$$أيهما أفضل .السوري. .ام. .الروسي.€€

[ملك الهامستر]

السلام عليكم ورحمة الله وبركاته
كيف حالكم اعضاء تو زوو الغالي ..
أخواني أن شاء الله اذا الله قدر أخوي بيشتري لي هديه هامستر لأن ان شاء الله راح يسافر السعوديه وبالخصوص مكه والمدينه وانا ادري لو أن شرا لي اخوي امي ماراح ترده لأن هو اكبر واحد فمادري اطلب منه اي نوع السوري ام الروسي وايهما افضل في التربيه والنضافه والرائحه مع أني جربت الروسي مرت ايام جاته ريحه كريهه وسوو الهامسترات أحزاب 5 ضد خمسه وأخر شي طلعت رائحه كريهه من الدم والبول اكرمكم الله مع اني انضف القفص واعتني به وارجوكم قولوا لي أيش اللي يميز السوري عن الروسي او الروسي على السوري
أرجوكم ارجوكم ردوا علي بأسرع وقت لأن اخوي اليوم بيروح السعوديه ومش مطول يعني 10 أيام ان شاء الله ارجوكم قولولي علشان اقول له
ومشكورين على حسن القراءه

[المـــــــــــارد]

هلا اخوي
== ملك الهامستر ==
بالنسبه لسؤالك عن الهامستر السوري مميزاته الشكل الجميل سرعة تعلقه بالمربي وعدم الغدر عيبه رائحته لأن طبيعته انه يحتفض بالسوائل فتره في جسمه من البول فتطلع منه الريحه وهي شديده والعيب الاهم انه يعيش لوحده يرفض اي شريك معاه في القفص ماعدى الانثى واول ماتحمل يتضاربون مع بعض والمشكله الاكبر لو ولدة الانثى لازم تحط كل واحد في قفص وانا صارتلي السالفه الانثى جابة 11 طفل وضطريت بعد شهر اني اعزل كل واحد في قفص لأنهم بدوا يتضاربون فتخيل عندي في الغرفه 11 قفص بالاصح 13 نسيت الام والاب ومافي حد من المحلات راضي انه يشتريهم لحد ماصرفتهم على ناس ومن بعدها حرمت اني اخلي هامستر سوري يولد عندي .والروسي لطيف ووديع وتشوف البرائه في عيونه بس ساعات يغدر اول مادخل يدك تحط له اكل يعضك ويعمل نفسه مب داري والميزه الحلوه انه يعيش في جماعات طبعاً فيه ريحه بس مب مثل السوري ، السوري اقوى.

[mex]

اخوي انا اعتقد الروسي افضل

اعتقد في تجربتك السابقة سبب الريحة كان واضح وهو الدم الي حصل بسبب المعارك بين الفريقين

انته لا تشتري اكثر من زوج واحد بس وكل الي تسويه انك تنظف لهم كل خمسة ايام وماتعطيهم اكل اكثر من اللازم وتتاكد ان المويا ماتنقط على النشارة لان المويا تعمل روائح كريهة وهذا شي طبيعي

وممكن تستعمل مستحضر لازالة الروائح من قفص الهامستر ولو اني اشوف انه النظافة المنتظمة وتنظيم الاكل تكفي ان الريحة ماتطلع ابدا

وان حصلت لاسمح الله مضاربات قوية لازم تفصلهم من بدري عشان لاتصير جروح وتطلع روائح كريهة

مع العلم ان الهامستر ينباع في كل مكان واعتقد لو دورت في بلدك حتلقاه احسن من انه اخوك يشتريه من هنا وممكن وجود حيوان يعطل اجراءات سفره او يضطره انه يصرف عليه اكثر من قيمته


وبالتوفيق

[falo]

غريبه و الله طلعت ريحه !

ايجابيات الروسي

1- نظيف
2- صغير
3- نشيط مو متأكد منه
4- اجتماعي و الله متلخبط يا الروسي و السوري
5- يتحمل البرد رغم إن عندنا الخليج حر
سلبياته
1- عدد الأولاد 2-5 أولاد

السوري
1- له كثافه شعر (جميل)
2- عدد الأولاد أكثر 3-8 أو 9

سلبياته
1- له روائح
2- كسول
3- كبير عند بعض الناس ما يحبووون الكبير


من رأيي روسي

[ملك الهامستر]

تسلمون على الى الردوووووووووووووووووووووود

[falo]

وش إخترت ؟؟؟؟؟؟؟؟؟؟

[ملك الهامستر]

ان شاء الله الروسي القزم

[DOOOOOB]

انا من وجهة نظري لاهذا ولاذاك انا اقول خوذي وبر احسن ولا سنجاب ولا شانشلا

[love husky]

انا من وجهة نظري لاهذا ولاذاك انا اقول خوذي وبر احسن ولا سنجاب ولا شانشلا


هو ايه الوبر ده والشانشلا دي ممكن صور عشان اعرفهم؟!

[al3nabia]

الروسي احســـن...

انا الصراحه تعبت مع هامستري السوري

بس الاحسن اشتري الروسي...

...

[PINK COCKATOO]

بالنسبه لي افضـل شي السوووري .. بكل شي ..

[فتى الجبيل]

بصراحة أنا ربيت ال2
كلهم حلوين
ولكل واحد ميزاته
وبالنهايه
أنت حر باختيارك

[sweety2007]

الروسي راح ترتاح في تربيته

واذا تكاثرو لو رحت تبيعهم تلقى اقبال كبير في طلبهم

انا هامستراتي يتكاثرون عندي وكل مرة ابيعهم

وانظف واحلى