©§¤°^°¤§©¤(تعال و شارك في اسعار الكروانات) ¤©§¤°^°¤§©

[عالم الكوكتيل]

بسم الله الرحمن الرحيم




شلونكم شخباركم

ان شاء الله طيبين




الموضوع: يمكن مكرر بس هالمره نبي تفاعل بين الاعضاء

و الموضوع: كل عضو يحط سعر الكروان او الكوكاتيل في دولته



القوانين : تحط سعر الكروان + لون الكروان + صحت الكروان + اذا في كروانات مدربه تحط اسعارها مع الاوان

و اذا في كروانات منتجه هم تحط اسعاره


و اذا من السعوديه او البحرين او الامارات او اي دوله ثانيه فيها اكثر من سوق للكراوين تحط اسمه مثل السعوديه كبيره تحط بي منطقه انت مثال الرياض او جده او من اي منطقه ماخذ اسعار الكروانات


_________________________________________________________


طبعا انا من الكويت ابدي و البادي بسم الله


زوج الون الابيض صحته جيده جدا بسعر 45 دينار


زوج الون اصفر صحته جيد جدا بسعر 30 الى 35 دينار


زوج الون رمادي صحته جيد جدا بسعر 25 دينار


مدرب سعر الكروان الواحد 20 دينار صحته جيده و الون اصفر

مدرب سعر الكروان الواحد 17 دينار صحته جيده و الون رمادي

بس بشرط لا زم كل ماتروح السوق تسأل عن اسعارهم يعني نجدد اسعار الكراوين



على فكره هذه الاسعار قديمه من قبل شهر تقريبا او اكثر

_________________________________________________________


المشاركين






انامن الكويت

MON3EESH ::: من الكويت




و اي واحد يشارك انا احط اسمه بس بشرط كل فتره يعطينا اسعار الكروانات الي في دولته

مثل ماذكرت نبي تفاعل بين الاعضاء

[MON3EESH]

انا بعد بالكويت وبسوق اليمعه لقيت مدرب ب 15 لونهرمااددي وفي اصفر بنفس السعر


وزوج الاصفر ب 25

زوج الابيض تقريبا ب 30

وزوج الرمادي ب 20

انا خذيت لون اصفر وصحته حيل جيده الي شفت صورته مساع بالموضوع

ب 9 دنانير طبعا عقب مانشفت ريجه مكاسر ؛)

[عالم الكوكتيل]

والله حلو سعر 9 دنانير بس سؤال من وين ماخذه

يعني محل ولا بره


اذا من محل كم رقمه

او وين صاير



و الحين اضيف اسمك

[MON3EESH]

ماخذه الله سلمك من محل بسوق الحمام


بس ماني عارف اوصف المحل عدل

شووف انت بسوق الحمام دش دخلت المحلات الاخيره

يكون اهو تقريبا 3 محل على السيار او الرابع تقريبا يعني

[MON3EESH]

شوف اخوي انت عطني رقمك وانا اول ماروح سوق الحمام راح ادش المحل ادق عليك واقولك لقيته اوكي

[عالم الكوكتيل]

الله يعطيك العافيه وماتقصر


لا انا فقط اسئل اي محل فقط انت اذا رحت مره ثانيه بس قوله كم رقم المحل



و مشكور وماتقصر

[MON3EESH]

ان شاء الله افا عليك اول روحه لي باذن الله راح اسأله عن رقمه افا عليك تامر امر

[عالم الكوكتيل]

الله يعطيك العافيه وماتقصر


و الف شكر لك

[البطريقه]

كوكتيلي لاتينو واليف ويغرد ويرقص
بـ 13 دينار بحريني

[sdook]

في السعوديه عندما رحت محل الطيور في محل قال الي 500 ريال الجوز ومحل قال 600ريال الجوز
لكن رحت سوق وشفت الكروان الجوز عاد وش كان لوه الجوز يوصل 250 للجوز

[sdook]

والطيور مو غاليه في البحرين

[راعي البلبول]

اخويsbook
هذ سوق الخميس في الاحساء
ولا وين

[محب للكوكاتو]

السلام عليكم
آنا من الكويت
والله ما أعرف الاسعار بالضبط بس الطائر ما يزيد عن 15 دينار . آنا شريت طيري ب 12دينار لونه اصفر ذو خد برتقالي عمره ما بين 5_6 شهور من غير مكاسر .. بس آنا أعتقد انه ما في فرق بين الكروان المدرب و الغير مدرب لانه ما يبين الكل يصعد على اليد و بعضهم يخليك تمسح عليه

عندي سؤال يا اعضاء هل يختلف جنس الطائر من حيث التدريب و الكلام و حب الطائر للشخص ؟ مثلا هل يفضل أن يكون الطائر الذكر مع صحبة الأنثى أو العكس؟

[MON3EESH]

محب للكوكاتو انا نفسك لقيته ب 12 اصفر واخدود برتقاليه بس انا كاسرته نشفت ريجه خذيته ب 9

[عالم الكوكتيل]

اخواني الكرام


منو الي يبي يشترك


يعني اقل شي كل اسبوعين يروح سوق الحمام الي عنده و يسئل عن اسعار الكروانات



انا الحين ماني عارف منو الي يبي يشترك ومنو الي مايبي يشترك

[البندوق]

أعزائى الأعضاء شكرا لكم طيب كم سعر اللاتينو بالكويت للزوج المدرب والمنتج؟؟؟؟؟؟؟

[كروان1]

انا ايضا من الكويت
والكروان اللي عندي صايدا امس
والحين ابي اشتري ذكر
لان على ما اعتقد ان اللي عندي انثى لان الذيل عليه نقط عريضة

[عالم الكوكتيل]

اخواني الكرام



منو الي يبي يشترك



الشروط انك كل اسبوعين تروح السوق و تشوف على كم اسعار الكروان












يله ياجماعه نبي تفاعل

[MON3EESH]

انا باجر ان شاء الله نازل سوق الحمام الي يبي سعر اي حيوان يقولي وان شاء الله ايبله

[عالم الكوكتيل]

لا بس انت اشتركت خلاص كل اسبوعين روح السوق و شوف على كم اسعار الكروانات ماعليك امر


اذا ماحبيت مافي اي مشكله بس انا حبيت الكل يستفيد

[MON3EESH]

افا عليك باجر ان شاء الله بورقه وقلم اكتبهم لوول حاظرين

[الفايلسوف]

هلا أخواني ...

أنا جديد بالكروانت بس قريب إن شاء راح أشتري زوج ...

أنا سألت عن سعرة فمحل قال 200 ريال يعني 40 دولار تقريباُ لونه رمادي ( بخدود ) والحالة ممتازة

أنا بالسعودية ( الرياض ) ;)

[عالم الكوكتيل]

هلا أخواني ...

أنا جديد بالكروانت بس قريب إن شاء راح أشتري زوج ...

أنا سألت عن سعرة فمحل قال 200 ريال يعني 40 دولار تقريباُ لونه رمادي ( بخدود ) والحالة ممتازة

أنا بالسعودية ( الرياض ) ;)




حياك الله و تم تسجيل اسمك


بس بشرط كل اسبوعين تجدد الاسعار و ياليت تقول ماهي السعار الاوان الباقيه اذا رحت المره الجايه

[عالم الكوكتيل]

المشتركين حاليا


انامن الكويت

MON3EESH ::: من الكويت


الفايلسوف من السعوديه /الرياض




منو يبي يشترك

بس بشرط الاتزام بالقوانين

[*شادي*]

اخي سدوك من فين جبته يلي بي 250