عطوني رايكم

[قطقوطه]

مرحبا
انا بقى عندي بالحوض سمكه وحده قولدين
بس لاحظت عليها هالايام انتفخت وكنها تميل للسباحه على جهه وحده مع العلم انه الحين صار لها 4 شهور لحالها بالحوض

وش رايكم باللي صار لها وافكر اجيب معها سمك بس مني عارفه اي نوع اجيب؟ظ هي قولدين اللي منقطه باسود وبحاول اجيب صورتها


تحياتي

[فطوم]

وين راحو باجي السمك؟ ادري فيج شريره اكيد وكيلتهم توتا هالدبه

[Withered Rose]

ييبيلها قولدن بعد
حاولى اتغيرين من الوان السمج اليديد يطلعون السمج احلا بالحوض :)

[قطقوطه]

فطوم ماتو جاهم كلهم التهاب وماتو وحده ورا الثانيه وبقت ذي ووحده صغيره مره فصلت الصغيره عنها لان اشوفها متوحشه تبي تاكلها

Withered Rose اي اذا مافيها شي وسليمه انشاء الله اجيب لها صديقات يونسونها علشان توتا تتفرج عليهم:)


وين الباقين

[mina]

اختي العزيزة مرات السمكة الذهبية لما تصاب بمرض المثانة الهوائية فانها قد تنتفخ قليلا وتعوم بشكل شبه عامودي وسبب مرض المثانة الهوائية هو ان السمكة هذه لما تيجي وتاخذ طعامه من سطح الماء يدخل الهواء لجسمها ويجعلها مريضة بهذا المرض العلاج هو منع الغذاء عنها قليلا وتعريضها لحماما تالملح ولكن هناك ايضا مرض اخر وهو فقدان التوازن او حتى التهاب الخياشيم تخلي السمك تعوم على جنب فراقبيها واوصفي حالة سباحتها بدقة اما بالنسبة للاسماك الي تحبين تجيبيها فهل تنوين وضعها معاها لو منفصلين مع اني افضل ما تجيبين اسماك جدد لحد ما تعرفين مشكلة السمكة هذه بالظبط .
تحياتي...

[أرحم دموعي أنا]

تسلمين مينا شرح وافي و كافي

أنا رأي يا قطقوطة من رأي مينا أنج تشوفينها
لو مريضة لا تييبن لها سمك ثاني بس إذا ما فيها
شي سوي تنويع بالقولد فيش يعني أنواع مختلفة
و أنواع القولد فيش متنووووعه وايد و بكثثثثثره
و سلامتكـ ـم . .

[قطقوطه]

مشكوره مينا والله
يعطيك العافيه اختي



ارحم دموعي انا هذا اللي ناويته بسويه