ناوي اشتري همستر تكفوون طلبتكم!

[KATI .. KATI]

السلام عليكم ورحمة الله وبركاته


كيف الحال انا ناوي اشتري همستر بس مااعرف وش احسن سوري ولا روسي ووش انواعهم ووش سلبياتهم وايجابياتهم ..



والتفريق بين الذكر والانثى..

وايش افضل اخذ ذكر او انثىى ولا زوج...

والقفص تكفوون جيبولي صور له ..

واذا في سؤال بكتبه لكم

مشكووووووووووووووورين:cool::cool::cool::D

[KATI .. KATI]

افاا ولا رد ماتوقعتها كذا

[النمر الجليدي]

أخوي خذ لك روسي إذا كنت مبتدأ

لأن شكله جميل ولطيف وغير مكلف

أما السوري ما يناسب لك كمبتدأ صحيح يجي منه ألوان ماهو زي الروسي بس يطلع منه ريحة معفنة

وبيتعبك في تربيته


الأفضل أنك تاخذ روسي


...

[falo]

و عليكم السلام


قزم الروسي أفضل

ايجابياته

نظيف و نشيط اكثر و صغير ما يطلع روائح :D

سلبياته
عدد الاولاد 2-6 أو 5

سوري

ايجابياته
حلو شكله:D عدد اولاد 3-7 أو 9

سلبياته
له روائح:eek: و كبير عند بعض الناس يعتبر عندهم سلبي

الاقفاص نفس أو قريب من العصافير بس تكون في قطعه داخل القفص على شكل مربع

15 15X سم

افضل انثى لمبتدأ

[falo]

ادخل هذا الرابط

http://images.google.com.sa/images?hl=ar&q=%D8%B5%D9%88%D8%B1%20%D8%A3%D9%82%D9%81%D8%A7%D8%B5%20%D8%A7%D9%84%D9%87%D8%A7%D9%85%D8%B3%D8%AA%D8%B1&um=1&ie=UTF-8&sa=N&tab=wi

و ايضا هذا

http://www.2zoo.com/vb/showthread.php?t=22482

[زين ابوها]

الافضـــل رووسي ..

لانه اصغر واحسن تربيته ..!

بالتوفيق

[HarHory@2zoo.com]

هلا كاتي .. كاتي ..

زين أنك سألت :)

زي ماقالو طبعا الروسي أحسن لانه الروسي أحلى وأصغر وأنظف وأنشط أما السوري أكبر ويوسخ أكثر وممكن أحيانا يعض:( .

أما بالنسبة للقفص أنا ماعندي صور بس هو معروف وواضح والأحسن تكون الأسلاك المكونه للقفص عمودية مو أفقية عشان يقدر يتسلق عليها لأنه الهمستر يهوى التسلق أما محتوياته يكون فيه أنفاق ملونه هو كذا يجي جاهز لأنه الهمستر يحب الأنفاق بس مع الأنفاق يكون كبير شوي والأنفاق مو ضرورية فممكن تستغني عنها وتجيب قفص أصغر شوي بس أهم شي يكون فيه بيت وطاحونه يلي يدور فيها الهمستر ومن الأفضل كمان تحط بأرضية القفص نشارة خشب لأنها تتمتص الوصاخة وبعدين بسهولة تنظفها بس تفك الأرضية وترميه النشارة إذا ماعندك نشارة خشب ممكن تحط مناديل وحتى لو قطعها عادي .

أما أكله فما يكفي أكله المخصص يلي ينشرى من محلات الحيوانات فلازم تطعميه خضرة مثل الخس والخيار والجزر وكمان مكسرات بس مو ممحمصة

ماأدري يمكن أنت شريت وخلصت :confused:
بس إذا عندك أي أي أي سؤال عن الهامستر اسألني ;)

وبانتظار ردك
بااااي

[shero]

مشكور على الموضوع

اما عن السؤال انا اقول [الروسي]

لاْ اكثر الوفة من [السوري]

[KATI .. KATI]

مشكورين كللللللللكم وانا لسا ماشريته طيب خلاص روسي بس وش افضل في منه انواع في ونتر وايت <<<مب متاكد من الاسم

وانواع ثانيه

وفي عمر كم يتزاوج..

واجيب زوج ولا لا...

وكم فترة الحمل..

عارف كثرت اسئلة سامحوني

[KATI .. KATI]

نسيت سؤال انا بجيب زوج اجيب قفص دورين ؟؟

ووش احسن القفص الحديد ولا البلاستيك ..؟

[HarHory@2zoo.com]

لا ولو .. اش دعوى

من النوع الروسي مافي تفرعات كثير أو بالأحرى أنواع واضحة , أنت بس قول للمحل تبي روسي وبعدين اختار اللون الي حبيته

بس أكثر شي ضحكني سؤالك حق لو جبت زوج تجيب قفص دورين ؟ ---> مررة حلو اهتمامك فيهم كأنهم انسان
هو عادة الأقفاص تجي دورين وبكل حال ماتفرق وحتى حديد أو بلاستيك ماتفرق هذي تفاصيل مررة صغيرة مو مهمة في أشياء أهم

الحين أهم شي وهو عليه يعتمد كل شي .. أنت بتربي الهامستر كذا يعني هواية ولا تبيها تتكاثر ؟؟؟
إذا هواية جيب واحد إذا تبيها تتكاثر أكيد جيب زروج بس تزاوج الهامستر وولادته مو سهلة وييبيلها عناية

عشان كذا إذا أنت مبتدأ وأول مرة تربي هامستر أنا أنصحك تجيب الحين واحد مايفرق أنثى أو ذكر وتربيه وتشوف شلون العناية فيه وتتعلمها وبعدين تجبله ذكر أو أنثى زي مايكون أنت جايب بالأول

إذا تبي تجيب واحد المعلومات المهمة للتربية قلتها بالرد السابق
أما إذا تبي تجيب زوج ففي أشياء كثير لازم تعرفها عن العناية بهما

عشان كذا ردي لي أيش ودك تجيب واحد ولا أثنين وعلى هذا الأساس أعلمك العناية بها

وزي ماقلت من قبل :::: إذا عندك أي سؤال لا تتردد وتسألني

ردك
باااي