سؤال بخصوص الشانشيلا الله يخليكم

[ديناصورة]

السلام عليكم ورحمة الله وبركاته، طبعا انا من الحين قعد أجهز للشانشيلا، القفص والأكواخ الخشبية والأكل .... إلخ، بس للأسف ما لقيتهم في الكويت يبيعون حمام الرمل :( حاولت أطلبه من النت لكن الحين زادو أسعار الشحن وبصراحة سعر حمام الرمل حسبته فطلع 3 دنانير فما تسوى علي أدفع زيادة للشحن بعد غلاء سعره، فهل هناك بديل ؟؟ وإذا فيه تكفون لا تبخلون علي بالرد :)

[ديناصورة]

معقولة يا ناس محد رد على الموضوع :( ليش ؟! محتاجة مساعدتكم الله يخليكم

[DOOOOOB]

اكيد اخوي فيه حل انك تدفع الفلوس وبس وبدامك منت قادر توفر احتياجاته انصحك لالا تشتريهـ لن يبغاله مصاريف يعني العاب واكل وحمام رمل واشياْء كثيره انا عندي واحد بس مااستعمل الحمام الرمل استعمل معه طريقه اخرى وياليت اكون افدتك تقبل مروري

[wsws]

على حسب كلامك..الشانشيلا ارنب صح.؟ ماني متأكد وشهو بالضبط لكن ماحبيت اشوف كلمه "تكفون" وما ارد عليك

اذا كان قصدك بالشانشيلا ارنب...ومالقيتيه

خذي لك الوبر احسه قريب للارانب وياكل نفس اكلهم..
اخذي الوبر الي شعره طويل الظاهر يسمونه فرنسي على ما اعتقد

والله يوفقك وتلاقي الشانشيلا وبسعر طيب ورخيص وبحاله ممتازهـ :)

[DOOOOOB]

اي ارنب يارجال هذا الشانشلا هو صح من القوارض بس اذكاء من الارنب بمليون مره ابحث عن هذا لحيوان الجميل وانشاء الله تستفيد والله الموفق

[wsws]

او ماعليـش سوري توي فهمت وش قصدك ..لمن شفت رد الاخ دووووووب

كنت احسبك تقصدي انك تبغي بديل عن الشانشيلا ...إسـف ...

وعن حمام الرمل...شوفي لك واحد مستعمل اكيد بتلاقي بالكويت او فصليه عند نجار .. اذا كان ينفع يكون خشب ...وانشاء الله اكون افدتك واكرر اسفي

[wsws]

دووووووب تصدق اني مثل الاطرش بالزفه ..لاني ماعرف شي بالقوارض ...قليل بس هي مره ولامرتين بالكثير الي ربيت فيها ارنب وواحد بعد مو مجموعه خخخخخخخخخخخ :)

كإن قلبنا الموضوع دردشه @_@

[رعوود]

اختي ديناصورة

بالنسبة لحمام الرمل حسب علمي مافي بديل عنه

لانه فروة الشنشيلا حساسه والشنشيلا نفسه حساسه وممكن يمرض

لكن سبق وقالي حدا الاخوان الي اعرفهم بالكويت

انه يعرف محل يبيعها خليني بس احاجيه واسئله

واردلك خبر ^.^

اخوي wsws

الشنشيلا مو الارنب

الاخت تقصد قارض الشنشيلا وتقدر تقرا عنه

بفهرس مواضيع القوارض المهمة

وحمام الرمل القصد منه ان الشنشيلا تتحمم بالرمل

مو حمام مصنوع من الرمل ^.^

وبالتوفيق للجميع

[ديناصورة]

تسلمون خواني ريحتوني الله يزاكم الف خير :) أخوي DOOOOOB انا الحين مجهزة كل شي تقريبا لكن المشكلة بس بحمام الرمل فقلت إذا مافي بديل لها فخلاص رح أستسلم وأطلبها من النت بكيمة كبيرة، وياليت تقولي البديل الي تستخدمه وأكون أكيد شاااكرة لك جدا :) أخوي wsws لا الأرنب بصوب والشانشيلا بصوب ثاني ههههههه يالله ما عليه تسلم هم إنك بغيت تساعد الله يخليك يارب ، وانا عندي وبرات بس ودي أقتني شي يديد ولا مرة ربيته :p أخوي رعوود اي والي يرحم والديك ودي تسئله أي محل يبيع أغراض الشانشيلا بدال ما أطلب من النت وأكون شااااااااااكرة لك :D

[DOOOOOB]

جيبي رمل عادي بس اتوقع يجيب حساسيه بس حقي ماجاه شي صحة تمام

[ديناصورة]

تسلمممممم أخوي الله يسهلك طريجك في الدنيا والآخرة :) وانشالله إذا صارت الشانشيلا عندي بسوي معاها هالشي وبشيك على صحتها أول بأول، وانشالله ما يسوي لها حساسية :)

[wsws]

طيب اختي الرمل حق القطط الي يبيعونه في اكياس..نضيف ومعقم مايصلح للشانشيلا.؟ :)

[wsws]

واعتذر عن ردودي...احس اني جبت العيد وانا مادري وشهو الشانشيلا اصلا....يالله على قولهم الواحد مايتعلم لين يغلط هههههه .. ~_*

[ديناصورة]

والله يا اخوي wsws مادري إذا يصلح ولالا :( ياليت هالكلام صحيح وإذا طلع جذي بيكون سهل علي كل شي لإن متوفر بكثرة وأقدر أشتريه في أي وقت، وبالعكس انا فرحانة لإنك قعد تشارك ^_^ كافي إنك قعد تحاول تساعد بالي عندك وهذا شي طيب اكيد وصحيح كلامك الواحد ما يتعلم إلا لما يغلط :) :p

[wsws]

اوك اسالي الاعضاء الي يربون الشانشيلا اذا كانو جربو الرمل حق القطط للشانشيلا

وانشاء الله يفيدونك

والله يوفقك وتقتني الشانشيلاا

ويربى بعزك ودلالك .<سلفا