والله لكم وحشه يا أخواني أبيكم تساعدوني انا بعود كلبي على كلبي الثاني

[rakon]

السلام عليكم ورحمه الله وبركاته:
يا جماعه انا فعلا أقسم بالله أشتاقتلكم وشتاقت للمنتدا لأنه كنت مطرود تعرفون:eek::eek:


المهم أنا طالب مساعده وأرجوكم لمو عارف تكفون يا جماعه يقولون أسف مانقدر نساعد عادي مافيها شي يزعل صح ولا انا غلطان :confused::confused:

المهم الموضوع انه الصراحه خذيت من صاحبي كلب جيرمن شبرد عمره 3 سنوات وانا عندي أصلا تايسون جيرمن شبرد يعني صار عندي أثنين جيرمن شبرد و ذكوره صار عندي كينج & تايسون

واحد عمره سنه وشهرين تقريبا والثاني 3 سنوات بس أعاني انه كينج سلوكه نوعا ماه عدواني شوي مع تايسون ومحتاج أخلي مع تايسون اوكي لأنه لو تم على عصبيته من تايسون ببيعه ماني مخلي بس الله يخليكم لا تبخلون علي بلمساده لو في طريقه أخليهم حلوين مع بعض ياريت ما تبخلون علي بلمعلومات

وأرجوا منكم المساعده لأنه فعلا انا حاب أحتفظ بلثنين ومابي عوار راس

[الكلاسيكي]

مرحبا اخوي
انا عندي معلومه صغيره بس ممكن تفيدك طلع الاثنين وحاول تلاعبهم بالكره او غيرها المهم اذا شفت احد منهم عدواني مع الثاني اصرخ على الاول مثال كنج حاول يذي تايسون على طول ارفع صوتك عليه او اضربه خفيف على انفه مع عبارة لا عيب واذا رجع عادي وهادي ابسطه حفزه بعبارات قود كنج ولمس عليه وهاكذا للاثنين وبأذن الله يتوالفون على بعض بس انتبه منهم في البدايه لا ياكلون مع بعض ولا تحاول تشجع واحد وتترك الثاني عشان موضوع الغيره وبتوفيق اخوي وتقبل مرروري .

[roropor]

Doon معا حق ]بس بالنسبه لكلب مدرب مستحلي تخلي كلبين ذكور في قفص واحد
يعني لو عندك مساحه كافيه انك تفصلهم بس تخليهم قدام بعض يشوف بعض.ومن الافضل يكون منفصلين يعني كل واجد في قفصو او منطقتو .. ولو خليتهم مع بعض ممكن يتقاتلو على عظمه او كوره او اي شي وتصير اصابات. .وارجو من الشباب انهم يساعدوك بافكار احسن ..

[rakon]

اوكي يا شباب انا بصراحه في عندي كتاب وباختصار أقولكم المكتوب في أنه انا أشتريلهم الكمامه مالت الحلج وأخليهم مهدودين مع بعض ويحاولون بهجمون على بعض بدون نفع ويوصل فيهم الطريج الى الملل فهل هذا الكلام ينفع ولا في أحسن وأسرع منه لأنه انا بصراحه قاطهم كل واحد بمكان بس شايفين بعض وبنسبه لأخوي روروبور انا عندي 5000 متر فاضي وفي هلكلبين فقط يعني الحمدلله المساحه موجوده

[rakon]

وشااااااااكر لجميع من أعطاني رد بدون أستثناء

[rakon]

وأكيد ليعرف الأحسن يقولي لا يبخل علي

[roropor]

مشكور اخوي راكون .. الله يعطيك المساحه ويوسعها عليك انشاء الله .
بس ضروري انو انك تخليهم قدام بعض علشان لا يتواصلو بالنباح ويسببو ازعاج.

[rakon]

اف الصراحه من هناحيه صاج وغير جذي كل ما واحد يوصل حق الثاني او شي يعظون بعض ومللوني والله مادري شكلي ببيع كنج وأرتاح في واحد قالي أخذه منك ب 400 دينار كويتي بس والله مو هاين علي أبيعه بزوجه وأجيب جراوه وبعدين أفكر بلبيع

[rakon]

ههههههههههههههههههههههه انشالله أكيد الصور باجر بنزلها والله يصبرني عاد شسوي والله يبارك فيك وأنشالله بأقرب وقت بس الحين مشغول شوي بأمور السفر لأنه الأهل بيسافرون انشالله يومين ثلاثه بلكثير أكون نزلت الصور لكم

[BHR]

اخوي هدهم بكمامات وخل محاكرهم يم بعض وبيتعودون
DOON احنا نليق البيتبولات مالينه وايوون اجعيريه من البر يهجمون على البيتبول واذا يوو على الواحد 4 ولا 5 يذبحونه :)
حاسب مافي شي اسمه مايتهاوش
وعند صاحبي نثية جيرمن تهاوش كل جلب الا جلبتي متعودين على بعض :) وماتعرف ذمر ولا نثية ولا يرو:)

[dirty luck]

انا اقول بيع واحد وخل واحد ذكرين ما ينفع مهما تسوي

[rakon]

b h r


شاكرلك على كلامك السليم 100%

وأكيد كان مجرد أقتراح من أخونا وانا أعرف عدل سواالف اللجلاب لبلمخيمات وانا اصلا تايسون اهواجيرمن مع مالينون أما كنج جيرمن أصلي بيور 100% وأنشالله بحطلكم الصور واحد كبير وضخم وثاني جسمه رشيق وصغير مادري بس يمكن وصلت حق حل انه أحطلهم الكمام ونشووف اما سافة البيع الحين مو ببالي