بسافر عن طريق البر هل تنصحوني ىخذ ببغائي معي ولا ماينفع

[faisal_njd]

انا عندي ببغاء هولندي وموالف
له ثلاث شهور عندي وبدا يتكلم
وانا هاليومين بسافر ومحتار اخاف اخليه عند احد
وارجع يكون قد نساني
واخاف اخذه معي ويتعب من الطريق
انا بسافر لجده عشر ساعات خط تقريباً عادي تتوقعون لو ىخذه معاي
ولا ماراح يرتاح
أرجوا الإفاده والنصيحه
وشكراً

[falo]

لا حر ما يصلح و الببغاء ما راح ينساك لأنه خلاص عرف ريحتكــــ

[stt95]

إذا يومين عادي روح لأن الطريق راح يتعبه

[faisal_njd]

أشكركم على تجاوبكم السريع
انا بالنسبه لي يمكن اقعد اسبوع بجده
وبالنسبه للسفر اذا بروح بيكون الجو زين معتدل لاني ماسافر الا بالليل
وفيه مكيف بالسياره يعني ماراح يحس بالحر
بس السؤال هل بتضايق من طول الخط وعدم النوم وبيتأثر نفسياً
ولا اخليه بس عند احد
وشاكر لك اخي falo وstt95

[عاشق ببغاء الدرة]

أسمع إذا نزلت جدة أنصحك تروح سوق الحمام وروح يوم الجمعه عشان الببغانات رخيصه وجميله
وكمان خذ معاك الببغاء عشان ماينساك
تقبل مروري

[فتفوته]

من رأيي
ما انصحك تشيله معك
اوكيه الجو حلو وفيه تكييف بس يمكن يدوخ ويستفرغ من حركة السيارة !
ومدة مكوثك في جدة لا تعتبر فترة طويلة بالنسبة له ,,
يعني لا تخاف مهوب ناسيك ان شاءالله :)

[راعي الكاسيكو]

ما أنصحك تاخذ الطير لهاذا المشوار المرهق خله بالبيت مرتاح احسن
وا شاء الله ماراح ينساك . . .
الببغاء ذكي وماراح ينساك بهاذي السهولة :)

[فواز سالم]

اتا اسافر الى خمس ايام واترك ثلاث ازواج من الكناري وزوج من الببغأ مع توفير المأ والغذا وعادي اهم شي تتركها في مكان جيد التهوية وبنسبة للكناري تركتها بأحد المرات شهر كامل فكانت اكبر مغامرة

[البندوق]

عزيزى لو تقدر تأخذه لاتقصر ولكن لو فى صعوبة شئ راجع لك والسؤال من أى بلد سوف تسافر لأنى أنا نفس المشكلة واقع فيها وهى اريد شحن الكاسكو للكويت

[وعـــد الهـــوى]

سفرتك اسبوع ماتستاهل انك تشيله

خليه عند اي احد

[سكون الليل]

انت براحتك اكيد

بس بالنسبة لي انا درتي كنت شاريتها من جدة و معي لحد ماوصلت بيتي بحائل و هي لسى ماتعودت علي مالها يومين عندي بس كان الوضع عادي
كنت مغطيتها و حاطتها بالجيب وراء و مسكرة فتحت المكيف اللي يمها و كل شوي اشيك عليها لحد ماوصلت و الحمد لله هذي الله يحفظها لي يارب مثل العسل

بالنسبة لي يعني اشوف ان مافيها شي لو تاخذها معك لان الناس ماراح يحافظون عليها مثل ماتحافظ عليه انت الا اذا كنت واثق فيهم جداً و متاكد انهم راح يهتمون فيه مثل لو كنت موجود و اكثر مو يهملونه و تجيه متغير عليك

هذه تجربتي و اتمنى ان تلقى فايده منها

[مربي الطيور]

لالالاللاال تعب على الببغاء و حر ومشاكل

[abo_cady]

اخوي انا جربت اخذت معي مره الكاسيكو خمسة ايام بس تعب علي وانا بعد تعبت معاه .....نصيحه لا تاخذه خله مرتاح وانت ترتاح......