بها من العوامل الطبيعية من رطوبه وغيرهـــــا.

[LiMiTeD]

متى اخر مره غير جلده وشنو جدولك بالغذاء يعني كل كم يوم تعطيه وشنو تعطيه

وتأكد ان البيئه مناسبه
وفي مكان للاختباء

[BLUE SHARK]

اشكركم جزيلا على تفاعلكم مع الموضوع اخواني
اي نعم البورمية الالبينو بالضبط
اعطيه 3 فئران مرة كل اسبوع
وحدثت هذه الحاله تحديدا بعد ما بدل جلده:confused:
موفر له كل شي تقريبا بس مادري شصاير فيه بالضبط:(

[LiMiTeD]

الاحتمالات كثيره

مبدئيا حط لها مكان تتخبى فيه ووفر لها البيئه المناسبه وانطر كم يوم لا تعطيها شي بعدين عطها

وخبرنا اول باول شنو يصير

واذا تقد تصورلي وجهها من جدام صوره واضحه

[hellboy]

قلت تعطيها 3 فيران فــــــي الاسبوع ؟
طيب تتأخر في وقت اخراج الفضلات ؟
فترت الهظم تطـــــول ؟
علما ترى ان الجو المحيط فيها له تاثير في عمليت الهظم ؟

مثلا ان كان بارد تقل نشاطها وعملية الهظم تطول ربما تصير اكثر من شهر...
بس اهم شي تاكد من درجة الحراره والرطوبة؟...

ويكون افضل شي انك تعطيها فارين بالاسبوع

[LiMiTeD]

قلت تعطيها 3 فيران فــــــي الاسبوع ؟

انا حطيت في بالي هذي الشغله لكن قلت يمكن يكونون صغار :)

[mahal]

طيب حبيبي ممكن تجرب غير الفئران جرب صوص مثلا يمكن يحتاج تغيير للاكل بس كمان طول فتره الاكل مثلا اتركه اسبوعين ثم جرب اطعمه

[الخيّال]

المشكلة بتحصلها في فم الاصلة افتح فمها واعتقد بتحصّل مادة لزجة مخاطية

شوف وش يصير معاك واعطنا خبر وحاول تستعجل لان الاصلة ممكن توصل لمرحلة يصعب بعدها العلاج او تموت .

وبالنسبة لسؤالك هل تغيير المكان ممكن يكون السب ؟ نعم ممكن

[القط النادر]

تسلم على الموضوع واللي فوقي ساعدك