بخصوص تربية القطط خارج البيت

[العابر]

السلام عليكم
شباب حد يربي قطاوته برع البيت وهل هناك انواع تتحمل هذا الجو وطبعا مب برع برع انا بحطه بالبرنده وبرتب له المكان صندوق رمل+بيت مخصص للقط+ العاب+صحون الاكل
هل يمكن ان يخرج من البيت ولايتعود
ارجو الرد
وهل السيامي والتركي والفارسي يعيشون ولالا ارجو الرد السريع:confused:

[Withered Rose]

لا صعب عليهم وايد يمكن ما يتحملون ، حتى قطاوة الشارع خطر عليهم بعد
اما اذا كان الجو معتدل عادي انك تخلي القطو بره .. بس مو على طول
القطط بشكل عام ماتحب الحر ، و القطط من النوع اللي يدل مكانه و بيته عدل يعني ما يضيعون
بس الخوف ان احد ياخذهم ..
:)

[قطو_Q8te]

السلام عليكم
شباب حد يربي قطاوته برع البيت وهل هناك انواع تتحمل هذا الجو وطبعا مب برع برع انا بحطه بالبرنده وبرتب له المكان صندوق رمل+بيت مخصص للقط+ العاب+صحون الاكل
هل يمكن ان يخرج من البيت ولايتعود
ارجو الرد
وهل السيامي والتركي والفارسي يعيشون ولالا ارجو الرد السريع:confused:

[ العابر ]
وعليكم السلام
انا بقولك من واقع تجربه ...
انا ربيت اتواد برا بالحوش يم بيتنا :)
كنا حاطين لها بيت وطشط تراب و كل يوم نحط لها اكل وماي وكان عمرها تقريبا" 3 اسابيع او 4
( اول مايابها اخوي )فكنا نسبحها وندخلها البيت
وكل مانفتح الباب كانت تركض وتدخل عندنا ونزعل يوم نطلعها
مر شهر وصار عمرها تقريبا" شهر او 5 اسابيع دخلناها عالبيت وبدت امي تتعود عليها لانه كانت تخاف منها وماتحب القطط
فصرنا نربيها بالبيت بعد ما طعمناها :D
ويبت بسبوس وبدت امي تحب القطاووه وصار موطنهم البيت
اتمنى اني اكون افدتك
:D

[قطقوطه]

اذا بتربي القطوه برا البيت نصيحه لا تربي قطوه
وربي لك كلب احسن
حرام القطوه ما تتحمل

تحياتي

[العابر]

والله لو بيدي ربيت بدل 1
10لاكن الوالد لا وليش ماله داعي وهو بنفسه ربه قطاو ويقول امراض واهتمام قلتله برع قال عادي
حد فيكم كانو اهل مايرضون قنعهم كيف



كنت بشتري ولاكن






(يافرحه ماتمت)

[كتكوته]

انا بنت خالتي عندها قطاوه نثيه و ثلاث ذكوور وكانت تربيهم بالبيت بس لذكور طبيعتهم يحبون يطلعون ويكتشفون أشياء يديده غير الحكره في البيت كانو كله يطلون من الشباك لووول ويتأملون الطلعه فقامت تطلعهم كل اسبوع في حديقت بيتهم بس بعكس النثيه كانت خوافه :) وحست انه لذكور يلعبون ويستانسون اكثر في الحديقه فنقلت بيتهم ومقرهم بحديقت بيتهم وصار لهم الحين ثلاث سنين عايشين بره ومافيهم شي بس طبعا تدخلهم البيت بين فتره والثانيه .. وانصحك اذا كنت بتربي قطو بره البيت فإخذ لك ذكر لانه لذكور يحبون يطلعون بعكس الإناث

[العابر]

شكرا اختي كتكوته على النصيحه وانشاءالله اخذ ذكر

[قطقوطه]

على فكره العابر ترى ممكن لو تحطها بره تهرب

انا اهلي كانو لو تموتين ما نجيب لك قطوه لا جوا البيت ولا برا البيت انت شوف لك طريقه واقنعهم فيها
عموما انا بقول لك شلون اقنعت اهلي:)
اللي صار انه صار عندي كسر باليد وكانت الوالده بدون قصد لها دخل بالكسر<<طيحت عليها الدولاب
وطبعا وقتها اطلبي تمني اي شي لان امي انبها ضميرها وانا استغليت الفرصه وقلت ابي قطوه واقنعت ابوي وجبت ميمي وبعدها توتا والحين عيال توتا وبعد شهرين ناويه اشتري لي قطو
بس بقول لك شي اهلي يوم شافو القطاوه بالبيت وشافوهم يلعبون وشافو اني كل موعد تطعيمه اوديها تتطعم واروشها اسبوعيا وكل ما تعبت وديتها الدكتور صارو يحبون القطاوه مثلي وماعندهم مشكله اربي
انت جرب خذهم لمحل حيوانات واطلب انك تشيل قطوه صغيره ولعبها قدامهم وخليهم يسئلون الدكتور اللي بالمحل عن امراض البسس واي شي هم مايبغون يخلونك تربي قطوه بالبيت بسببه صدقني اذا سمعوا الكلام من دكتور وانه اذا تطعمت واهتميتو بنظافتها ماراح تاثر ولا تنقل امراض بيقتنعون واذا ما اقنعو تربيها جو البيت علمني وافكر لك بخطه:)

[Dan]

اممممم

شوف انا مع الاعضاء حرام تربي قطه خارج البيت ماتتحمل الحر ولا الغبار
وطبعاً انا اتكلم عن قطط المنزليه الي كلها شعر وطبيعة مكانها الاصلي بالعالم في اماكن بارده مثل تركيا وايران وهي تعيش في مناطق مرتفعه يعني طول السنه الجو معتدل الى بارد
والحل انك تقنع اهلك وتطق صدرك وتقول انا اتحمل الاهتمام وخلهم يجربون وبفتره التجربه خلها نضيفه وانثى " اهم شي لانه تولف على البيت بسرعه" الذكر يعصب كثير هههههه
وبالتوفيق

[العابر]

الحمدالله رب العالمين
من دعواتي
رضو الاهل لاكن ابوي قال اذا انثى بتحمل وبتحمل من واحد من الشارع ويمكن فيه امراض وانت لازم تطلعها برع تلعب شوي مب حبس قلت اوكي باخذ ذكر ابوي قال اوكي والامراض قلت فحص شهري قال اوكي بتشمخ الاثاث رويته موضوع اخونا العزيز قطو كويتي وبوي قال اوكي واخوي معصب مايحب الحيوانات لاكن من نحاسته قال انا لالالازم القطو يطلع برع وبيمرض ابوي قال لا مب لازم يطلع لانه ابوي كان يربي يوم كان في الجامعه في امريكا كان عنده سيامي
لاكن باخذه عقب شهر
الحمدالله
قولو يرب اشتري
امين
الوالده تحب القطاو عندي اخت صغيره عمرها شهرين قالت لانها صغيره الشهر الجاي
اشتر
والله انا فرحااااااااااااااااااااااااااااااااااااااااااااااااااااااااااااااااااااان
بس اخاف يغيرون رايهم

[قطقوطه]

اه كويس الحمد الله
شوف اخوي بالنسبه ماتبي انثى علشان تحمل وتولد تقدر تشتريها وبعمر 8 شهور تسوي لها عمليه ربط رحم وماعاد تحمل
وانك تطلعها للحوش انا ما انصح ابد اذا تبي تطلعها اطلع انت معها واحرص مايقربها قطو وتروشها اول ما تدخلو

وعلشان اختك الصغيره انا اسمع انه اذا نشاء الطفل ببيت فيه قطط يصير عنده مناعه ومايصير يتحسس من الحيوانات عموما بحاول ادور لك الموضوع هذا
واخوك الشرير هذا ارسله لي انا اتفاهم معاه:)


تحياتي ومبروك مقدما

[كتكوته]

يالله الحمدلله وافقو :) وانشالله مايغيرون رايهم
وقطقوطه تراوالي عمليه ربط الرحم .. حراام القطوه راح تتعذب وراح تنحرم من الامومه حالها حال لقطاوه الثانيين :(
وانا اقول الواحد اذا مايبي القطوه تحمل يا خذ له ذكر احسن بدال لاتاخذون النثيه وتحرمونها من الأمومه ..
ومادري هذي وجهت نظري

[قطقوطه]

كتكوته انا زيك ترى وجه نظري بس بعد هذا حل للي يبي انثى ومو قادر

وبعدين انا ربيت ذكور سبحان الله لها ريحه مهما نظفتها تطلع لها ريحه مو زي الانثى

[العابر]

خلاص انا بقنع الوالد اني اخذ انثى لاكن هو يقول
انها تجيها حاله نفسيه تبي تتزوج والله اعلم
هل هذا صحيح

[العابر]

والله يبارك فيج

[كتكوته]

اي صحيح انا سامعه القطوه في عمر معين الي اهو العمر الصالح للزواج تبي تتزوج ,, يعني تناوي وتدلع كانها تطلب شي :p
وبالتوفيق انشالله ..

[العابر]

بل عيل باخذ ذكر

[قطقوطه]

اذا سويت لها عمليه ربط ما تطلب التزاوج

بس عموما روح انت المحل واختار واللي ترتاح له خذه

[العابر]

انا بشتري من عند واحد

[Dan]

مبرووك اخوي وانشاءالله مايغيرون رايهم
وبالنسبه للاختيار انا اتفق معكم الانثى افضل وانا اربي ذكر وانثى يعني من واقع تجربه

اما بالنسبه للحمل انا كنت افكر انك ماتعرضها لذكر بس انت ماتبي تجيها حالت فتح الرحم " وقت التزاوج " وهذا شي ثاني راجع لك رغم اني اشوف فيها ازعاج بسيط جداً لكن انت امش مع ابوك دامه له خبره قبل وهو موافق على الشي وربط الرحم للانثى ماعندي معلومه عنه قطقوطه تفيدك فيه انشاءالله ولو تجيب لنا المعلومه
قـــطـــقوطــــه
<< علشان تقراء الرد هههههههههههههههه
ايه جيبي معلومات لو عندك عن الربط او عن استئصال الرحم

اما بالنسبه لخروجها لبرا البيت انا بصراحه وهو اعتقاد مني يمكن يخالفني البعض انا اقول ان الفطه مكانها البيت ولو تبي تطلعها دورتين حول الحوش معها اتوقع تكفي
وهو يرجع للتعويد

اما بالنسبه لشراء القط من صاحبك انتبه للعمر
كم عمرها؟

[العابر]

لا ابوي قال حرام نربط الرحم ولحين يمكن اخذ زوج ويمكن ذكر ويمكن انثى وبنسبه للعمر قال الصغار بيض وطبعا شيرازين وب500ريال سعر جميل اما الكبار لحين ماوصلني خبر وهو راعي تربية عنده قرود وكلاب الله يعزكم وطيور اشكال والوان وثعالب واشياء وانا الصراحه خاطري في رصاصيه نفس بيلا

[اموره]

شكرا

[Dan]

الله يوفقك

اذا صغار وشيرازي " صغار يعني من شهرين الى ست" يعتبر سعر مرررررره حلو الله يوفقك
وبالنسبه للرصاصي انا دورت بالرياض ماحصلت :( الا وحد ذكر سعره 2500 ريال عمره ثلاث شهور وبصراحه مبالغ بالسعر :|

[العابر]

اها اي هو اعمارهم شهرين

[Dan]

ممتاز يعني على ما بال تشتريهم يدخلون بالثلاثه

بس انتبه للتطعيم قبل ست شهور خطر عليهم

[العابر]

اجل متى اطعمهم

[Dan]

النظام المعروف في التطعيمات السنويه " سرطان الدم والسعار و التهاب الرئوي" هذي تطعم عند العمر ست شهور " وهي بستثناء السعار غير خطيره على البشر ولا تنتقل" اما السعار فهو نادر عند القطط اذا كان جوها البيت بل مستحيله بأذن الله

اما الديدان فهي كل ست شهور " و تعتبر الجرعه مميته اذا تكررت خلال اقل من ثلاث شهور " لكن وقت اول تطعيمه بعد الولاده راح اسألك البيطري عنها لاني بروح له اليوم

والخطر في التطعيمات المبكره هو احتماليه عدم قدرة الجهاز المناعي على السيطره على الجسم لان الابر تحتوي على فيروسات مخدره او مضعفه بالمعامله الحراريه او ميته او جزء البروتيني الممرض فيها واذا كانت مخدره او مضعفه تستعيد حيويتها بعد مده والقط السليم والمكتمل نمو الجهاز المناعي يستطيع القضاء على الفايروس قبل ان يستعيد حيويته واذا لم يستطيع ان يسيطر على الجسم لا سمح الله فأنه لا يستطيع المقاومه والوفاة على اغلب الاحيان وهي صارت مع ناس معنا بالمنتدى .

وكل هذا سببه عدم الوعي بالنسبه للمربي والماديه بالنسبه للدكتور يبي ياخذ الفوس وبس والضحيه القط :|

[العابر]

يعني اذا خذيت لي قط كم مره اوديه لتطعيم
وانت كم مره اطعم قطك

[Dan]

انا بصراحه الي شريتهم الذكر كان عمره ثلاث شهور وطعمته يوم وصل 6 شهور اما الباقي كلهم شريتهم فوق الست شهور وطعمتهم على طول قبل ماادخلهم البيت
ونزلت موضوع عن التطعيم بقسم القطط تقدر تشوفه:)

[العابر]

طلع انه القطط عمرهم اسبوعين
وانا باخذهم على 12 سته او بغير باخذ وحده اكبر اذا في احلى

[بيجو]

[QUOTE=العابر]السلام عليكم
شباب حد يربي قطاوته برع البيت وهل هناك انواع تتحمل هذا الجو وطبعا مب برع برع انا بحطه بالبرنده وبرتب له المكان صندوق رمل+بيت مخصص للقط+ العاب+صحون الاكل
هل يمكن ان يخرج من البيت ولايتعود


اخوي العابر صراحة انا كنت بربي قطاوة بر البيت و لكن وهي من الشارع ما اتحملت و مرضت يعني احسن تدخلها البيت و ان كان ذكر افضل بر البيت لأن الذكر بيوسخ البيت حتى لو فارسي اصلي
يعني هيتوسخ كل بيتك في كل محل وكل الغرف بس ان كانت انثى افضل في البيت

[عاشقة الطيور]

امي وابوي مايرضون جربت كل شي وبعد مايرضون خلصت كل الخطط *.*
بس الحمدالله ورا بيتنه ارض حنيت على امي ان ابي تسون مكان على الارض عشان اربي فيها القطه لان امي تحب القطط بس ماتحب تكون في البيت على الاقل لقيت لي حل بس مالي الا الصبر ^.^