سؤال يراودني .............

[غالي]

ليش كل واحد يدور حق عمره المشاكل ؟؟

بتقولون منو هذا الغبي صح .

شوفوا من دون زعل .

انتوا تبون تصير كلابكم شرسه حق شو ؟

افرض عض واحد . او ذبح ولد لعوزه . او مره نسيت تربطه و طلع برع البيت و راح يلحق الناس.

اذا كانت هناك شي مهم يمكن . اما بس عشان يشوف الناس معاك كلب قوي . فهي خباله ..

اذا زعلة حد انا اسف ..

[الخالد]

والله اخوي احنا ندرب الكلاب عالشارسة عشان الحراسة وحماية الاشخاص المهمة
هذا للناس اللي عندهم عقل
انما الناس اللي تشرس حق المجاولات والفايت فهذه ناس حرة وبتلقى جزائها في الدنيا او الاخرة
وفي ناس تسوي كذا عشان تشركها في مسابقات وتحصل على مراكز حلوة
هذا ردي عليك

[غالي]

اقول الخالد شو اسم هذا الكلب الي في الصوره ..
و شة مميزاته وظائفه ؟

[killer]

حبيبي غالي

اذا انت كنت بتفكر بكل حوادث ممكن تصير فلا تشتري شيء



ليش تاخذ لك سيارة وانت احتمال تدعم لاقدر الله وتنهي حياتك؟

ليش تشتري تليفون؟يمكن يوم من الأيام ينسرق او يضيع منك؟؟

ارجو ان تكون فهمتني

[الفايلسوف]

ياخوي انا أعرفلك ناس عندهم طيوووووور غريبة فوق 2000 للوحدة وهم عندهم أكثر من طير وسهلة السرق وحيونات غالية الثمن وتلفزيونات و ......... ويجيك الحرامي يلعن أم العامل وياخذ حلالك بس لو فيه كلب أسوووود :D الحرامي بيموت بدون ما يدخل الكلب :D أتمنى تفهم قصدي

[rock_1001]

شراسة الكلب بالاوامر مو خطر بس شراسة المفرطه هذي الخطر

[غالي]

ردك يا روك عجبني انا اتكلم ان الزياده المفرطه

[عاشق الروت وايلر]

غالي ياخوي كل واحد حر باللي يسويه والكلب كلبه
واللي يسوي الغلط ذنبه على جنبه

[الـــــــرازم]

عزيزي غالي ؟ كلامك صح بس اتمنى ان كل واحد يربي كلبة على الشراسة ان يكون حذر على الكلب يعني ماينسى كلبة ويحافظ على تأمينة في مكان جيد ومحكم لكي لايظر الناس ولاكن في وقت حراسة المنزل او المزرعة او مكان حراسة الكلب ( في الوقت المحدد يعني ليلاُ فذنب الذي يدخل مكان تواجد الكلب على جنبة يعني لازم يقوم الكلب بحماية المكان ؟؟؟ وبذلك يصبح هذا الكلب الذى تم اطعامة وتربيته هو حامي المكان ؟؟؟ اخوك الرازم هذا تعليقي

[الكلاسيكي]

مرحبا اخوي غالي :
اهو صحيح في ناس تربي شراسة بس هواية لا اكثر بس مانقدر نقول هاذي خباله ونطلب منهم انهم مايزعلون انت لو كتبت كلامك ومن دون الكلمات هاذي انا اشوفها انسب لا وبتحصل مشاركات من الاعضاء مو بتحصل هجوم منهم لانه موضوعك حلو وجميل جداً فا ياريت تنتبه للنقطه هاذي لاننا ندري انك تبي مصلحت الكل وعلى ذلك وجدت بعض المشاركات وبتحصل اكثر من الي يفهمونك ، وانا بعد اايد موضوعك واقول لازم من الكل ان يضع الشي في مكانه السليم وينتبه لجميع الاخطاء المحتمله الوارده والغير وارده لانه زي ماتفضل اخوي غالي هاذي كلاب شرسه واذا صاحبها مو موجود وقتها ما راح ينفع الاوامر لانها راح تاخذ الامر من ،من ، ارجو منك اخوي غالي ان تتقبل مرروري يالغالي على قلوبنا ،
مع جزيل الشكر لأهتمامك ،،،