من وين اشتري الخيل

[كويتي نت]

السلام عليكم


انا ودي اشتري خيل اصيل


طبعا من سكان الكويت ولاكن كثر ما ارووح مصر


سمعت بمصر فيه خيول زينه وبالكويت سمعت فيه بجد؟


انصحوني من وين اشتري

[شرقــــاوي]

..بـسـم اللـه الـرحـمـن الـرحـيـم..اخـوي ان كانه بالكويت فأنا ماني من سكان الكويت وماأعرف عن مزاداتهم شي
اما إذا كانك تسأل عن مصر فمصر فيها كذا اسطبل حكومي يعني يسون فيه مزادات كل 3 او 4 اشهر
وأسم الأسطبلات..(اسطبل الزهره في عين شمس..وعندك اسطبل الخطاب في الهرم)..
والباقي مزارع تكون في مصر تبع الخيل تشوف احد تعرفه يدليك عليهم او سأل اي احد هناك
والأسعار طبعاً تختلف من فرس إلى فرس
بعض الملاك يطلبون بالدولار وبعضهم يتعاملون بالمارك الألماني
وبـكـذا اتـمـنى انـي اكـون افـدتـك ولـو بالـشـي الـقـلـيـل

تـقـبل مـروري..
شـرقـاوي

[كويتي نت]

لووووووووووووووووول يتعاملون بالمارك ايه انا اوريهم حرام غير الجنيه ما يشوفون

الي بالهرم مقدور عليهم ماعنهم نصابين بس سهل التعامل معاهم ....لو تعرف مزارع احسن

[ghasan2007]

افضل الخيول في الاردن

[الشريدة]

السلام عليكم

في بالكويت مزادين إلى ثلاث ثابتين في اصطبلات الفروانيه ( بجواخير جبد ) الجواخير اللي اذا مشيت بطرق جبد وجاك البانزين على يمينك تتعدى شوي تحصل بوجهك دوار اخذه يسار تكون الإسطبلات امامك فيها اصطبل الفرسان (كل انواع الخيول تنزل ) والمحبه ( الواهو وبعض المرات ينزلون بلدي ) والثالث ما أذكر اسمه اهم يكون فيهم مزادات اسبوعيه للخيل .

ولكن الخيل عند شرائها لازم تكون عندك اهداف فيها يعني انت حق شنو تبي تشتري الراس وشنو استفادتك منه للخياله العاديه او قفز الحواجز او ريس ( سباق ) او الجمال واللي تبيه واهو ( عربي اصيل ) او بلدي ( كديش ) لأن لكل شي سعر وتفاصيل وهل عندك المكان والقدره على مراعاته.

انا ما أخوفك ولا اغلق الأبواب امامك ولكن انصحك علشان تكون عندك فكره للي تبي تاخذه ولزم يكون عنك واحد يفهم بالخيل علشان يساعدك بالشراء ويكون كتابك النصوح بوقت الشراء .

[عاشق بوذيب]

ماقصروا الاعضاء...