قطووتي تولد

[FAISAL//AB]

السلام عليكم ورحمة الله..


اليوم وانا جالس على الكمبوتر الا اسمع صوووت مياااو مياااو بس مش صوت قطوتي؟؟

صوت قطوه نونو رحت ركيض الا اشوف قطوتي ولامه بين ايدها بيبيها الاول ..

وجابت الثاني والثالث.. والحين لها فتره ماولدت شي ثاااني

بس لمسكت بطنها احس ان فيه شي؟!!!!

ومن شوووي شربت ماااااي


هل معناته اذا قامت وشربت ماي ان خلاص وقفت الولاده؟ والا في شي للحين ماجا؟

وادعولها تقوم بسلامه والبيبيااات معاها

[westlife]

الحمدلله على سلامتها ويتربوك اعيالها في عزك انشالله
انشالله الخبراء افيدونك عن سؤالك وياريت ايي الرابع

[فطوم]

اخوي مبروك ويتربون بعزك وماله علاقه اذا شربت ماي انها وقفت ولاده ولا ماوقفت ماله شغل وبخصوص لمه تجيس بطنها تره عاديي اهو ماراح يفش ويصخر من تولد يظل شزوي كبير ومترهل

[تو zoo]

مبروووووووووك انشالة على البيبي

[myssaa]

ألف مبرووووووووووك الله يقومهالك بالسلامة يارب
عادي ممكن ترتاح شوية وتكمل ولادة بعد سعااات

[myssaa]

تبقى طمنا عليها

[الجواد الطائر]

لولولولوووووووووووووووووووووووووووووووووووووووووووووووووووووووووووووووووووووش

ألف ألف ألف مبروك

يتربون في عزك

[twety]

الف مبرووووك

ويتربوووون بعززك يااارب :)

ياليت تنزل لنا صورهم بعد ماتقوم بالسلامه ..

[NONO]

كللووووووووووش الف الف مبرووك يتربون في عزك ان شاء الله

يله ورنا شطارتك وحط لنا الصور علشان نفرح أكثر بشوفتهم

[قطو_Q8te]

[ FAISAL//AB ]

الف الف مبرووووكـ بس حسافه طافك اهم لحظه بحياتك وهي ولادتها ...
انا يوم ولدتهم يبت ورقه وسجلت اي ساعه انولدو الـ 3 وكل واحد له صوره ....



بخصوص سؤالك كيفية الاعتناء



بعد الولادة :
1) بمجرد الولادة القطة حتفقد 40% من وزنها اللى كانت عليه قبل الحمل مباشرة ،، وحتلاحظ اقبالها على الأكل بشراهة وعليك انك تزود كمية اكل القطة الأم بواقع الربع ( 25% ) لكل قطة مولودة بمعنى
لو مثلاً هى كانت بتاكل 100 جرام فى الوجبة قبل الولادة وبعدين ولدت 3 قطط مثلاً يبقى عليك
انك تحط لها 175 جرام فى الوجبة الواحدة ( 100 جم + 25جم3X ) ولو ولدت 4 قطط يبقى تحط 200 جرام فى الوجبة الواحدة وهكذا


هناك طريقة أخرى للتغذية وهى أيضاً القاعدة العامة لكمية الأكل اللى تقدمها للقطة بعد الولادة وهى كما يلى :
* تزويد كميات الأكل التى تقدمها للقطة بواقع 50% خلال الاسبوع الاول بعد الولادة
* تزويد كميات الأكل التى تقدمها للقطة لتصبح 100% خلال الاسبوع الثانى بعد الولادة
* تزويد كميات الأكل التى تقدمها للقطة لتصبح 250% -- 300% خلال الاسبوع الثالث بعد الولادة ويمكن الثبات على هذه الكمية خلال الاسبوع الرابع والخامس

* قوم بـ: تقليل كميات الأكل التى تقدمها للقطة تدريجياً خلال الاسبوع السادس والسابع وذلك حتى قيام الأم بفطام الصغار وتوقفهم عن الرضاعة

2) ستلاحظ ان القطة ستشرب كميات كبيرة من المياه بعد الولادة وأثناء فترة الرضاعة لتعويض السوائل التى يفقدها الجسم وبالطبع عليك دائمـاً توفير الماء النظيف لها
واذا لاحظت انها مازالت تفرز اللبن بعد فطام الصغار فعليك تقليل كمية الاكل التى تقدمه لها حتى توقف عملية افراز اللبن والا ستعرضها الى آلام كبيرة فى الثدى




اما غذاء الاطفال مقتبسه من اصدقائي ومن البيطري
افضل غذاء للاطفال جبنه مطبوخه او جبنة المثلثات " المراعي \ كي دي دي \ لافاشكري " .. الخ
او سيريلاك
والطريقه انك تحط قطعه صغيره وتعصرها بصبعك وتحطها يم حلجهم فياكلونها وبعد مايخلصون امسح لهم حلجهم

ملحوظه :- هذا الغذاء في حال عدم وجود الام او تزاحم القطط على ثدي الام.
و انا دائما" فى الخدمة لأي استفسار آخر


يتربون على عزك لهم ودلالك
ولاتنسا تصورلنا الكتاكيت الحلوين بعد مايكبرون بشوي ;)

[FAISAL//AB]

اشكركم على الرد وانا اليوم الصبح صحيت ومالقيت الا ثلااااثه الله يخليهم لمهم


اخوي القطو... انا حضرت ولادت الثاني والثالث بس الاول هو اللي فاتتني ولادته:)

يعني مافاتني الا الثلث هههههههه

والقطوه بخير وحمدالله

ومثل ماقالت اختي فطووم للحين بطنها كبير ومترهل

[العابر]

السلام عليكم
الف الف الف مبروك>>>>حق كل واحد الف

[العابر]

الا اقول شألوانهم ههههههههههههههههه
للبيع

[قطقوطه]

الف الف الف مبرووووووووووووووووووووووووووووووووووووووووووووووووووووووك
والله ان قطوتك دايم على بالي اقول ولدت ولا لأ
مبروووووووووك ويتربون بعزك وعموما اخوي يمكن في قطو رابع اصبر عليها 39 ساعه(مده ولاده القطه 39 ساعه) وحاول تاخذها البيطري لو منت متاكد انها خلصت او بقى شي ببطنها لانه ممكن يكون في واحد ميت بالداخل وهذا ممكن يسبب لها تسمم حاول تلمس بطنها تحس في مثل الكوره اذا حسيت خذها لاقرب بيطري شاطر يعطيها ابره تنزل كل شي ببطنها

وتحياتي لك

[FAISAL//AB]

الله يبارك في كل اللي ردو علي..


قطقوطه شكرا على الرد والحين رحت لمست بطنهااا ماحسيت ان فيه شي..


بس بنطر عليها شووي وبشووف:)

[Withered Rose]

الحمد الله عالسلامه
الف مبروووووووووووووك :)

[PINK]

مبرووووووووووووووووك

يتربون بعزك ان شاء الله

[قطو_Q8te]

[ فيصل ]
مبروك عليك الكتاكيت :)

[FAISAL//AB]

الله يبارك فيكم ...


والكتاكييت حلوين بس امهم احلى وانا حااابهم كثير حاسهم اولادي..


واتاسف لكل اللي طلبو الصور انا السكنر عندي خربان وماعندي وصلت موبايل

[العابر]

معذوووور يالغالي
ويتربون بعزك

[كوكه]

معذووور
والف مبروك عالكتاكيييت يتربون بعز ابوهم (انت) وامهم (قطوتك ) P:
وناطرين الصور عقب ماتسهل امورك ^_^

[lazy^cat]

ألــــــــــ مبروك ــــف
وأنشاء الله يتربون اب عزك.

[kitty]

الف مبرووووووووووووووووووووووك
الله يهنيك فيهم ويتربون في عزك ....
ماشاء الله ...لحسدهم الله يحفظهم...

[fofo]

الف مبرررررررررررررررررررروووووووووووووووووووووووووك

يتربون فعزج