مشاركة الخبراء تهمني فببغائي أواجه معه بعض المشاكل

[faisal_njd]

أخوتي ببغائي الافريقي تفريخ هولندي
واسمه وسيم
كل ماطلعته من القفص وتركته على يدي او كتفي لازم يوسخ وحتى لو احطه بالفرشه
يوسخ وعصبت عليه اليوم مره مره ودخلته القفص بالقوه وهاوشته وبعدها تحسفت ورحت حكيت راسه شوي
عشان يرضى ماحبيت انام وهو زعلان<<<<<<حنون
المهم يا أخوان كيف أقدر أروض ببغائي على عدم التوسيخ وإخراج الفضلات خارج القفص
يعني ابغاه يفهم إنك إذا وسخت برى القفص يعتبر شي غلط ولازم تاخذ عقاب
وهل الدلع الزائد يضر الببغاء وكيف اعاقبه يعني ينفع اهاوشه فقط او احرمه من الاكل او اضربه بشويش او اقفل عليه القفص اخليه مايطلع او اهجره ماكلمه..ماهي طريقة العقاب الصحيحه
أريد أيضأ بارك الله فيكم تعلموني على طريقة تخلي الببغاء يتكلم لي شهر ونص وانا كل ماشفته اردد عليه السلام عليكم وللحين مانطقها بس كنه وده يقولها مع العلم ان عندي شريط احيانا اشغله عنده واخليه يسمع عدة اصوات من نغمات واصوات حيوانات وكلام ببغاء
الي شاطر فيه التصفير
يصفر أشكال والوان بس للحين مانطق
في إنتظار مشاركاتكم وإبداعم
أخوكم

[عازف الكيبورد]

أخوى هذى تحتاج الا تدريب طويل لكن بختصرلك

الطير اول ما يخرج تخليه على يدك وعن محاولته التبرز ترجعه القفص ثانى وتردد عليه

كلمة عيب وبعدها تعطيه حبة فول سودانى وتكر رها دايم وتخليه بلقفص

كل مره تخرجه فيها ويحاول التبرز تعيده الا القفص وعند تبرزه بلقفص تكافأه

حتى يتعود ان سلوك التبرز بلخارج غير مقبول وأن مكان التبرز هو القفص

لكن تحتاج الا وقت وبعض الطيور تفهمها بسرعه

بنسبه للكلام المفروض تكون بلبدايه كلمه واحد ولا تغيرها وترددها عليه يومياًُ

اما كثرة الكلامات تضيع الطير وتكون كلمه سهله مثل الله هلا

[TIGER]

حياك الله يا فيصل كيف الحال ان شالله تمام ...

لا يافيصل الكلام هذا مو صحيح الله يهديك عمرك ما تعاقب طير بالظرب او تهاوشه ودخله القفص بقوه ,, اول تدريب لازم تعرفه قبل لاتبدا بأي حاجه ثانيه الصبر , الطيور هذي تحتاج منك صبر وبرودة اعصاب وبهدوء تعاملها مثل الطفل الصغيرون عشان ماتخسر طيرك وبعدين تقول ليش ينتف ريشه وشفيه ماتكلم وليش وكيف هذا اول درس في التدريب ,,

ثاني انتبه يمكن طيرك عنده مشكله في الهضم او خايف من المكان عشان كذا غصب عليه يسويها كل شوي تراه طير محدود الذكاء يحتاج وقت وتكرار لين مايستوعب هذا في حالة انه اسلوبك كان صح معه..

وشيل من راسك فكرة العقاب كان بالكلام او بالهواش او بضرب خفيف لأنك ماراح توصل لنتيجه الي تبغاها حتى لو وصلت فيه طرق أخرى تقدر تكسب فيها الطير لصالحك بشكل أفضل وتاخذ ثواب فيه بعد

تذكر :

المفهوم العام بتدريب جميع الحيوانات هو التحفيز على السلوك الحسن وتجاهل السلوك السيء أو الغير المرغوب فيه .

وبالتوفيق أخي الكريم ,,